ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒԼԻՍԻ 15-Ի N 1170-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

___________ 2021 թվականի N ____-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՀՈՒԼԻՍԻ 15-Ի N 1170-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2021 թվականի հուլիսի 15-ի «Արտադրական կանեփի արտադրության, ներմուծման, արտահանման կամ մեծածախ առևտրի իրականացման լիցենզավորման կարգերը, լիցենզավորման հայտի ձևերը և այդ գործունեության տեսակների իրականացման լիցենզիաների ձևերը հաստատելու մասին» N 1170-Ն որոշման մեջ կատարել հետևյալ փոփոխությունները և լրացումները`

1) N 1 հավելվածի`

«լիցենզիայի համար հայցվող ժամանակահատվածում արտադրվող և (կամ) մշակվող և (կամ) վերամշակվող արտադրական կանեփի, արտադրական կանեփի բույսերի կամ արտադրական կանեփի բուսախեժի (կաննաբիդիոլի յուղ) նվազագույն չափը՝ ըստ տարիների չի կարող պակաս լինել`

ա.9-րդ կետում լրացնել 14.1-ին ենթակետ հետևյալ բովանդակությամբ.

ա.արտադրական կանեփի, արտադրական կանեփի բույսերի, ծաղկագլխի և կանաչ զանգվածի մինչև մեկ տոննա քվոտայի և կանեփի բուսախեժի (կաննաբիդիոլի յուղ) մինչև 100 լիտր քվոտայի համար 1 տոկոսից,

բ. արտադրական կանեփի, արտադրական կանեփի բույսերի, ծաղկագլխի և կանաչ զանգվածի մեկ տոննան գերազանցող քվոտայի և կանեփի բուսախեժի (կաննաբիդիոլի յուղ) 100 լիտրը գերազանցող քվոտայի համար 0,1 տոկոսից:»

բ .9-րդ կետի 16-րդ ենթակետը շարադրել հետևյալ խմբագրությամբ.

«16) լիցենզիայի համար հայցվող ժամանակահատվածը»:

գ. 11-րդ կետում «Լիցենզիա ստացած իրավաբանական անձինք պետք է ունենան» բառերը փոխարինել «հայտատուն պետք է ունենա» բառերով:

դ. 20-րդ կետում լրացնել 10-րդ ենթակետ հետևյալ բովանդակությամբ.

«10) սույն կարգի 11-րդ կետով նախատեսված պահանջները խախտելու դեպքում»:

ե.22-րդ կետը շարադրել հետևյալ խմբագրությամբ.

«22. Նշված մարմինները լիցենզավորող մարմնից փաստաթղթերն ստանալուց հետո 10-օրյա ժամկետում լիցենզավորող մարմին են ներկայացնում համապատասխան եզրակացություններ` եզրակացության վերջում նշելով «տրվում է դրական եզրակացություն» կամ «տրվում է բացասական եզրակացություն (բացասական եզրակացության դեպքում` նշելով մերժման իրավական հիմքերը)» բառերը։

Ստացված եզրակացությունների հիման վրա լիազոր մարմնի կողմից հայտի և կից փաստաթղթերի վերաբերյալ ընդունվում է համապատասխան որոշում:»

զ. 28-րդ, 29-րդ, 30-րդ, 31-րդ կետերն ուժը կորցրած ճանաչել:

2) N 2 հավելվածի

ա. Լիցենզիայի ձևի «Կ - XX – 000000» բառերը փոխարինել «Կ - ԿԱ – 000000» բառերով:

բ. Լիցենզիայի ձևի «ԱՐՏԱԴՐԱԿԱՆ ԿԱՆԵՓԻ ԱՐՏԱԴՐՈՒԹՅԱՆ ԼԻՑԵՆԶԻԱ» բառերը փոխարինել «ԱՐՏԱԴՐԱԿԱՆ ԿԱՆԵՓԻ ԱՐՏԱԴՐՈՒԹՅՈՒՆ» բառերով:

գ. Արտադրական կանեփի արտադրության լիցենզիայի ներդիրի 8-րդ, 10-րդ, 12-րդ կետերն ուժը կորցրած ճանաչել:

3) N 3 հավելվածի

ա.9-րդ կետում լրացնել 13-րդ ենթակետ հետևյալ բովանդակությամբ.

«13. լիցենզիայի համար հայցվող ժամանակահատվածում ներմուծվող կամ արտահանվող կամ մեծածախ գնվող կամ վաճառվող արտադրական կանեփի ծաղկագլխի և կանաչ զանգվածի, արտադրական կանեփի բույսի կամ կտրոնի, արտադրական կանեփի սերմի, կաննաբիդիոլի յուղի առավելագույն չափը՝ ըստ տարիների, ընդ որում նվազագույն չափը չի կարող պակաս լինել`

ա.արտադրական կանեփի, արտադրական կանեփի բույսերի, ծաղկագլխի և կանաչ զանգվածի մինչև մեկ տոննա քվոտայի, կանեփի բույսի կամ կտրոնների մինչև 500 հատ, կանեփի բուսախեժի (կաննաբիդիոլի յուղ) մինչև 100 լիտր քվոտայի համար 1 տոկոսից,

բ. արտադրական կանեփի, արտադրական կանեփի բույսերի, ծաղկագլխի և կանաչ զանգվածի մեկ տոննան գերազանցող քվոտայի, կանեփի բույսի կամ կտրոնների 500 հատը գերազանցող, կանեփի բուսախեժի (կաննաբիդիոլի յուղ) 100 լիտրը գերազանցող քվոտայի համար 0,1 տոկոսից,

գ. 22.2.-րդ և 22.3.-րդ կետերը շարադրել հետևյալ խմբագրությամբ.

«22.2. Արտահանման համար՝

2) լիցենզիա ստացած յուրաքանչյուր անձ կարող է տարեկան արտահանել ոչ ավելի, քան սույն կարգի 23-րդ կետի 2-րդ ենթակետում նշված չափաքանակների քսան տոկոսը կազմող համապատասխանաբար արտադրական կանեփի ծաղկագլուխ և կանաչ զանգված կամ արտադրական կանեփի բույս կամ կտրոն կամ արտադրական կանեփի սերմ, ոչ ավելի, քան սույն կարգի 23-րդ կետի 2-րդ ենթակետում նշված չափաքանակների տասը տոկոսը կազմող կաննաբիդիոլի յուղ:

22.3. Մեծածախ առևտրի համար՝

3) լիցենզիա ստացած յուրաքանչյուր անձ կարող է տարեկան մեծածախ գնել կամ վաճառել ոչ ավելի, քան սույն կարգի 23-րդ կետի 3-րդ ենթակետում նշված չափաքանակների քսան տոկոսը կազմող համապատասխանաբար արտադրական կանեփի ծաղկագլուխ և կանաչ զանգված կամ արտադրական կանեփի բույս կամ կտրոն կամ արտադրական կանեփի սերմ, ոչ ավելի, քան սույն կարգի 23-րդ կետի 3-րդ ենթակետում նշված չափաքանակների տասը տոկոսը կազմող կաննաբիդիոլի յուղ:»

դ.23-րդ կետի 2-րդ և 3-րդ ենթակետերում «հինգ հարյուր (500) լիտր կաննաբիդիոլի յուղ» բառերը փոխարինել «երկու հարյուր հազար (200.000) լիտր կաննաբիդիոլի յուղ» բառերով:

ե. 28-րդ կետը շարադրել հետևյալ խմբագրությամբ.

«28. Նշված մարմինները լիցենզավորող մարմնից փաստաթղթերն ստանալուց հետո 10-օրյա ժամկետում լիցենզավորող մարմին են ներկայացնում համապատասխան եզրակացություններ` եզրակացության վերջում նշելով «տրվում է դրական եզրակացություն» կամ «տրվում է բացասական եզրակացություն (բացասական եզրակացության դեպքում` նշելով մերժման իրավական հիմքերը)» բառերը։

Ստացված եզրակացությունների հիման վրա լիազոր մարմնի կողմից հայտի և կից փաստաթղթերի վերաբերյալ ընդունվում է համապատասխան որոշում:»

4) N 4 հավելվածի

ա. Լիցենզիայի ձևի «Կ - XX – 000000» բառերը փոխարինել «Կ - ՆՄԱ – 000000» բառերով:

բ. Արտադրական կանեփի ներմուծման, արտահանման կամ մեծածախ առևտրի լիցենզիայի ներդիրի 7-րդ, 9-րդ, 11-րդ, 13-րդ, 15-րդ, 17-րդ, 19-րդ, 21-րդ, 23-րդ կետերն ուժը կորցրած ճանաչել:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԱՐՉԱՊԵՏ                                                                           Ն.ՓԱՇԻՆՅԱՆ