«Հայաստանի Հանրապետությունում էլեկտրական շարժունակության զարգացման ռազմավարությունը հաստատելու մասին» Կառավարության որոշման և «Հայաստանի Հանրապետությունում էլեկտրական շարժունակության զարգացման քաղաքականության» նախագծեր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ Ո Ր Ո Շ ՈՒ Մ

-- 2024 թվականի N - Լ

 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԷԼԵԿՏՐԱԿԱՆ ՇԱՐԺՈՒՆԱԿՈՒԹՅԱՆ ԶԱՐԳԱՑՄԱՆ ՌԱԶՄԱՎԱՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 146-րդ հոդվածի 2-րդ մասով և հիմք ընդունելով «Կառավարության կառուցվածքի և գործունեության մասին» օրենքի 11-րդ հոդվածի 8-րդ մասը, ինչպես նաև առաջնորդվելով ՀՀ կառավարության 18․08․2021թ․ N 1363-Ա որոշմամբ, Հայաստանի Հանրապետության կառավարությունը որոշում է․

1. 1. Հաստատել Հայաստանի Հանրապետությունում էլեկտրական շարժունակության զարգացման ռազմավարությունը` համաձայն հավելվածի:
2. Հայաստանի Հանրապետության շրջակա միջավայրի նախարարին՝ ապահովել Հայաստանի Հանրապետությունում էլեկտրական շարժունակության զարգացման ռազմավարությամբ սահմանված գործողությունների կատարման առաջընթացի վերաբերյալ տարեկան հաշվետվությունների ներկայացումը Հայաստանի Հանրապետության կառավարության քննարկմանը (ոչ ուշ քան յուրաքանչյուր հաշվետու տարվան հաջորդող տարվա առաջին եռամսյակի ավարտը):