ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 11-Ի N 1156-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

«2011 ԹՎԱԿԱՆԻ ՕԳՈՍՏՈՍԻ 11-Ի N 1156-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

1. Ընթացիկ իրավիճակը և ակտի ընդունման անհրաժեշտությունը

«2011 թվականի օգոստոսի 11-ի N1156-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագծի (Այսուհետ` Նախագիծ) ընդունումը պայմանավորված է Հայաստանի Հանրապետության բժշկական կազմակերպություններում ծննդի, պերինատալ մահվան և մահվան մասին բժշկական վկայականների պատրաստման, հաշվառման ու տրամադրման կարգի համար իրավական հիմքեր ստեղծելու անհրաժեշտությամբ։

Բժշկական կազմակերպություններում ծննդի, պերինատալ մահվան և մահվան մասին բժշկական վկայականների (Այսուհետ` Վկայական) տրամադրումը բխում էր «Քաղաքացիական կացության ակտերի գրանցման մասին» Օրենքի 14-րդ հոդվածի 1-ին մասի «ա», «բ», «գ», 20-րդ հոդվածի 1-ին մասի և 64-րդ հոդվածի «ա» կետերի դրույթներից: Հաշվի առնելով այն, որ «Քաղաքացիական կացության ակտերի գրանցման մասին» Օրենքում (Այսուհետ` Օրենք) կատարվել են փոփոխություններ, ուստի անհրաժեշտություն է առաջացել բժշկական կազմակերպություններում վկայականների տրամադրման համար լիազորող նորմ հանդիսացող հոդվածները համապատասխանեցնել Օրենքի գործող կարգավորումների հետ:

2. Կարգավորման նպատակը և բնույթը

 Նախագծի նպատակն է ապահովել բժշկական կազմակերպություններում ծննդի,

պերինատալ մահվան և մահվան մասին բժշկական վկայականների պատրաստման, հաշվառման և տրամադրման կարգի իրավական կարգավորում:

3. Նախագծի մշակման գործընթացում ներգրավված ինստիուտները, անձինք

Նախագիծը մշակվել է ՀՀ առողջապահության նախարարության մոր և մանկան առողջության պահպանման վարչության կողմից:

4. Ակնկալվող արդյունքը

Նախագծի ընդունման արդյունքում կկանոնակարգվի բժշկական կազմակերպություններում ծննդի, պերինատալ մահվան և մահվան մասին բժշկական վկայականների պատրաստման, հաշվառման և տրամադրման գործընթացը:

5. Նախագծի ընդունման կապակցությամբ Հայաստանի Հանրապետության պետական բյուջեում ծախսերի և եկամուտների էական ավելացման կամ նվազեցման բացակայության մասին

Նախագծի ընդունման կապակցությամբ պետական կամ տեղական ինքնակառավարման մարմնի բյուջեում ծախuերի և եկամուտների էական ավելացում կամ նվազեցում չի նախատեսվում:

6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Նախագիծը համապատասխան ռազմավարական փաստաթղթերից չի բխում: