9 - Կողմ
5 - Դեմ
ՀԻՄՆԱՎՈՐՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՍԵՊՏԵՄԲԵՐԻ 22-Ի ԹԻՎ 968-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Իրավական ակտի անհրաժեշտությունը (նպատակը).
ՀՀ կառավարության որոշման նախագիծը բխում է տարածքային մանկավարժահոգեբանական աջակցության կենտրոնների գործունեությունը ավելի արդյունավետ և համակարգված իրականացնելու նպատակով:
Ընթացիկ իրավիճակը և խնդիրները.
Գործող Հայաստանի Հանրապետության կառավարության 2016 թվականի սեպտեմբերի 22-ի«Տարածքային մանկավարժահոգեբանական աջակցության կենտրոնների գործունեության ֆինանսավորման կարգը հաստատելու մասին թիվ 968-ն որոշմամբ սահմանված չեն տարածքային մանկավարժահոգեբանական աջակցության կենտրոնների գործունեության հետ կապված անհրաժեշտ ուսումնաօժանդակ անձնակազմի հստակ ձևակերպում և պահպանման ծախսերի հաշվարկ:Բացակայում է նաև տարածքային մանկավարժահոգեբանական աջակցության կենտրոնների կազմում գործող մասնաճյուղերի ֆինանսավորման կարգ:
Կարգավորման նպատակը և բնույթը.
Նախագծի ընդունումը նպատակ է հետապնդում Համընդհանուր ներառական կրթության համակարգի ներդրման համատեքստում մանկավարժահոգեբանական ծառայությունների տրամադրման մատչելիության բարձրացման, արդյունավետ և լիարժեք տրամադրման: Նախագծի ընդունումը հնարավորություն կընձեռի առավել արդյունավետ իրականացնելու կրթությանն աջակցող մանկավարժական և հոգեբանական ծառայությունները, մասնավորապես, տարածքային մանկավարժահոգեբանական աջակցության կենտրոնների կողմից ուսումնամեթոդական, հոգեբանական և մանկավարժական աջակցություն ցուցաբերել ամրացված տարածքի յուրաքանչյուր ուսումնական հաստատությունում սովորող երեխաներին, ծնողներին և մանկավարժական աշխատողներին: Շարունակական աջակցոթյուն տրամադրել կրթության առանձնահատուկ պայմանների կարիք ունեցող երեխաներին համաձայն անհատական ուսուցման պլաններով սահմանված աջակցության ժամանակցույցի և ծավալի, պահովելով սահուն տեղափոխումը անհատական ուսուցման պլանով աշխատելու գործընթացից` հանրակրթական ուսումնական պլանով ուսուցման և հակառակը:
Տվյալ բնագավառում իրականացվող քաղաքականությունը.
Իրականացվող քաղաքականությունն է՝ Համընդհանուր ներառական կրթության համակարգի արդյունավետ և լիարժեք ներդրում:
Նախագծի մշակման գործընթացում ներգրավված ինստիտուտները և անձինք.
ՀՀկրթության, գիտության, մշակույթի և սպորտի նախարարության աշխատակիցները:
Իրավական ակտի կիրառման դեպքում ակնկալվող արդյունքը.
Նախագծի ընդունման արդյունքում պայմաններ կստեղծվի Համընդհանուր ներառական կրթության համակարգի ներդրման աշխատանքների ավելի արդյունավետ իրականացման համար:
Իրավական ակտի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացման կամ նվազեցման անհրաժեշտություն.
«Հայաստանի Հանրապետության կառավարության 2016 թվականի սեպտեմբերի 22-ի թիվ 968-ն որոշման մեջ փոփոխություն կատարելու մասին» ՀՀ կառավարության որոշման նախագծի ընդունման կապակցությամբ պետական բյուջեում ծախսերի ավելացում է նախատեսվում մոտ 628000.0 հազար դրամ գումարի չափով, որը կներառվի 2022-2024 թվականների միջնաժամկետ ծախսային ծրագրում:
Այլ տեղեկություններ
Չկան:
Քննարկվել է
30.03.2021 - 15.04.2021
Տեսակ
Որոշում
Ոլորտ
Կրթություն և գիտություն
Նախարարություն
Կրթության, գիտության,մշակույթի և սպորտի նախարարություն
Դիտումներ` 8652
Տպել11.04.2021
Կարծում եմ որ դպրոցի մասնագետներին ևս ժամանակն է գնահատել և իր տեղը օրենքով սահմանել հստակ ,այլ ոչ ոք թողնել բախտի քմահաճույքին կամ տնօրենի հայեցողությանը։Նաև հարց է առաջանում երբ նույն աշխատանքը կատարում են դպրոցի մասնագետը և ՏՄԱԿ-ի մասնագետը ինչու աշխատավարձի բարձրացված չափաքանակով չի վճարվում դպրոցի մասնագետը։Վարջապես հասկացեք դպրոցում մասնագետ անհրաժեշտ է, ով ամբողջ օրը կատարում է առաջին օգնության և ահազանգողի գործառույթ։
08.04.2021
ՏՄԱԿ-ներում քիչ են նաև մասնագետները։ Ու դա ավելի տեսանելի և զգացնել է տալիս երբ որևէ դպրոցում գնահատման գործընթաց իրականացնելու համար մասնագետը մի քանի օր չպետք է այլ դպրոց աջակցության գնա որպեսզի կարողանա գնահատում իրականացնել։
08.04.2021
ՏՄԱԿ-ի լիարժեք աջակցության համար մասնագետներից բացի անհրաժեշտ է նաև մեքենաների և վարորդների հարցը կարգավորել։ Մենք այժմ 3 վարորդ ունենք և հազիվ ենք կարողանում հասցնել մեր աջակցություններրը։ Մեր վարորդները կանգնել չունեն, անընդհատ գնում գալիս են որպեսզի մասնագետները կարողանան հասցնել և աջակցությունները և սեմինարները։ Տաքսի ծառայությունների հետ էլ չենք կարող պայմանավորվածություններ ունենալ, քանի որ տաքսի սերվիզների մեքենաներում 4 հոգի են տեղավորվում և գյուղերի քանդված ոչ բարվոք փողոցներով ամեն օր չեն գնա ու գա։