Հիշել նախագիծը

«Հայաստանի Հանրապետության կառավարության 2017 թվականի հոկտեմբերի 5-ի N1260-Ն որոշման մեջ լրացումներ և փոփոխություններ կատարելու մասին» Հայաստանի Հանրապետության կառավարության որոշման նախագիծ

  • 5 - Կողմ

  • 512 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Karina Gevorgyan 27.06.2024 10:06:59 - Հստակ առաջարկություն ներկայացված չէ։
2 Tadevos Hambardzumyan 01.07.2024 10:45:57 Նախագիծն ինքնին վատը չէ, քանի որ մեծ հաշվով հստակեցումներ են, սակայն կան դրույթներ, որոնք համապատասխանեցված չեն կիրառվող պրակտիկային։ Օրինակ առաջարկում եմ գործարքի մուտքգրման 5-օրյա սահմանափակման ժամկետը վերանայել՝ հաշվի առնելով այն հանգամանքը, որ ոչ բոլոր հաշվապահներն են տնտեսվարողի տարածքում աշխատում։ Աութսորս հաշվապահական գրասենյակները շատ հաճախ տեղեկատվությունը ստանում են գործարքի կատարումից հետո։ Իսկ դրա ճշգրտումը կարող է լինել միայն բանկային հաշիվների վերաբերյալ տեղեկանքների ստացման հետ համեմատության արդյունքում։ 15 օրը կարծում եմ կբավականեցնի բոլոր հստակեցումները կատարել և էլ․ դրամարկղային գիրքը ճշգրտությամբ վարել։ Նախագծով նախատեսվում է, որ մուտքի և (կամ) ելքի օրդերների վերաբերյալ տվյալները էլեկտրոնային դրամարկղային գրքում գրանցվում են ոչ ուշ, քան մուտքի և (կամ) ելքի օրդերների կազմման օրվան հաջորդող 5 աշխատանքային օրվա ընթացքում։ Գրանցումը կատարվում է գրանցման գործողության կատարման ամսաթվով։ Նշված ժամկետը բավարար ժամկետ է արդեն իսկ կազմված մուտքի կամ ելքի օրդերները էլեկտրոնային դրամարկղային գրքում գրանցելու համար։
3 Վլադ Թամրազյան 01.07.2024 17:20:48 Կառավարության 1260Ն որոշման հիման վրա այժմյան կարգը սահմանում է հետևալը․ Էլեկտրոնային դրամարկղային գրքում կանխիկ դրամի մուտքագրումների և ելքագրումների գրանցումները վերջնական ամփոփվում են յուրաքանչյուր ամիսը մեկ անգամ` ամսվա վերջին օրվա դրությամբ, տվյալ ամսվան հաջորդող որևէ աշխատանքային օրվա ընթացքում, բայց ոչ ուշ մինչև տվյալ աշխատանքային օրվա ընթացքում էլեկտրոնային դրամարկղային գրքում կանխիկ դրամի մուտքագրման կամ ելքագրման վերաբերյալ գրանցում կատարելը: Իսկ Էլեկտրոնային դրամարկղային գրքում գրանցումները կատարվում են յուրաքանչյուր մուտքի կամ ելքի օրդերի հիման վրա՝ ոչ ուշ, քան վերոգրյալում նշված ամփոփման օրը ներառյալ։ Նախագծով սահմանել եք, որ յուրաքանչյուր ամիսը պետք է ամփոփվի հաջորդող ամսվա առաջին օրը, ընդ որում նախագծին էլ տալու եք հետադարձ ուժ։ Այսինքն 1260Ն որոշումը արդեն իսկ չի գործում, չպե՞տք է առաջնորդվենք դրանով։ Խելամիտ չէ հետադարձ ուժ սահմանել այն դրույթների համար, որոնք այժմյան կարգով գործում են այլ կերպ։ Ընդունվել է ի գիտություն։ Նախագծով կարգավորումների ուժի մեջ մտնելու ժամկետները վերանայվել են։ Նախագծով հետադարձ ուժ է նախատեսվում միայն այն կարգավորումների մասով, որոնք վերաբերում են դրամարկղային գրքում կատարված սխալ գրանցումների ուղղմանը: Նախագծով հստակեցվել է, որ որոշումն ուժի մեջ է մտնում պաշտոնական հրապարակման օրվանից 3 ամիս հետո և որոշման 34․1-ին, 34․2-րդ և 34․3-րդ կետերի վերաբերյալ կարգավորումները տարածվում են 2024 թվականի հունվարի 1-ից հետո ծագած հարաբերությունների վրա։
4 Hasmik Vanetsyan 02.07.2024 16:21:04 Հստակեցումները իհարկե տեղին են, բայց նկատի ունեցեք նաև, որ այժմ էլ․ դրամարկղային գրքի վարման ՊԵԿ-ի ծրագիրը չի համապատասխանում 1260Ն որոշման դրույթներին։ Նախ և առաջ պետք է ապահովել ծրագրային կարգավորումները, որպեսզի չկանգնենք փաստի առաջ։ Նախատեսվում է, որ որոշումն ուժի մեջ է մտնում պաշտոնական հրապարակման օրվանից 3 ամիս հետո՝ անհրաժեշտ ծրագրային փոփոխություններ կատարելու անհրաժեշտությամբ պայմանավորված։
5 Derenik Balyan 03.07.2024 10:42:22 Նախագիծը պետք է մարսվի, դեռ ծրագիրը կարգավորված չէ, խելամիտ ժամկետ չեք առաջարկում։ Այժմ էլ կան ծրագրային բազում խնդիրներ, արդյոք պատրաստ եք մինչև ուժի մեջ մտնելը ամբողջը շտկել՞ Եթե նույնիսկ այդպես է, ապա այն չի կարող հետադարձ ուժ ունենալ, քանի որ այժմյան կարգավորումներն այլ են։ Ընդունվել է ի գիտություն։ Նախագծով կարգավորումների ուժի մեջ մտնելու ժամկետները վերանայվել են։ Նախագծով հետադարձ ուժ է նախատեսվում միայն այն կարգավորումների մասով, որոնք վերաբերում են դրամարկղային գրքում կատարված սխալ գրանցումների ուղղմանը։ Նախագծով հստակեցվել է, որ որոշման 34․1-ին, 34․2-րդ և 34․3-րդ կետերի վերաբերյալ կարգավորումները տարածվում են 2024 թվականի հունվարի 1-ից հետո ծագած հարաբերությունների վրա։
6 Mari Melqonyan 03.07.2024 11:02:15 Եթե ամսվա վերջին օրը դրամարկղը ինքնաշխատ փակվելու է, ապա ո՞րն է տրամաբանությունը 5օրյա սահմանափակման։ Կամ ո՞րն է տրամաբանությունը փակելու, եթե թույլատրվում է խմբագրումներ կատարել։ Հարկ է նկատի ունենալ, Էլեկտրոնային դրամարկղային գրքում կանխիկ դրամի մուտքագրումների և ելքագրումների գրանցումները վերջնական ամփոփվում են յուրաքանչյուր ամիսը մեկ անգամ` ամսվա վերջին օրվա դրությամբ, այդ օրվան անմիջապես հաջորդող ամսվա որևէ օրվա ընթացքում, բայց ոչ ուշ քան էլեկտրոնային դրամարկղային գրքում հաջորդող ամսվան վերաբերող մուտքի և (կամ) ելքի օրդերների տվյալների գրանցումը: Հարկ վճարողի կողմից յուրաքանչյուր ամսվա համար մինչև այդ ամսվան անմիջապես հաջորդող ամսվա վերջին օրը ներառյալ Էլեկտրոնային դրամարկղային գրքում կանխիկ դրամի մուտքագրումների և ելքագրումների գրանցումների