Հիշել նախագիծը

Նախագիծը ընդունվել է

«Հայաստանի Հանրապետության հանրային ծառայությունները կարգավորող հանձնաժողովի 2012 թվականի հոկտեմբերի 31-ի №413Ն որոշման մեջ փոփոխություն կատարելու մասին» Հայաստանի Հանրապետության հանրային ծառայությունները կարգավորող հանձնաժողովի որոշման նախագիծ

  • 0 - Կողմ

  • 0 - Դեմ

 

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2012 թվականի հոկտեմբերի 31-ի №413Ն որոշման մեջ փոփոխություն կատարելու մասին» Հայաստանի Հանրապետության հանրային ծառայությունները կարգավորող հանձնաժողովի որոշման նախագծի վերաբերյալ

 

 

  1. Ընթացիկ իրավիճակը, խնդիրները և անհրաժեշտությունը

Հայաստանի Հանրապետության հանրային ծառայությունները կարգավորող հանձնաժողովի 2011 թվականի հունիսի 1-ի №274Ա որոշման համաձայն՝ օպերատորների կողմից որոշմամբ նախատեսված շարժական բջջային կապի ծառայությունների հիմնական տեխնիկատնտեսական ցուցանիշների վերաբերյալ տեղեկատվությունները հրապարակվում են յուրաքանչյուր եռամսյակի համար` մինչև տվյալ եռամսյակին հաջորդող երկրորդ ամսվա 30-ը, իսկ հանձնաժողովի 2012 թվականի հոկտեմբերի 31-ի «Հանրային էլեկտրոնային հաղորդակցության ցանցի լիցենզիա ունեցող անձանց կողմից տվյալ ցանցերով ծառայությունների մատուցման տեղեկատվության հրապարակման ձևը հաստատելու մասին» №413Ն որոշման համաձայն՝ մինչև տվյալ եռամսյակին հաջորդող երրորդ ամսվա 30-ը:

Ելնելով հանրային էլեկտրոնային հաղորդակցության ցանցի օպերատորների համար տեխնիկատնտեսական ցուցանիշների հրապարակման ժամկետների առումով միատեսակ մոտեցում կիրառելու նկատառումից՝ անհրաժեշտություն է առաջացել համապատասխան փոփոխություններ կատարել հանձնաժողովի ինչպես 2011 թվականի հունիսի 1-ի №274Ա, այնպես էլ 2012 թվականի հոկտեմբերի 31-ի №413Ն որոշումների մեջ։

 

  1. Կարգավորման նպատակը

Նախագծով նախատեսվում է հանրային էլեկտրոնային հաղորդակցության օպերատորների համար տեխնիկատնտեսական ցուցանիշների հրապարակման ժամկետ սահմանել հաշվետու եռամսյակին հաջորդող երկրորդ ամսվա 15-ը։

 

  1. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ հանրային ծառայությունները կարգավորող հանձնաժողովի կողմից՝ հանրային էլեկտրոնային հաղորդակցության ցանցի օպերատորների հետ քննարկումների արդյունքում։

 

  1. Ակնկալվող արդյունքը

Նախագծի ընդունման արդյունքում հանրային էլեկտրոնային հաղորդակցության ցանցի օպերատորների համար տեխնիկատնտեսական ցուցանիշների հրապարակման ժամկետների առումով կկիրառվի միատեսակ մոտեցում։

  • Քննարկվել է

    18.11.2021 - 05.12.2021

  • Տեսակ

    Որոշում

  • Ոլորտ

    Հեռահաղորդակցություն(էլեկտրոնային հաղորդակցութուն)

  • Նախարարություն

    ՀՀ հանրային ծառայությունները կարգավորող հանձնաժողով

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 4337

Տպել