«Հայաստանի Հանրապետության կառավարության 2022 թվականի ապրիլի 28-ի N 596-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագիծ

     ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

----------- 2024 թվականի N -------Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2022 ԹՎԱԿԱՆԻ ԱՊՐԻԼԻ 28-Ի N 596-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2022 թվականի ապրիլի 28-ի՝ «Ուսուցիչների կամավոր ատեստավորման, կամավոր ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման, կամավոր ատեստավորման հանձնաժողովի ձևավորման կարգը հաստատելու մասին» N 596-Ն որոշման հավելվածում կատարել կատարել հետևյալ փոփոխությունները և լրացումները.

• 1 կետում «Ատեստավորմանը կարող է մասնակցել նաև «Հանրակրթության մասին» օրենքի 26-րդ հոդվածի 1-ին և 2-րդ մասերի պահանջներին համապատասխանող» բառերը փոխարինել «Ատեստավորմանը կարող է մասնակցել նաև «Հանրակրթության մասին» օրենքի 26-րդ հոդվածի 1-ին մասի և 2-րդ մասի 1-ին և 2-րդ կետերի պահանջներին համապատասխանող» բառերով:
• 1 կետը լրացնել նոր՝ 5.2 կետով՝ հետևյալ բովանդակությամբ.

«5.2. Ատեստավորմանը կարող են մասնակցել նաև «Հանրակրթության մասին» օրենքի 38-րդ հոդվածի 5-րդ մասի պահանջով մասնագիտական գործունեությունը դադարեցված բարձրագույն կրթություն չունեցող անձինք:»:

• 7-րդ կետը շարադրել հետևյալ խմբագրությամբ.

«7. Ատեստավորումն ըստ առարկաների իրականացվում է էլեկտրոնային թեստավորման, անհնարինության դեպքում՝ թղթային եղանակով:»:

• 8-րդ կետը շարադրել հետևյալ խմբագրությամբ.

«8. «Մայրենի», «Հայոց լեզու», «Գրականություն» և «Հայ գրականություն» առարկաներ դասավանդող ուսուցիչներն ատեստավորվում են միայն «Հայոց լեզու» առարկայից, «Մայրենի լեզու (քրդերեն)» և «Մայրենի լեզու և գրականություն (քրդերեն)» առարկաներ դասավանդող ուսուցիչներն ատեստավորվում են միայն «Մայրենի լեզու (քրդերեն)» առարկայից, «Հայոց պատմություն» և «Համաշխարհային պատմություն» դասավանդող ուսուցիչներն ատեստավորվում են «Պատմություն» առարկայից, «Աշխարհագրություն» և «Հայաստանի աշխարհագրություն» առարկաները դասավանդող ուսուցիչներն ատեստավորվում են «Աշխարհագրություն» առարկայից, «Ինֆորմատիկա» և «Թվային գրագիտություն և համակարգչային գիտություն» առարկաները դասավանդող ուսուցիչներն ատեստավորվում են «Ինֆորմատիկա» առարկայից, իսկ «Հանրահաշիվ» և «Երկրաչափություն» առարկաները ներառվելու են մեկ թեստում, 1-4-րդ դասարաններում դասավանդող դասվարները թեստավորվում են մեկ միասնական թեստով, որում ներառված են հարցեր «Մայրենի», «Մաթեմատիկա» և «Ես և շրջակա աշխարհը» առարկաներից։»:

• 9-րդ կետը շարադրել հետևյալ խմբագրությամբ.

 «9.  5-12-րդ դասարաններում դասավանդվող «Մայրենի», «Հայոց լեզու», «Հայոց պատմություն», «Համաշխարհային պատմություն», «Իմ հայրենիքը», «Իմ հայրենիքը և աշխարհը», «Մաթեմատիկա», «Հանրահաշիվ» և «Երկրաչափություն», «Բնագիտություն» («Բնություն»), «Ֆիզիկա», «Քիմիա», «Կենսաբանություն», «Աշխարհագրություն» («Հայաստանի աշխարհագրություն»), «Ռուսաց լեզու», «Անգլերեն», «Ֆրանսերեն», «Գերմաներեն», «Հայոց եկեղեցու պատմություն», «Ինֆորմատիկա» (տարրական դասարանից սկսած՝ «Թվային գրագիտություն և համակարգչային գիտություն»), «Հասարակագիտություն», «Նախնական զինվորական պատրաստություն», «Ֆիզկուլտուրա», «Երաժշտություն», «Կերպարվեստ», «Տեխնոլոգիա», «Շախմատ» առարկաների ուսուցիչների, ինչպես նաև «Ասորերեն լեզու», «Եզդիերեն», «Մայրենի լեզու (քրդերեն)» առարկաների ուսուցիչների, դասվարների և խմբակավարների ատեստավորումն իրականացվում է  թեստավորման եղանակով:

• 10-րդ կետը շարադրել հետևյալ խմբագրությամբ.

«10. «Բնագիտություն» («Բնություն»), «Իմ հայրենիքը», «Իմ հայրենիքը և աշխարհը» առարկաները դասավանդող ուսուցիչներն ատեստավորման համար ընտրում են կրթության իրենց որակավորմանը համապատասխան առարկան:»:

• Ուժը կորցրած ճանաչել 17-րդ կետի 4-րդ ենթակետը:
• 18-րդ կետը շարադրել հետևյալ խմբագրությամբ.

«18. Հայտարարությամբ նշված ժամկետի ավարտից հետո ներկայացված հայտերը չեն ընդունվում:»:

• 19-րդ կետը շարադրել հետևյալ խմբագրությամբ.

«19. Ատեստավորմանը մասնակցելու համար հայտերը ներկայացվնում են Կրթության կառավարման տեղեկատվական համակարգի էլեկտրոնային մատյանում (matyan.emis.am) և նույն էջում ստանում հաղորդագրություն՝ հայտն ընդունված լինելու վերաբերյալ:»:

• 20-րդ կետում «Ատեստավորման հայտ ներկայացնելիս պահանջվում է հետևյալ տեղեկատվությունը՝» բառերը փոխարինել «Կայքում ատեստավորման հայտ ներկայացնելիս Կրթության կառավարման տեղեկատվական համակարգից հայտում ամրագրվում է հետևյալ տեղեկատվությունը՝» բառերով:
• 20-րդ կետը լրացնել նոր՝ 6-րդ ենթակետով՝ հետևյալ բովանդակությամբ.

«6) համաձայնություն՝ տեխնիկական սարքերի առկայության ստուգում անցնելու վերաբերյալ:»:

• 1 կետը 2-րդ ենթակետը շարադրել հետևյալ խմբագրությամբ.

«2) բարձրագույն կրթությունը հավաստող փաստաթուղթը (դիպլոմը), սույն հավելվածի 5.2-րդ կետով սահմանված դեպքում՝ մասնագիտական կրթության մասին հավաստող փաստաթուղթ, 5.3-րդ կետով սահմանված դեպքում՝ դպրոցում աշխատած լինելու մասին տեղեկանք, առկայության դեպքում՝ մասնագիտական կրթության մասին հավաստող փաստաթուղթ:»:

• 1 կետը լրացնել նոր՝ 7-րդ ենթակետով՝ հետևյալ բովանդակությամբ.

 «7) համաձայնություն՝ տեխնիկական սարքերի առկայության ստուգում անցնելու վերաբերյալ:»:

• 22-րդ կետը շարադրել հետևյալ խմբագրությամբ.

«22. «Կրթական տեխնոլոգիաների ազգային կենտրոն» (ԿՏԱԿ) պետական ոչ առևտրային կազմակերպության կայքում հայտերի ներկայացման վերջնաժամկետը լրանալուց հետո ինքնաշխատ եղանակով ձևավորվում են հայտ ներկայացրած ուսուցիչների ցուցակները: Ատեստավորման նպատակով հայտ ներկայացրած մասնակիցների՝ ինքնաշխատ եղանակով ձևավորված ցուցակները հասանելի են նաև ԳԹԿ-ին։»։

• 23-րդ կետում «թեստավորման տևողությունը» բառերից հետո լրացնել «(թղթային եղանակով իրականացման դեպքում՝ ձևաթղթի լրացման կարգը)» բառերը:
• 24-րդ կետում «Հայտ ներկայացրած ուսուցիչների ցուցակների հիման վրա ԳԹԿ-ն Երևան քաղաքում և մարզկենտրոններում, ուսուցիչների ատեստավորումը կազմակերպելու նպատակով» բառերը փփոխարինել «Հայտ ներկայացրած մասնակիցների ցուցակների հիման վրա ԳԹԿ-ն ատեստավորումը կազմակերպելու նպատակով»:
• 25-րդ, 26-րդ, 29-րդ, 30-րդ, 36-րդ, 39-րդ, 40-րդ, 41-րդ, 45-րդ, 65-րդ կետերում, 66-րդ կետի 2-րդ ենթակետում, 68-րդ կետում «ուսուցիչ» բառը փոխարինել «մասնակից» բառով՝ համապատասխան հոլովաձևով և թվով:
• 27-րդ կետում «Կենտրոնում հերթապահների ցուցակը կազմում և նրանց ներկայությունն ապահովում է տվյալ ուսումնական հաստատության տնօրենը:» բառերը փոխարինել «Կենտրոնում հերթապահների ցուցակը կազմում և նրանց ներկայությունն ապահովում է տվյալ հաստատության ղեկավարը:» բառերով:
• 28-րդ կետում «յուրաքանչյուր ատեստավորման» բառերը փոխարինել «ատեստավորման յուրաքանչյուր» բառերով:
• 31-րդ կետում «Ատեստավորման օրն ուսուցիչն» բառերը փոխարինել «Ատեստավորման օրը մասնակիցն» բառերով:
• 32-րդ կետը շարադրել հետևյալ խմբագրությամբ.

«32. Մասնակիցների մուտքը կենտրոն սկսվում է ատեստավորման կենտրոնի ղեկավարի հրահանգով: Ատեստավորման սենյակ մուտք գործելուց առաջ ստուգվում է հեռախոսի կամ այլ սարքերի առկայությունը, հայտնաբերելու դեպքում այն հանձնվում է ատեստավորման կենտրոնի պատասխանատուին, որից հետո մասնակիցը  մուտք է գործում ատեստավորման սենյակ՝ իր հետ տանելով միայն անձը հաստատող փաստաթուղթը և անցաթուղթը:»:

• 33-րդ կետը շարադրել հետևյալ խմբագրությամբ.

«33. Մասնակիցը մոտենում է իր խմբի ներկայացուցչին (թղթային եղանակով իրականացման դեպքում՝ ստանում պատասխանների ձևաթուղթը), ցուցակում ստորագրում է իր անվան դիմաց և նստում ըստ վիճակահանության արդյունքի՝ համապատասխան նստարանին:»:

• Հավելվածը լրացնել նոր՝ 33.1, 33.2, 33.3, 33.4, 33.5, 33.6, 33.7, 33.8, 33.9, 33.10, 33.11, 33.12, 33.13, 33.14 կետերով՝ հետևյալ բովանդակությամբ.

«33.1. Էլեկտրոնային եղանակով թեստավորվելու դեպքում մասնակիցը մուտք է գործում հարմարեցված տարածք, համակարգիչներից մեկի առջև զբաղեցնելու տեղը որոշվում է վիճակահանության արդյունքում՝ ներկայացուցիչներից մեկի ներկայությամբ: Աշխատանքն սկսվելուց 15 րոպե առաջ ներկայացուցիչը մասնակիցների համար ընթերցում է ատեստավորման անցկացման կարգը, տեղեկացնում բողոքարկման գործընթացի մասին:

33.2. Էլեկտրոնային թեստավորման հարցաշարը ներբեռնվում է թեստավորման համար ստեղծված էլեկտրոնային համակարգի միասնական բազայում:

33.3. Սույն հավելվածի 42-45-րդ, 47- 50-րդ կետերով սահմանված դրույթները կիրառելի են նաև էլեկտրոնային թեստավորման եղանակով ատեստավորումն իրականացնելու դեպքում:

 33.4. Թեստավորման յուրաքանչյուր ճիշտ պատասխան գնահատվում է 1 միավոր, իսկ սխալ պատասխանը՝ 0 միավոր:

33.5. Համակարգ մուտք գործելուց հետո, համակարգը միասնական բազայից մասնակցի համար ձևավորում է թեստ և ֆիքսում աշխատանքի սկիզբը։ Մասնակցի էջում հայտնված ժամացույցը հետհաշվարկի միջոցով ցույց է տալիս թեստավորման համար նախատեսված ժամանակը:

33.6. Թեստը բաղկացած է հարցերից, որոնց պատասխանները կարող են ներկայացված լինել մի քանի  ենթադրյալ պատասխաններով, որոնցից մեկը միանշանակ ճիշտ պատասխանն է:

33.7. Մասնակիցը ծանոթանում է հարցերին և յուրաքանչյուր հարցի վերաբերյալ նախատեսված համապատասխան վանդակում կատարում է նշում` ընտրելով մեկ` իր կարծիքով ճիշտ պատասխանը:

33.8. Աշխատանքն ավարտելուց հետո մասնակիցը սեղմում է թեստի ներքևում ստեղծված «Ավարտել» կոճակը։ «Ավարտել» կոճակը սեղմելուց հետո համակարգը ինքնաշխատ եղանակով ձևավորում է ամփոփաթերթ, որտեղ նշվում է մասնակցի կողմից յուրաքանչյուր առաջադրանքին տրված պատասխանը, տվյալ առաջադրանքի ճիշտ պատասխանը, ճիշտ պատասխանների քանակը և ընդհանուր առաջադրանքների համեմատ ճիշտ պատասխանների տոկոսային հարաբերությունը:

33.9. Մասնակիցը համարվում է քննությունը հաղթահարած՝ թեստավորման առաջադրանքների առնվազն 90 տոկոսին ճիշտ պատասխանելու դեպքում:

33.10. Թեստավորման առաջադրանքների կատարման համար հատկացված ժամանակն սպառվելուց հետո համակարգը փակում է առաջադրանքների կատարման համար նախատեսված պատուհանը, և ինքնաշխատ եղանակով ձևավորում է ամփոփաթերթը:

33.11. Ամփոփաթերթը ձևավորվելուց հետո հասանելի է համակարգում՝ Հանձնաժողովի և տվյալ մասնակցի էջում:

33.12. Թեստավորման ժամանակ առաջադրանքները կատարելու համար նախատեսված ժամանակը լրանալուց հետո համակարգը ինքնաշխատ ձևով կազմում է արձանագրություն, որտեղ նշվում է յուրաքանչյուր մասնակցի անունը, ազգանունը, հայրանունը, ճիշտ պատասխանների քանակը և բոլոր առաջադրանքների համեմատությամբ ճիշտ պատասխանների տոկոսային հարաբերությունը։ Արձանագրությունը հրապարակվում է համապատասխան ցուցանակի վրա:

33.13.Աշխատանքն ավարտած մասնակիցն անմիջապես մոտենում է ներկայացուցչին, հայտնում իր ստացած միավորը և դուրս գալիս քննասենյակից:

 33.14. Թեստավորման արդյունքում ստացած արդյունքի բողոքարկումն իրականացվում է սույն կարգի 63-68-րդ (բացառությամբ 66-րդ կետի 2-րդ ենթակետի) կետերով սահմանված կարգով և ժամկետներում:»:

• 34-րդ կետը շարադրել հետևյալ խմբագրությամբ.

