«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍՏՈՒԳՈՒՄՆԵՐԻ ԿԱԶՄԱԿԵՐՊՄԱՆ ԵՎ ԱՆՑԿԱՑՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Միաժամանակ կարելի է տեսչական մարմնին, ՀՀ օրենսդրությամբ, տալ լիազորությունների մեծ շրջանակ, սակայն չստանալ ցանկալի արդյունք, քանի որ մարդկային գործոնը բավականին մեծ է: Տվյալ պարագայում խախտումը արձանագրելու, հետագա գործողություններ իրականացնելու՝ խախտումը վերացնելու և կանխարգելելու համար անհրաժեշտ է կամք, ինչով տվյալ տեսչական մարմինը, մասնավորապես տրանսպորտի բնագավառում օժտված չէ: Առկա են օրինակներ երբ ակնհայտ խախտումը չի արձանագրվել տեսչական մարմնի կողմից, չիրականացնելով օրենքով վերապահված լիազորությունները, տալով անհեթեթ հիմնավորումներ: Հետևաբար կարծում ենք, որ օրենքի նախագիծը բացառապես միտված է տոտալ վերահսկողութուն իրականացնելու փոքր տնտեսավարող սուբյեկտների նկատմամբ, այն էլ պետական բյուջեի միջոցներով:

Առաջարկում ենք վերանայել «Հայաստանի Հանրապետությունում ստուգումների կազմակերպման և անցկացման մասին» ՀՀ օրենքի 2-րդ հոդվածով սահմանված ստուգումներ իրականացնող պետական մարմինների ցանկը- Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարությունը և այլն:

«Հայաստանի Հանրապետությունում ստուգումների կազմակերպման և անցկացման մասին» ՀՀ օրենքում լրացումներ և փոփոխություններ կատարելու մասին» օրենքի նախագծի 1-ին հոդվածի 1-ին մասը խմբագրել հետևյալ բովանդակությամբ «1-ին մասի «անհատ ձեռնարկատերերի» բառերից հետո լրացնել «և ֆիզիկական անձանց» բառերով»: Առաջարկվում է չմասնավորեցնել, քանի որ օրենքի տվյալ դրույթը սահմանում է, թե ովքեր են հանդիսանում տնտեսվարող սուբյեկտներ, այլ ոչ թե դրանց գործունեության տեսակները: Կարծում ենք, որ հնարավոր են դեպքեր երբ ֆիզիզկական անձինք իրականացնեն օրինակ կանոնավոր ուղևորափոխադրումներ, կամ այլ բնագավառներում ապօրինի գործունեություն, կամ ավտոկայարանային ծառայություններ մատուցող կազմակերպությունների հետ պայմանագիր չունեցող կազմակերպությունների կողմից իրականացվի տոմսերի վաճառք և այլ ապօրինի գործունեություն: Տվյալ դեպքերում նույնպես հնարավոր ենք համարում, որ իրականացվի հսկիչ գնում: