Հիշել նախագիծը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2013 ԹՎԱԿԱՆԻ ՆՈՅԵՄԲԵՐԻ 1-Ի №374Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ 2013 ԹՎԱԿԱՆԻ ՀՈԿՏԵՄԲԵՐԻ 2-Ի №339Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

  • 3 - Կողմ

  • 2 - Դեմ

ՀԻՄՆԱՎՈՐՈՒՄ

«Հայաստանի Հանրապետության հանրային ծառայությունները կարգավորող հանձնաժողովի 2013 թվականի նոյեմբերի 1-ի №374Ն որոշման մեջ փոփոխություն կատարելու և 2013 թվականի հոկտեմբերի 2-ի №339Ն որոշումն ուժը կորցրած ճանաչելու մասին» Հայաստանի Հանրապետության հանրային ծառայությունները կարգավորող հանձնաժողովի որոշման նախագծի վերաբերյալ

 

 

  1. Ընթացիկ իրավիճակը, խնդիրները և անհրաժեշտությունը

2018 թվականի փետրվարի 7-ին ընդունված «Էներգետիկայի մասին» Հայաստանի Հանրապետության օրենքում փոփոխություններ և լրացումներ կատարելու մասին» օրենքով փոփոխվել են էներգետիկայի բնագավառում լիցենզավորման ենթակա գործունեության տեսակները, ուստի անհրաժեշտություն է առաջացել համապատասխան փոփոխություններ կատարել ենթարկել ՀՀ հանրային ծառայությունները կարգավորող հանձնաժողովի 2013 թվականի նոյեմբերի 1-ի N374Ն որոշմամբ հաստատված էներգետիկայի բնագավառում գործունեության լիցենզավորման կարգում։

 

  1. Կարգավորման նպատակը և բնույթը

Սույն որոշման նախագծով էներգետիկայի բնագավառում գործունեության լիցենզավորման կարգը համապատասխանեցվում է «Էներգետիկայի մասին» ՀՀ օրենքի պահանջներին։ Մասնավորապես, նախատեսվում են համապատասխան կարգավորումներ էներգետիկական շուկայի նոր մասնակիցների լիցենզավորման ընթացակարգերի վերաբերյալ, հստակեցվում է լիցենզիա ստանալու համար հանձնաժողով ներկայացվող փաստաթղթերի ցանկը։ Հաշվի առնելով, որ «Էներգետիկայի մասին» ՀՀ օրենքի համաձայն էլեկտրական էներգիայի ներկրումը և արտահանումը այսուհետ իրականացվելու է առանց ներկրման կամ արտահանման լիցենզիա ստանալու՝ լիցենզավորման կարգից հանվում են նաև դրանց վերաբերյալ կարգավորումները։ Միևնույն ժամանակ մեկ միասնական կարգում են ներառվում նաև բնական գազի ներկրման և արտահանման գործունեության լիցենզավորման գործընթացները։ 

 

  1. Նախագծի մշակման գործընթացում ներգրավված ինստիտուտները և անձինք

Սույն որոշման նախագիծը մշակվել է Հայաստանի Հանրապետության հանրային ծառայությունները կարգավորող հանձնաժողովի կողմից՝ ԱՄՆ Միջազգային զարգացման գործակալության շուկայի ազատականացման և էլեկտրաէներգիայի առևտրի ծրագրի շրջանակներում՝ «Տետրա Տեկ Ի ԷՍ» ընկերության տեղական և միջազգային փորձագետների աջակցությամբ։

 

  1. Ակնկալվող արդյունքը

Էներգետիկայի բնագավառում գործունեության լիցենզավորման կարգի համապատասխանեցում «Էներգետիկայի մասին» ՀՀ օրենքի պահանջներին։

  • Քննարկվել է

    30.10.2018 - 14.11.2018

  • Տեսակ

    Որոշում

  • Ոլորտ

    Էներգետիկա (էլեկտրաէներգետիկական, ջերմամատակարարման, գազամատակարարման համակարգեր)

  • Նախարարություն

    ՀՀ հանրային ծառայությունները կարգավորող հանձնաժողով

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 7474

Տպել