Լրամշակման փուլում է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ՈՐԱԿԻ ՆՈՐՄԵՐԸ ՍԱՀՄԱՆԵԼՈՒ ՄԱՍԻՆ ՈՐՈՇՈՒՄ

0 - Կողմ
1 - Դեմ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

« » _________________ 2024 N -Ն

ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ՈՐԱԿԻ ՆՈՐՄԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ջրային օրենսգրքի 70.1-ին հոդվածի 2-րդ մասով` Հայաստանի Հանրապետության կառավարությունը որոշում է.

Սահմանել ստորերկրյա ջրային մարմինների որակի նորմերը՝ համաձայն հավելվածի.
Հայաստանի Հանրապետության շրջակա միջավայրի նախարարին`

1) սույն որոշման հավելվածով սահմանված ստորերկրյա ջրերի որակի նորմերը հաշվի առնել ստորերկրյա ջրային մարմինների կարգավիճակի գնահատման և որակի բարելավման համար` դրանք ներառելով Ջրավազանային կառավարման պլաններում.

2) սույն որոշման հավելվածով սահմանված ստորերկրյա ջրերի որակի նորմերի թարմացման անհրաժեշտության ժամանակ Հայաստանի Հանրապետության կառավարություն ներկայացնել առաջարկություն` հաշվի առնելով այդ ժամանակահատվածում ջրային ռեսուրսի որակի մոնիթորինգային տվյալների ավելացումը և քիմիական ցուցանիշների կոնցենտրացիաների արժեքները:

Սույն որոշումն ուժի մեջ է մտնում 2025 թվականի հունվարի 1-ից։

Հավելված

ՀՀ կառավարության 2024 թվականի

« » ____ N…-Ն որոշման

ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ՈՐԱԿԻ ՆՈՐՄԵՐ

1. Սույն հավելվածով սահմանվում են ստորերկրյա ջրային մարմինների որակի նորմերը՝ ըստ քիմիական և քանակական ցուցանիշների։
2. Ստորերկրյա ջրային մարմնի լավ և վատ կարգավիճակները գնահատվում են հիմնվելով ստորերկրյա ջրերի քիմիական և քանակական ցուցանիշների վրա։
3. Ստորերկրյա ջրային մարմնի լավ և վատ կարգավիճակներն ըստ քիմիական ցուցանիշների որոշվում են հիմնվելով քիմիական ցուցանիշի կոնցենտրացիայի արժեքի վրա։
4. Ստորերկրյա ջրային մարմինների կարգավիճակը գնահատվում է լավ, եթե ջրի որակի քիմիական ցուցանիշները գնահատվել են լավ, և ստորերկրյա ջրային մարմնի կարգավիճակը գնահատվում է վատ, եթե ջրի որակի քիմիական ցուցանիշներից որևէ մեկը գնահատվել է վատ։
5. Ստորերկրյա ջրային մարմինների կարգավիճակը և ջրի որակի նորմերը՝ ըստ քիմիական ցուցանիշների ներկայացված են N 1 աղյուսակում։

Աղյուսակ N 1

ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ԿԱՐԳԱՎԻՃԱԿ ԵՎ ՋՐԻ ՈՐԱԿԻ ՆՈՐՄԵՐ՝ ԸՍՏ ՔԻՄԻԱԿԱՆ ՑՈՒՑԱՆԻՇՆԵՐԻ

Հ․Հ	Ցուցանիշներ	Ստորերկրյա ջրային մարմինների լավ կարգավիճակ	Ստորերկրյա ջրային մարմինների վատ կարգավիճակ	Չափման միավոր
Հ․Հ	Ցուցանիշներ	Ջրի որակի նորմ		Չափման միավոր
1. 1	Ընդհանուր հանքայնացում	≤1000	>1000	մգ/լ
2. 2	Տեսակարար էլեկտրահաղորդականություն	≤1562.5	>1562.5	մկՍմ/սմ
3. 3	pH	≥6.5 ≤9.5	≤6.5 ≥9.5	-
4. 4	Սուլֆատ իոն	≤187.5	>187.5	մգ/լ
5. 5	Քլորիդ իոն	≤187.5	>187.5	մգ/լ
6. 6	Նատրիում	≤150	>150	մգ/լ
7. 7	Նիտրատ իոն	≤37.5	>37.5	մգ/լ
8. 8	Նիտրիտ իոն	≤0.375	>0.375	մգ/լ
9. 9	Ամոնիում իոն	≤0.375	>0.375	մգ/լ
10. 1	Ֆոսֆատ իոն	≤0.3	>0.3	մգ/լ
11. 1	Պղինձ	≤50	>50	մկգ/լ
12. 1	Ցինկ	≤100	>100	մկգ/լ
13. 1	Քրոմ	≤37.5	>37.5	մկգ/լ
14. 1	Արսեն	≤7.5	>7.5	մկգ/լ
15. 1	Կադմիում	≤3.75	>3.75	մկգ/լ
16. 1	Կապար	≤7.5	>7.5	մկգ/լ
17. 1	Նիկել	≤15	>15	մկգ/լ
18. 1	Ծարիր	≤7.5	>7.5	մկգ/լ
19. 1	Սելեն	≤15	>15	մկգ/լ
20. 2	Մոլիբդեն	≤37.5	>37.5	մկգ/լ
21. 2	Բոր	≤0.9	>0.9	մգ/լ
22.	Ֆտորիդ իոն	≤1.125	>1.125	մգ/լ
23.	Ալյումին	≤150	>150	մկգ/լ
24.	Երկաթ	≤0.15	>0.15	մգ/լ
25.	Մանգան	≤0.375	>0.375	մգ/լ
26.	Սնդիկ	≤0.75	>0.75	մկգ/լ
27.	Ցիանիդ իոն	≤0.0375	>0.0375	մգ/լ
28.	Բենզոլ	≤0.75	>0.75	մկգ/լ
29.	Բենզապիրեն	≤0.0075	>0.0075	մկգ/լ
30.	Պեստիցիդներ, ընդհանուր	≤0.375	>0.375	մկգ/լ
31.	Ալդրին	≤0.0225	>0.0225	մկգ/լ
32.	Դիէլդրին	≤0.0225	>0.0225	մկգ/լ
33.	Հեպտաքլոր	≤0.0225	>0.0225	մկգ/լ
34.	Հեպտաքլոր էպօքսիդ	≤0.0225	>0.0225	մկգ/լ
35.	Պոլիցիկլիկ արոմատիկ ածխաջրածիններ, ընդհանուր	≤0.075	>0.075	մկգ/լ
36.	Եռքլորէթիլեն և երկքլորէթիլեն	≤7.5	>7.5	մկգ/լ
37.	1,2-երկքլոր էթան	≤2.25	>2.25	մկգ/լ
38.	Եռհալոմեթաններ, ընդհանուր (գումարային քլորոֆորմ, բրոմոֆորմ, երկբրոմքլորմեթան և բրոմերկքլորմեթան)	≤22.5	>22.5	մկգ/լ
39.	Հալոքացախաթթուներ	≤45	>45	մկգ/լ
40.	Էպիքլորոհիդրին	≤0.075	>0.075	մկգ/լ
41.	Ածխաջրածնային ինդեքս	≤75	>75	մկգ/լ
42.	Քլորիտ իոն	≤0.1875	>0.1875	մգ/լ
43.	Քլորատ իոն	≤0.1875	>0.1875	մգ/լ
44.	Բրոմատ իոն	≤0.0075	>0.0075	մգ/լ

6. Ստորերկրյա ջրային մարմինների լավ և վատ կարգավիճակներն ըստ քանակական ցուցանիշների սահմանվում են՝ հիմնվելով ջրավազանային կառավարման պլաններով սահմանված ջրային մարմինների օգտագործելի ստորերկրյա ջրային ռեսուրսների ծավալի վրա։
7. Ստորերկրյա ջրային մարմնի կարգավիճակը գնահատվում է լավ, եթե միջին տարեկան ջրառի ծավալը (մլն.մ³/տարի) չի գերազանցում ջրային մարմնի օգտագործելի ստորերկրյա ջրային ռեսուրսի ծավալի 95 տոկոսը։
8. Ստորերկրյա ջրային մարմնի կարգավիճակը գնահատվում է վատ, եթե միջին տարեկան ջրառի ծավալը (մլն.մ³/տարի) գերազանցում է ջրային մարմնի օգտագործելի ստորերկրյա ջրային ռեսուրսի ծավալի 95 տոկոսը։

Պահպանել որպես word ֆայլ Պահպանել որպես pdf

Քննարկվել է

20.05.2024 - 04.06.2024
Տեսակ

Որոշում
Ոլորտ

Առողջապահություն, Գյուղատնտեսություն, Բնապահպանություն, Էկոնոմիկա, Տարածքային կառավարման և զարգացման
Նախարարություն

Շրջակա միջավայրի նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Դիտումներ` 1132

Տպել