Լրամշակման փուլում է

«Պետական սեփականություն հանդիսացող հատուկ մշակված համակարգում (բջջային հավելված) գրանցված նույն անձի կողմից նույն տրանսպորտային միջոցի վերաբերյալ էլեկտրոնային հաղորդում ուղարկելու ամսական և տարեկան առավելագույն քանակը, ինչպես նաև բջջային հավելվածի միջոցով արձանագրվող իրավախախտման տեսակները սահմանելու մասին» ՀՀ կառավարության որոշման նախագիծ

9 - Կողմ
8 - Դեմ

ՏԵՂԵԿԱՆՔ - ՀԻՄՆԱՎՈՐՈՒՄ

«Պետական սեփականություն հանդիսացող հատուկ մշակված համակարգում (բջջային հավելված) գրանցված նույն անձի կողմից նույն տրանսպորտային միջոցի վերաբերյալ էլեկտրոնային հաղորդում ուղարկելու ամսական և տարեկան առավելագույն քանակը, ինչպես նաև բջջային հավելվածի միջոցով արձանագրվող իրավախախտման տեսակները սահմանելու մասին» ՀՀ կառավարության որոշման ընդունման վերաբերյալ

Անհրաժեշտությունը

Որոշման նախագծի ընդունումը պայմանավորված է «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքի (այսուհետ՝ Օրենք) 7.3-րդ հոդվածի 3-րդ և մասի և ՀՀ վարչապետի 2020 թվականի փետրվարի 3-ի թիվ 119-Ա որոշմամբ հաստատված 2-րդ հավելվածի ցանկով նախատեսված 2-րդ միջոցառման կիրարկումն ապահովելու անհրաժեշտությամբ:

Ընթացիկ իրավիճակը և խնդիրները

Ներկայումս տեխնիկական սարքերի միջոցով ճանապարհային երթևեկության կանոնների (ճանապարհային երթևեկության անվտանգության ապահովման բնագավառի օրենսդրության) պահանջները չպահպանելու համար վարչական իրավախախտումներն արձանագրվում են միայն Երևան քաղաքում (բացառությամբ սահմանված առավելագույն արագությունը գերազանցելու դեպքերի), այն էլ ոչ բոլոր հատվածներում, ինչի արդյունքում զգալի թվով իրավախախտումներ մնում են լատենտային, քանի որ այդ իրավախախտումներն ամբողջությամբ հնարավոր չի լինում նախականխել, կանխել կամ հայտնաբերել նաև ճանապարհապարեկային ծառայության կարգախմբերին:

Խնդիրն առավել մտահոգիչ է Հայսատանի Հանրապետության այլ բնակավայրերում, քանի որ ճանապարհապարեկային ծառայության կարգախմբերը բավարար չեն, որպեսզի բնակավայրերում, միջպետական, հանրապետական ու մարզային և այլ նշանակությամբ ճանապարհներին միաժամանակ և անընդմեջ ապահովվի հսկողություն ճանապարհային երթևեկության կանոնների (ճանապարհային երթևեկության անվտանգության ապահովման բնագավառի օրենսդրության) պահանջների պահպանման նկատմամբ:

Ստորև ներկայացվում են 2017-2019թ․թ․ընթացքում Ճանապարհային ոստիկանության ճանապարհապարեկային ծառայություն իրականացնող ծառայողների և տեսանկարահանող սարքերի կողմից հայտնաբերված վարչական իրավախախտումների արդյունքում արձանագրված և նշանակված տուգանքների վերաբրյալ տեղեկությունները․

Վարչական իրավախախտման հոդված	Տու-գանքի չափը	2017 թվական		2018 թվական		2019 թվական
Վարչական իրավախախտման հոդված	Տու-գանքի չափը	քանակը / հատ/	նշանակված տուգանքների գումարը /հազ․դր/	քանակը / հատ/	նշանակված տուգանքների գումարը /հազ․դր/	քանակը / հատ/	նշանակված տուգանքների գումարը /հազ․դր/
43.1-7	25000	0	0	0	0	0	0
123.3	5000	173,919	869,595	126645	633,225	201,318	1,006,590
124-2	10000	24,347	243,470	25,145	251,450	38,529	385,290
124-9	5000	1,370	6,850	10,922	54,610	19,730	98,650
124-11	5000	23,832	119,160	13,042	65,210	16,812	84,060
124-14	20000	2,565	51,300	1,274	25,480	1,309	26,180
124-15	5000	2,235	11,175	1,253	6,265	3,266	16,330
124-17	20000	339	6,780	255	5,100	508	10,160
124-18	30000	12,571	377,130	7,624	228,720	10,422	312,660
124-21	5000	462,816	2,314,080	207,113	1,035,565	238,652	1,193,260
124-26	15000	5,915	88,725	4,444	66,660	5,056	75,840
124-27	20000	1,383	27,660	810	16,200	1,478	29,560
124.3-1	20000	43,530	870,600	42,227	844,540	57,651	1,153,020
135.2-1	3000	5,978	17,934	2,992	8,976	116	348
135.2-2	20000	2	40	2	40	3	60
		760,802	5,004,499	317,103	3,242,041	594,850	4,392,008

Օրենքի 7.3-րդ հոդվածի համաձայն՝ բջջային հավելվածում գրանցված նույն անձի կողմից նույն տրանսպորտային միջոցի վերաբերյալ էլեկտրոնային հաղորդում ուղարկելու ամսական և տարեկան առավելագույն քանակը, ինչպես նաև հավելվածի միջոցով արձանագրվող իրավախախտման տեսակները սահմանվում են ՀՀ կառավարության կողմից:

Հավելվածի հնարավորություններից չարամիտ կամ միջանձնային հարաբերություններով պայամանավորված հավելվածն այլ նպատակներով օգտագործելու հնարավոր ռիսկը կանխելու նպատակով նախագծով սահմանափակում է նախատեսվել հավելվածում գրանցված նույն անձի կողմից նույն տրանսպորտային միջոցի վերաբերյալ ամսեկան չի կարող ներկայացվել առավելագույնը 3, իսկ տարեկան առավելագույնը 30 էլեկտրոնային հաղորդում ներկայացնելու մասով։

Միաժամանակ հավելվածով սահմանվել են Վարչական իրավախախտումների վերաբերյալ Հայաստանի Հանրապետության օրենսգրքով սահմանված այն իրավախախտումների տեսակները, որոնք հաճախ են հանդիպում իրականության մեջ և ունեն հասարակական բարձր վնասակարություն՝ դրանք բջջային հավելվածի հնարավորություններն օգտագործելու միջոցով հայտնաբերելու հնարավորության հաշվառմամբ։

Կարգավորման նպատակը

Նախագիծը նպատակ ունի ապահովել Օրենքի 7.3-րդ հոդվածի կիրարկումն այն համատեքստում, որպեսզի հստակ նախատեսվի այն պայմանները, որոնք միջոց կհանդիսանան հավելվածից օգտվելու ժամանակ դրա միջոցով անհարկի ենթադրյալ իրավախախտումների վերաբարյալ նյութեր ներկայացնելու չարաշահումները զսպելու համար։

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Ճանապարհային ոստիկանության կողմից:

Ակնկալվող արդյունքը

Որոշման նախագծի ընդունմամբ կբարձրանա ճանապարհային երթևեկության անվտանգության մակարդակը, քանի որ վարորդը կխուսափի իրավախախտումներ կատարելուց ոչ միայն այն վայրերում, որոնք վերահսկվում են ստատիկ տեղադրված տեխնիկական միջոցներով, այլ նաև չվերահսկվող ճանապարհներին՝ ելնելով իր արարքը բջջային հավելվածով արձանագրվելու կանխավարկածից:

ՀՀ ՈՍՏԻԿԱՆՈՒԹՅՈՒՆ

ՏԵՂԵԿԱՆՔ

«Պետական սեփականություն հանդիսացող հատուկ մշակված համակարգում (բջջային հավելված) գրանցված նույն անձի կողմից նույն տրանսպորտային միջոցի վերաբերյալ էլեկտրոնային հաղորդում ուղարկելու ամսական և տարեկան առավելագույն քանակը, ինչպես նաև բջջային հավելվածի միջոցով արձանագրվող իրավախախտման տեսակները սահմանելու մասին» ՀՀ կառավարության որոշման ընդունմամբ այլ իրավական ակտերում փոփոխություններ և լրացումներ կատարելու անհրաժեշտություն չի առաջանա:

ՀՀ ՈՍՏԻԿԱՆՈՒԹՅՈՒՆ

ՏԵՂԵԿԱՆՔ

«Պետական սեփականություն հանդիսացող հատուկ մշակված համակարգում (բջջային հավելված) գրանցված նույն անձի կողմից նույն տրանսպորտային միջոցի վերաբերյալ էլեկտրոնային հաղորդում ուղարկելու ամսական և տարեկան առավելագույն քանակը, ինչպես նաև բջջային հավելվածի միջոցով արձանագրվող իրավախախտման տեսակները սահմանելու մասին» ՀՀ կառավարության որոշման ընդունմամբ պետական բյուջեում ծախսերի ավելացում չի նախատեսվում։

Կանխատեսվում է պետական բյուջեում եկամուտների էական ավելացում՝ պայմանավորված կայացված վարչական ակտերով գանձվող գումարների հետ։

Ստորև ներկայացվում են բջջային հավելվածի ներդրման դեպքում ակնկալվող մուտքերի վերաբերյալ միջինացված հաշվարկները․

Վարչական իրավախախտման հոդված	Տու-գանքի չափը	Որոշման ընդունմամբ տարեկան կանխատեսվող մուտքերի գնահատական
Վարչական իրավախախտման հոդված	Տու-գանքի չափը	քանակը / հատ/	կանխատեսվող տուգանքների գումարը /հազ․դրամ/
43.1-7	25000	1000	25,000
123.3	5000	16,729	83,645
124-2	10000	2,934	29,340
124-9	5000	1,067	5,335
124-11	5000	1,790	8,950
124-14	20000	172	3,440
124-15	5000	225	1,125
124-17	20000	37	740
124-18	30000	1,021	30,630
124-21	5000	30,286	151,430
124-26	15000	514	7,710
124-27	20000	122	2,440
124.3-1	20000	4,780	95,600
135.2-1	3000	303	909
135.2-2	20000	20	400
		61,000	446,694

ՀՀ ՈՍՏԻԿԱՆՈՒԹՅՈՒՆ

Քննարկվել է

30.04.2020 - 15.05.2020
Տեսակ

Որոշում
Ոլորտ

Ճանապարհային երթևեկության անվտանգություն
Նախարարություն

Ոստիկանություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Դիտումներ` 7523

Տպել

Առաջարկներ`

Ashot Barseghyan

30.04.2020

Նախագիծը պետկա չեղարկել` հասարակական խիստ բացասական րեակցիայի պատճառով: Հետևանքները լավ չեն հաշվարկված: Պետական գոռծառույթը չի կարելի տեղափոխել քաղաքացու վրա

Տեսնել ավելին