վերաբերյալ վերջնական ամփոփում չկատարելու դեպքում, յուրաքանչյուր ամսվա վերջնական ամփոփումը կատարվում է համակարգի կողմից ինքնաշխատ՝ այդ ամսվան անմիջապես հաջորդող ամսվա վերջին օրը: Ինչ վերաբերում է 5-օրյա ժամկետային սահմանափակմանը, ապա այն վերաբերում է Էլեկտրոնային դրամարկղային գրքում կանխիկ դրամի մուտքագրումների և ելքագրումների գրանցումներին, հակառակ պարագայում անորոշ է լինելու գրքում գրանցումների կատարման ժամկետները։
7 Արա Ամիրյան 04.07.2024 11:56:09 Նախագծի հարգելի հեղինակներ․ Հարկ վճարողն, առաջնորդվելով գործող կարգավորումներով, չէր կարող կանխատեսել, որ հետագայում կսահմանվեն այնպիսի կարգավորումներ, որոնք կսահմանափակեն գործող կարգով սահմանված իր իրավունքներն իրացնելու հնարավորությունը։ Այս նախագիծը չի կարող հետադարձ ուժ ունենալ գոնե վերոնշալի հիմքով։ Ուստի նախագիծը ուժի մեջ մտնելուց հետո պետք է տարածվի ուժի մեջ մտնելուց հետո ծագած իրավահարաբերությունների վրա։ Ընդունվել է ի գիտություն։ Նախագծով կարգավորումների ուժի մեջ մտնելու ժամկետները վերանայվել են։ Նախագծով հետադարձ ուժ է նախատեսվում միայն այն կարգավորումների մասով, որոնք վերաբերում են դրամարկղային գրքում կատարված սխալ գրանցումների ուղղմանը։ Հստակեցվել է, որ որոշումն ուժի մեջ է մտնում պաշտոնական հրապարակման օրվանից 3 ամիս հետո և որոշման 34․1-ին, 34․2-րդ և 34․3-րդ կետերի վերաբերյալ կարգավորումները տարածվում են 2024 թվականի հունվարի 1-ից հետո ծագած հարաբերությունների վրա։
8 Հովիկ Հովհաննիսյան 04.07.2024 15:16:49 Խելամիտ չէ այսքան սեղմ ժամկետում փոխել նախկին իրավակարգավորումները՝ ընդ որում հետադարձ ուժ տալով, այն էլ այն պարագայում, որ ծրագրային ապահովմամբ չեք զբաղվել մինչ օրս։ Ընդունվել է ի գիտություն։ Նախագծով կարգավորումների ուժի մեջ մտնելու ժամկետները վերանայվել են։ Նախագծով հետադարձ ուժ է նախատեսվում միայն այն կարգավորումների մասով, որոնք վերաբերում են դրամարկղային գրում կատարված սխալ գրանցումների ուղղմանը։ Հստակեցվել է, որ որոշումն ուժի մեջ է մտնում պաշտոնական հրապարակման օրվանից 3 ամիս հետո և որոշման 34․1-ին, 34․2-րդ և 34․3-րդ կետերի վերաբերյալ կարգավորումները տարածվում են 2024 թվականի հունվարի 1-ից հետո ծագած հարաբերությունների վրա։
9 Լալա Ենոքյան 04.07.2024 16:30:10 Ամենաանհասկանալին հետադարձ ուժի կիրառումն էր, մնացած հստակեցումները շատ թե քիչ ընդունելի էին։ Ընդունվել է ի գիտություն ։ Նախագծով կարգավորումների ուժի մեջ մտնելու ժամկետները վերանայվել են։ Նախագծով հստակեցվել է, որ որոշման 34․1-ին, 34․2-րդ և 34․3-րդ կետերի վերաբերյալ կարգավորումները տարածվում են 2024 թվականի հունվարի 1-ից հետո ծագած հարաբերությունների վրա։