« 34. Թղթային եղանակով ատեստավորվելու դեպքում մասնակիցն ատեստավորման սենյակ է տանում միայն  անձը հաստատող փաստաթուղթը և անցաթուղթը:»:

• 35-րդ կետը շարադրել հետևյալ խմբագրությամբ.

   «35. Աշխատանքն սկսվելուց 15 րոպե առաջ ներկայացուցիչը մասնակիցների համար ընթերցում է ատեստավորման անցկացման կարգը, տեղեկացնում բողոքարկման գործընթացի մասին:»:

• 38-րդ կետը շարադրել հետևյալ խմբագրությամբ.

«38. Թղթային եղանակով ատեստավորումն անցկացվում է թեստերի միջոցով: Թեստերը բաղկացած են ընտրովի և կարճ պատասխաններ պահանջող առաջադրանքներից:»:

• 42-րդ կետը շարադրել հետևյալ խմբագրությամբ.

«42. Ատեստավորման սկիզբը հայտարարվելուց հետո արգելվում է ուշացած մասնակցի մուտքն ատեստավորման սենյակ:»:

• 43-րդ կետը շարադրել հետևյալ խմբագրությամբ.

«43. Թեստավորման ընթացքում արգելվում է ատեստավորման սենյակ ներս բերել կապի միջոցներ, տպագիր, մեքենագիր, ձեռագիր նյութեր կամ տեխնիկական սարքեր, թեստավորման առաջադրանքների կատարման համար աղբյուր հանդիսացող այլ միջոցներ, ինչպես նաև թեստավորման ընթացքում չի թույլատրվում աղմկել, հուշել, խոսել, առանց կենտրոնի ղեկավարի թույլտվության տեղը փոխել, թեստավորման հառաջադրանքների կատարման հետ կապված մասնագիտական հարցեր տալ ատեստավորման սենյակում գտնվող անձանց:»:

• 44-րդ կետում «Գրավոր աշխատանքի ընթացքում ատեստավորման սենյակից ուսուցիչը»բառերը փոխարինել «Թեստավորման ընթացքում ատեստավորման սենյակից մասնակիցը» բառերով:
• 47-րդ կետում «Ուսուցիչների գրավոր աշխատանքի» բառերը փոխարինել «Թեստավորման» բառերով:
• 48-51-րդ կետերը շարադրել հետևյալ խմբագրությամբ.

«48. Աաշխատանքի ավարտից 30 րոպե առաջ ներկայացուցիչը մասնակիցների ուշադրությունն է հրավիրում ժամանակի վրա և հիշեցնում սահմանված ժամին աշխատանքն ավարտին հասցնելու անհրաժեշտության մասին:

49. Եթե ատեստավորման ընթացքում (և էլեկտրանային, և թղթային եղանակով իրականացվող) մասնակիցն առանց թույլտվության դուրս է գալիս ատեստավորման սենյակից, խոսում է այլ մասնակիցների հետ, փոխում է տեղը, եթե գրավոր աշխատանքի ընթացքում մասնակիցը զրուցում է, կամ նրա մոտ հայտնաբերվում է բջջային հեռախոս կամ այլ կապի միջոց, ապա ներկայացուցիչը պարտավոր է կենտրոնի ղեկավարի և պատասխանատու ներկայացուցչի մասնակցությամբ դադարեցնել նրա ատեստավորումը՝ այդ մասին արձանագրելով քննասենյակի մասնակիցների խմբի ցուցակի «Նշում» սյունակում, և տեղյակ պահել մասնակցին:
50. Ատեստավորումը դադարեցվելուց հետո ատեստավորման տվյալ սենյակի պատասխանատու ներկայացուցիչն արձանագրում է կատարված խախտումը: Ատեստավորման գործընթացը դադարեցված, աշխատանքը սահմանված ժամանակին չավարտած մասնակցի աշխատանքը գնահատվում է 0 միավոր (թղթային եղանակով իրականացվելու դեպքում պատասխանների ձևաթուղթը չի սքանավորվում և չի ստուգվում):
51. Աշխատանքն ավարտած, կամ հիվանդության պատճառով, կամ սեփական նախաձեռնությամբ աշխատանքն անավարտ թողած մասնակիցը մոտենում է ներկայացուցչին, արձանագրություն կազմելու համար (թղթային եղանակով ատեստավորման դեպքում՝ պատճենահանում պատասխանների ձևաթուղթը), այնուհետև մոտենում իր խմբի ներկայացուցչին: Մասանկիցը թեստը և պատասխանների ձևաթուղթը ներկայացուցչին է հանձնում` ստորագրելով իր խմբի ցուցակի համապատասխան տեղում: Ներկայացուցիչը համեմատում է թեստի և պատասխանների ձևաթղթում նշված թեստի համարները: Մասանկիցը պատասխանների ձևաթղթի պատճենահանված օրինակը պահում է իր մոտ:»:

•  64-րդ կետում «Ուսուցչի գիտելիքի գրավոր ստուգման արդյունքի» բառերը փոխարինել «Ատեստավորման արդյունքի» բառերով:
• 67-րդ կետը շարադրել հետևյալ խմբագրությամբ.

«67. Բողոքարկման արդյունքում ընդունվում է որոշում մասնակցի աշխատանքի միավորի պահպանման, բարձրացման կամ իջեցման մասին: Հանձնաժողովի ընդունած որոշման հիման վրա մասնակցի աշխատանքի բողոքարկման արդյունքները հրապարակվում են ԳԹԿ-ի կայքէջում բողոքարկման ավարտից հետո՝ 3 աշխատանքային օրվա ընթացքում:»:

•  72-րդ կետում «օրենսդրությամբ սահմանված կարգով տրամադրվող» բառերից հետո լրացնել «մանկավարժական» բառը:
• 73-րդ կետում «Ատեստավորումն անցած ուսուցիչներին» բառերից հետո լրացնել «(այդ թվում՝ հեռավար ուսուցում իրականացնող)» բառերը:
• 73-րդ կետը լրացնել նոր՝ 73.1 և 73.2 կետերով՝ հետևյալ բովանդակությամբ:

«73.1.Հաստատությունում դասավանդող վարչական աշխատողին կամավոր ատեստավորման արդյունքում հավելավճարը հաշվարկվում է միայն դասավանդվող ժամերի նկատմամբ:

73.2. «Նախնական զինվորական պատրաստություն» առարկան դասավանդող ուսուցչին հավելավճարը տրամադրվում է դասավանդվող ժամերի նկատմամբ, որի 0.5 դրույքը  հավասարեցված է ուսուցչական մեկ դրույքին:»:

• 76-րդ կետի 1-ին, 2-րդ և 3-րդ ենթակետերում «տրվում է» բառից հետո լրացնել «մանկավարժական» բառը:
• 76-րդ կետի 5-րդ ենթակետը շարադրել հետևյալ խմբագրությամբ.

«5) 0-59 տոկոս արդյունքի դեպքում ուսուցիչը ենթակա է վերաատեստավորման՝ հաջորդ ատեստավորման ժամանակ:»:

• 77.1-ը շարադրել հետևյալ խմբագրությամբ.

«77.1. 0-59 տոկոս արդյունք ցուցաբերած ուսուցիչների մասին տեղեկատվությունը, ըստ ենթակայության, նախարարությունը ներկայացնում է լիազոր մարմնին՝ տնօրենի կողմից տվյալ ուսուցչի համար սույն կարգի 78-րդ կետով սահմանված վերապատրաստումը և վերաատեստավորմանը մասնակցությունն ապահովելու համար, որի նպատակով Կրթության կառավարման տեղեկատվական համակարգում ուսուցչի էջում կատարվում է նշում:»:

• 78.1 կետում «կամ ատեստավորման համեմատ» բառերը փոխարինել «կամ նախորդ ատեստավորման արդյունքի համեմատ» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

       ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

                                                ՎԱՐՉԱՊԵՏ՝                            Ն. ՓԱՇԻՆՅԱՆ