ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՓԵՏՐՎԱՐԻ 28-Ի N 162-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

«  » «———» 2021 թվականի N -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՓԵՏՐՎԱՐԻ  28-Ի N 162-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2019 թվականի փետրվարի 28-ի «Հայաստանի Հանրապետությունում դեղի պետական գրանցման, վերագրանցման, հավաստագրի ժամկետի երկարաձգման, ինչպես նաև գրանցումը, վերագրանցումը, հավաստագրի ժամկետի երկարաձգումը մերժելու, գրանցումը կասեցնելու, ուժը կորցրած ճանաչելու, այդ նպատակներով իրականացվող փորձաքննությունների կարգերը, ինչպես նաև հետգրանցումային փոփոխությունների ներկայացման և փորձաքննության կարգը, անհրաժեշտ փաստաթղթերի ցանկը, գրանցված դեղի նոր գրանցում չպահանջող փոփոխությունների ցանկը, մասնագիտական դիտարկման և այլ երկրների իրավասու մարմինների դիտարկման հաշվետվությունների ճանաչման կարգը սահմանելու և Հայաստանի Հանրապետության կառավարության 2001 թվականի ապրիլի 25-ի N 347 որոշումն ուժը կորցրած ճանաչելու մասին» թիվ 162-Ն որոշման հավելված N 1-ում կատարել հետևյալ փոփոխությունները՝

            1) առաջին կետից հանել երկրորդ նախադասությունը:

            2) 4-րդ կետը շարադրել հետևյալ խմբագրությամբ.

 «4.Մինչև 2021 թվականի հուլիսի մեկը Հայաստանի Հանրապետությունում գրանցված դեղերը կարող են վերագրանցվել  կամ դրանց գրանցման փաստաթղթերում կատարել փոփոխություններ՝ սույն կարգի համաձայն, սակայն գրանցման հավաստագրի ժամկետը չի կարող գերազանցել 2025 թվականի դեկտեմբերի 31-ը: Վերոնշյալ դեղերի գրանցման փաստաթղթերը անհրաժեշտ է համապատասխանեցնել Եվրասիական տնտեսական միության (ԵԱՏՄ) գրանցման պահանջներին՝ մինչև 2025 թվականի դեկտեմբերի 31-ը: Գրանցված դեղի յուրաքանչյուր հաջորդ դեղաձևի, համային տարատեսակի, դեղաչափի, արտադրատարածքի, թողարկման ձևի գրանցման  հայտ  ներկայացնելուց առաջ նույնպես անհրաժեշտ է դոսյեն համապատասխանեցնել ԵԱՏՄ  գրանցման  պահանջներին»:

             3) Lրացնել նոր 4¹ կետով՝ հետևյալ բովանդակությամբ.

 «4¹.Հայաստանի Հանրապետությունում  2021 թվականի հուլիսի 1-ից դեղերը գրանցվում են ԵԱՏՄ դեղերի գրանցման և փորձաքննության կանոնների համաձայն»:

             4) 36-րդ և 44-րդ կետերը  «ներկայացվում» բառից հետո  լրացնել «մինչև նախորդ գրանցման հավաստագրի գործողության ժամկետը լրանալը, սակայն 210 օրացույցային օրվանից ոչ շուտ» բառերով:

              5) 42-րդ և 49-րդ կետերում «նախորդ գրանցման ավարտին հաջորդող» բառերը փոխարինել «լիազոր մարմնի հրամանն ուժի մեջ մտնելու» բառերով: 

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: