Հիշել նախագիծը

«ՆՈՏԱՐԻԱՏԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

  • 8 - Կողմ

  • 1 - Դեմ

ՀԻՄՆԱՎՈՐՈՒՄ

«ՆՈՏԱՐԻԱՏԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ

 

  1. Ընթացիկ իրավիճակը և իրավական ակտի ընդունման անհրաժեշտությունը

Ներկայումս օրենսդրությամբ ամրագրված չէ նոտարական գործողությունների տեսաձայնագրման հնարվորություն:

 

  1. Առաջարկվող կարգավորման բնույթը

Նախագծով առաջարկվում է նախատեսել, որ կողմերի փոխադարձ համաձայնությամբ նոտարական այն գործողությունները, որոնց անձամբ ներկա են գտնվում կողմերը, կարող են տեսաձայնագրել:

Տեսաձայնագրման ժամանակ նոտարը պարտավոր է պարզաբանել կողմերին տեսաձայնագրման ընթացքի վերաբերյալ, բարձրաձայնել տեսաձայնագրման իրականացման տարին, ամիսը, ամսաթիվը, ներկաների անունները ու կարգավիճակները:

Տեսաձայնագրության կրկնօրինակը ստանալու նպատակով կողմերը ցանկացած ժամանակ կարող են դիմել նոտարին:

Միաժամանակ նախատեսվել է, որ տեսաձայնագրման իրականացման կարգը, տեսաձայնագրությանը ներկայացվող պահանջները և պահպանումը սահմանվում են Արդարադատության նախարարի հրամանով:

 

  1. Նախագծի մշակման գործընթացում ներգրավված ինստիտուտները, անձինք

ՀՀ արդարադատության նախարարություն:

 

  1. Ակնկալվող արդյունքը

Նախագծի ընդունման արդյունքում ակնկալվում է ապահովել ինչպես նոտարների, այնպես էլ կողմերի շահերի արդյունավետ պաշտպանությունը, նվազեցնել դատական վեճերի հավանականությունը և ապահովել դատական վեճերի դեպքում հավելյալ ապացույցների օգտագործման հնարավորությունը:

 

 

 

  • Քննարկվել է

    10.09.2018 - 28.09.2018

  • Տեսակ

    Օրենք

  • Ոլորտ

    Արդարադատություն, Էլեկտրոնային արդարադատություն, Նոտարական

  • Նախարարություն

    Արդարադատության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Չեղարկել

Դիտումներ` 6385

Տպել