«Հայաստանի Հանրապետության կառավարության 2024 թվականի ապրիլի 25-ի N 589-Ն որոշման մեջ լրացում կատարելու մասին» ՀՀ կառավարության որոշման նախագիծ

ՏԵՂԵԿԱՆՔ-ՀԻՄՆԱՎՈՐՈՒՄ

«Հայաստանի Հանրապետության կառավարության 2024 թվականի ապրիլի 25-ի N 589-Ն որոշման մեջ լրացում կատարելու մասին» ՀՀ կառավարության որոշման նախագծի ընդունման

1. Իրավական ակտի ընդունման անհրաժեշտությունը

Որոշման նախագծի ընդունումը պայմանավորված է որոշման հավելված 3-ով հաստատված կենտրոնական բժշկական հանձնաժողովի կազմում լրացում կատարելու անհրաժեշտությամբ:

2. Ընթացիկ իրավիճակը և խնդիրները

ՀՀ կառավարության 25.04.2024թ. N 589-Ն որոշման հավելված 3-ով հաստատվել է կենտրոնական բժշկական հանձնաժողովի կազմը, որում որպես նյարդաբան ընդգրկվել են թվով 2 մասնագետներ։

«Հայաստանի Հանրապետության կառավարության  2018 թվականի ապրիլի 12-ի N 404-Ն որոշման մեջ փոփոխություններ և լրացումներ կատարելու մասին» Հայաստանի Հանրապետության կառավարության 2024 թվականի ապրիլի 18-ի N 534-Ն որոշմամբ «Զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների» ցանկի 14-րդ հոդվածում կատարվել են փոփոխություններ և լրացումներ, ինչով պայմանավորված նպատակահարմար է գտնվել կենտրոնական բժշկական հանձնաժողովի կազմում ևս մեկ նյարդաբան մասնագետի ընդգրկումը։

3. 3. Կարգավորման նպատակը և բնույթը

Որոշման նախագծով նախատեսվում է  կենտրոնական բժշկական հանձնաժողովի կազմը լրացնել ևս մեկ նյարդաբան մասնագետով։

4. 4. Լրացուցիչ ֆինանսական միջոցների անհրաժեշտությունը և պետական բյուջեի եկամուտներում ու ծախսերում սպասվելիք փափոխությունները

Որոշման նախագծի ընդունումը 2024 թվականի պետական բյուջեում լրացուցիչ ֆինանսական միջոցների անհրաժեշտության և պետական բյուջեի եկամուտներում ու ծախսերում փոփոխությունների չի հանգեցնում։

5. 5. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Որոշման նախագիծը կապված չէ ռազմավարական կամ ոլորտային այլ փաստաթղթերի հետ։