«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԵՐԿՐՈՐԴ ԷՆԵՐԳԱԲԼՈԿԻ ՇԱՀԱԳՈՐԾՄԱՆ ԺԱՄԿԵՏԻ ԵՐԿԱՐԱՁԳՄԱՆ ՆԵՐԴՐՈՒՄԱՅԻՆ ՊԼԱՆԻ ՀԱՍՏԱՏՄԱՆ ԵՎ ԴՐԱՆԻՑ ԲԽՈՂ ՄԻՋՈՑԱՌՈՒՄՆԵՐԻ ԻՐԱԿԱՆԱՑՄԱՆ ՄԱՍԻՆ

Անհրաժեշտությունը (նպատակը)

«Հայկական ատոմային էլեկտրակայան» փակ բաժնետիրական ընկերության /այսուհետ՝ ընկերություն/ շահագործման ժամկետի երկարաձգմանն ուղղված աշխատանքների և դրանց իրականացման ժամկետների հստակեցման նպատակով մշակված ներդրումային պլանի հաստատում և ընկերության  երկրորդ էներգաբլոկի շահագործման ժամկետի երկարաձգման աշխատանքների սահմանված ժամկետներում իրականացման ապահովում:

Ընթացիկ իրավիճակը և խնդիրները

Հայաստանի Հանրապետությունում նոր միջուկային էներգաբլոկի կառուցման հետաձգման հետ կապված Հայաստանի Հանրապետության կառավարությունը 2012թ.-ին ընդունել է որոշում` ընկերության երկրորդ էներգաբլոկի շահագործման ժամկետի երկարաձգման մասին:

2014թ. մարտի 27-ին Հայաստանի Հանրապետության կառավարության թիվ 12 արձանագրային որոշման 11-րդ կետով հավանության է արժանացել ընկերության  երկրորդ էներգաբլոկի շահագործման ժամկետի երկարաձգման ծրագիրը, որը բաղկացած է երկու փուլից: Առաջին փուլով իրականացվել են ընկերության երկրորդ էներգաբլոկի համակարգերի, կառուցվածքների և սարքավորումների համապարփակ հետազոտությունները: Երկրորդ փուլով նախատեսվում է իրականացնել ընկերության համակարգերի, սարքավորումների և կառուցվածքների փոխարինում/ վերանորոգում: Հաշվի առնելով, որ առաջին փուլի արդյունքներով պայմանավորված Ծրագրում իրականացվել են փոփոխություններ՝ մշակվել է ընկերության  երկրորդ էներգաբլոկի շահագործման ժամկետի երկարաձգման ներդրումային պլանը, որը սույն որոշման առաջին կետով առաջարկվում է հաստատել:

Հաշվի առնելով վերոգրյալը, ինչպես նաև ընկերության երկրորդ էներգաբլոկի շահագործման ժամկետի երկարաձգման ներդրումային պլանում ներառված աշխատանքները սահմանված ժամկետներում իրականացնելու նպատակով անհրաժեշտ է սկսել ընկերության առաջին էներգաբլոկի մեքենայական արտադրամասի տեղակայանքների, համակարգերի և սարքավորումների ապամոնտաժման գործընթացը:

Նախագծի մշակման գործընթացում ներգրավված ինստիտուտները և անձիք  

Հայաստանի Հանրապետության էներգետիկ ենթակառուցվածքների և բնական պաշարների նախարարություն:

Ակնկալվող արդյունքը

Ընկերության երկրորդ էներգաբլոկի շահագործման ժամկետի երկարաձգմանն ուղղված աշխատանքների և դրանց իրականացման ժամկետների հստակեցում և նախատեսված աշխատանքների պատշաճ մակարդակով և սահմանված ժամկետում իրականացման ապահովում: