«Հայաստանի Հանրապետության տարածքում սեյսմիկ ռիսկի նվազեցման պետական ծրագիրը հաստատելու և Հայաստանի Հանրապետության կառավարության 1999 թվականի հունիսի 10-ի թիվ 429 և 1999 թվականի հունիսի 7-ի թիվ 392 որոշումներն ուժը կորցրած ճանաչելու մասին» Հայաստանի Հանրապետության կառավարության որոշման նախագիծ

1.

Անհրաժեշտությունը

Նախագծի ընդունման անհրաժեշտությունը բխում է ՀՀ  կառավարության  2017 թ. հունիսի 29-ի նիստի N 28 արձանագրային որոշմամբ հաստատված ծրագրի 2-րդ կետի պահանջից:

 ՀՀ պետական կառավարման համա­կարգում տեղի ունեցած փոփոխություններն     անհրա­ժեշ­տություն են առաջացրել փոփոխություններ կատարել նաև ՀՀ կա­ռա­վարության 1999 թվա­կանի հունիսի 10-ի N 429 որոշ­ման մեջ:

Վերոնշյալ նախագծի ընդունման անհրաժեշտությունը պայմանավորված է նաև ՀՀ Նախագահի 2010 թվականի օգոստոսի 28-ի ՆԿ-140-Ն կարգադրու­թյան 1-ին կետով    հաս­տատված հավելվածի 2-րդ կետի 1-ին, 14-րդ կետի 1-ին, 23-րդ կետի 2-րդ ենթակետերով, 46-րդ կետով, ինչպես նաև «Սեյսմիկ պաշտպանու­թյան մասին» Հայաստանի Հանրապետու­թյան  օրենքի 3-րդ հոդվածի 1-ին մասով:

       Նկա­տի ունենալով, որ ՀՀ կա­ռավարության 1999 թվականի հունիսի 7-ի «Երևանի տարածքում սեյսմիկ ռիսկի նվազեցման համալիր ծրագրի մասին» թիվ 392 որո­շումն ընդունվել է Երևանի՝ մարզի կարգավիճակ ունենալու ժամանակ, հիմնականում կրկնակում է ՀՀ կառավարության 1999 թվականի հունիսի 10-ի թիվ 429 որոշումը:

      ՀՀ կառավարության ո­րոշ­ման նախագիծը ներկայացվում է Պետական փորձա­գի­տական եզրակացու­թ­յան 1-ն կետի համաձայն. փո­փոխ­վել է նախագծի վեր­­նագիրը, իսկ շրջա­նառված նախագիծը Պետական փորձա­գի­տական եզրակացու­թ­յան բոլոր դիտողութ­յուն­ների հաշվառմամբ տեղադրվել  է (ինկոր­պո­րացվել է) գործող ՀՀ կառավարության 1999 թվականի հունիսի 10-ի թիվ 429 որոշումում:

2.

Ընթացիկ իրավիճակը և խնդիրները

ՀՀ ողջ տարածքը գտնվում է բարձր սեյսմիկ ռիսկի գոտում, ուր տեղի են ունենում ուժեղ երկրաշարժեր: Դեռևս ոչ ուշ անցյալում մենք ականատես եղանք ուժեղ երկրաշարժի ողբերգական հետևանքներին: 1988թ-ի դեկտեմբերի 7-ի Սպիտակի ավերիչ երկրաշարժի թողած վնասները զգացնել են տալիս մինչ օրս: Տարածականորեն Հայաստանը գտնվում է այնպիսի երկրաշարժավտանգ գոտում, որտեղ միշտ եղել են ու կլինեն ավերիչ երկրաշարժեր: Համաշխարհային փորձը ցույց է տալիս, որ ծանր հետևանքներ լինում են այն երկրներում, որոնք ժամանակին համապատասխան միջոցառումներ չեն ձեռնարկել, չեն պատրաստվել հնարավոր ուժեղ երկրաշարժին:

Մասնագետների կանխատեսումներով Կովկասում և Հայկական Լեռնաշխարհում (ներառյալ Հայաստանի տարածքը) հնարավոր են ուժեղ երկրաշարժեր: Հայաստանի բնակչության խտությունը բավականին բարձր է և շատ անհավասարաչափ է տեղաբաշխված. բնակչության մոտ կեսը բնակվում է Երևանում և նրա շրջակայքում: Հանրապետության բնակելի և արտադրական շինությունների մեծամասնությունը սեյսմակայուն չեն, այսինքն՝ չունեն իրական սեյսմիկ վտանգին համապատասխան կայունություն: Խիտ բնակեցված վայրերի մոտ տեղակայված են վտանգավոր և թունավոր արտադրական օբյեկտներ:

Արդիական չէ ՀՀ կա­ռավարության 1999 թվականի հունիսի 7-ի «Երևանի տարածքում սեյսմիկ ռիսկի նվազեցման համալիր ծրագրի մասին» թիվ 392 որո­շման կիրառումը, ՀՀ կառավարության որոշման տեսքով:

3.

Տվյալ բնագավառում իրականացվող քաղաքականություն

Սեյսմիկ պաշտպանության ոլորտում քաղաքականությունը ձևավորվում է՝ հիմք ընդունելով երկրի սեյսմիկ անվտանգության ապահովման խնդիրները և դրանց լուծման ուղիները:

Տվյալ բնագավառում քաղաքականությունն իրականացվում է.

1.  «Սեյսմիկ պաշտպանության մասին» Հայաստանի Հանրապետության օրենքում փոփոխություն կատարելու մասին» Հայաստանի Հանրապետության 2017 թվականի մարտի 21-ի ՀՕ-53-Ն օրենքով,

2.   ՀՀ կառավարության 1999 թվականի հունիսի 10-ի «Հայաստանի Հանրա­պե­տության տարածքում սեյսմիկ ռիսկի նվազեցման համալիր ծրագրի մասին» N 429, և ՀՀ կառավարության 1999 թվականի հունիսի 7-ի «Երևանի տարածքում սեյսմիկ ռիսկի նվազեցման համալիր ծրագրի մասին» N 392 որոշումներով,

3.   ՀՀ նախագահի 2010 թ. օգոստոսի 28-ի «Հայաստանի Հանրապետության սեյսմիկ անվտանգության համակարգի զարգացման հայեցակարգը հաստատելու մասին» ՆԿ-140-Ն կարգադրությամբ:

4. Սեյսմիկ պաշտպանության բնագավառում Հայաստանի Հանրապետության տեղական ինքնակառավարման մարմինների իրավասությունը սահմանվում է «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 29-րդ կետով, 41-րդ հոդվածի 2-րդ մասի 7-րդ կետով, սույն օրենքով և Երևան քաղաքում տեղական ինքնակառավարման մասին Հայաստանի Հանրապետության օրենքի 66-րդ հոդվածի 1-ին մասի 2-րդ կետով:

4.

Կարգավորման նպատակը և բնույթը

     Նախագծով կարգավորման հիմնական նպատակը.

 ՀՀ կառավարություն ներկայացված նախագծով նախատեսվում է «Հայաստանի Հան­րապետության կա­ռա­վարության 1999 թվա­կանի հունիսի 10-ի N 429 որոշ­ման մեջ փոփո­խու­թյուն­ներ և լրացում­ներ կա­տարելու ու Հա­յաստանի Հան­րա­պե­տության կա­ռավարության 1999 թվականի հունիսի 7-ի N 392 որոշումը չեղ­յալ հայտարա­րե­լու մասին» ՀՀ կա­ռա­­վարության որոշ­­ման ընդունմամբ սեյսմիկ ռիսկի նվազեցման համալիր ծրագիրը կհամապա­տաս­խանեցնել Հայաստանի Հանրապե­տու­թյան օրենքներում և այլ իրավա­կան ակտերում տեղի ունեցած փոփո­խություններին, Հայաստանի Հանրապետության պետական կառավարման համա­կարգում տեղի ունեցած փոփոխություններն:

ՀՀ կա­ռավարության 1999 թվականի հունիսի 7-ի «Երևանի տարածքում սեյսմիկ ռիսկի նվազեցման համալիր ծրագրի մասին» թիվ 392 որո­շումը…արդիական չէ, առաջարկվում է  «Սեյսմիկ պաշտպանու­թյան մասին» Հայաստանի Հանրապետու­թյան  օրենքի 6-րդ հոդվածի 1-ին և 5-րդ մասերի կատարման համար, համաձայն «Երևան քաղաքում տեղական ինքնակառավարման մասին» ՀՀ օրենքի 66-րդ հոդվածի 2-րդ մասի և Տեղական ինք­նակառավարման մա­սին ՀՀ օրենքի 12-րդ հոդվածի  1-ին մասի 12-րդ կետի, 35-րդ հոդվածի 1-ին մասի 29-րդ կետի, 41-րդ հոդ­վա­ծի 2-րդ մասի 7-րդ կետի՝ մշակել սեյսմիկ ռիսկի նվազեցման Երևանի համայնքային ծրագիր:

          Կլրացվեն ծրագրի կատարման արդյունավետության բարձրաց­մանն առնչվող պահանջներ, մոտեցումներ, պետական ոչ առևտրա­յին կազմակեր­պությունների գործունեության առարկաները:

        Երևանի տարածքում սեյսմիկ ռիսկի նվազեցումը կկատարվի Հայաստանի Հանրապետության տարածքում սեյսմիկ ռիսկի նվազեցման պետական ծրագրի համաձայն կազմված Երևանի տարածքում սեյսմիկ ռիսկի նվազեցման համայնքային ծրագրով՝ համաձայն «Սեյսմիկ պաշտպանության մասին» Հայաստանի Հանրապետության օրենքի 6-րդ հոդվածի 5-րդ մասի:

5.

Նախագծի մշակման գործընթացում ներգրավված ինստիտուտները

     Իրավական ակտի նախագիծը մշակվել է Հայաստանի Հանրապետության արտակարգ իրավիճակների նախարարությունում:

6.

Ակնկալվող արդյունքը

        Արդյունքում ծրագիրը կհամա­պատասխանեցվի Հայաստանի Հանրապետության օրենքներում և այլ իրավական ակտերում տեղի ունեցած փոփոխություն­ներին: Կլինի մեկ ընդհանուր լրամշակված ծրագիր առանց կրկնությունների: