Իրավական ակտերի նախագծերի հրապարակման միասնական կայք

Նախագծեր

30.03.2026 14.04.2026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ 2014 ԹՎԱԿԱՆԻ ՄԱՐՏԻ 24-Ի N 87-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ Շենքերի տեխնիկական վիճակի հետազննության արդյունքների հիման վրա դրանց վերակառուցման նպատակահարմար մակարդակի որոշման չափանիշները սահմանող ՀՀ քաղաքաշինության նախարարի 2014 թվականի մարտի 24-ի N 87-Ն հրամանով հաստատված ՀՀՇՆ 20-06-2014 «Շենքերի և կառուցվածքների վերակառուցում, վերականգնում և ուժեղացում. Հիմնական դրույթներ» շինարարական նորմերի (այսուհետ՝ Նորմեր) 26-րդ կետի համաձայն՝ բոլոր տեսակի ուսումնական հաստատությունների (դպրոցներ, ուսումնարաններ, բուհեր և այլն), շենքերի հիմնական նորոգման վերաբերյալ որոշումն ընդունելու դեպքում պատվիրատուն, որպես պարտադիր պահանջ, պետք է իրականացնի նշված օբյեկտների վերակառուցում սույն շինարարական նորմերում ամրագրված դրույթներին համապատասխան:

Մնաց {days} օր

0 228

30.03.2026 14.04.2026

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՆՈՅԵՄԲԵՐԻ 12-Ի N 1308-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԻԾ Նախագծի ընդունման անհրաժեշտությունը պայմանավորված է Հայաստանի Հանրապետության ռազմարդյունաբերության ոլորտում իրականացված ինստիտուցիոնալ փոփոխությունների արդյունքում ռազմարդյունաբերության քաղաքականության մշակման և իրականացման, ինչպես նաև հաշվի առնելով այն հանգամանքը, որ ռազմական նշանակության արտադրանքի արտադրության և զարգացման հետ կապված մի շարք գործառույթներ իրականացվում են Հայաստանի Հանրապետության բարձր տեխնոլոգիական արդյունաբերության նախարարության կողմից։ Այդ հանգամանքով պայմանավորված անհրաժեշտություն է առաջացել Հայաստանի Հանրապետության կառավարության 2009 թվականի նոյեմբերի 12-ի N 1308-Ն որոշմամբ հաստատված կարգերում և փաստաթղթերի ձևերում կատարել համապատասխան փոփոխություններ։

Մնաց {days} օր

0 283

30.03.2026 14.04.2026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2024 ԹՎԱԿԱՆԻ ՓԵՏՐՎԱՐԻ 22-Ի N10-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ Հայաստանի Հանրապետության քաղաքաշինության կոմիտեի նախագահի 2024 թվականի փետրվարի 22-ի ՀՀՇՆ 21-01.01-2024 «Շենքերի և շինությունների հակահրդեհային պաշտպանության համակարգեր. Ավտոմատ հրդեհաշիջման և հրդեհային ազդանշանման կայանքներ. Նախագծման նորմեր» շինարարական նորմերը հաստատելու և Հայաստանի Հանրապետության քաղաքաշինության նախարարի 2005 թվականի մայիսի 2-ի N75-Ն հրամանն ուժը կորցրած ճանաչելու մասին» N 10-Ն հրամանի հավելվածի Աղյուսակ 11-ի 2-րդ կետի 6-րդ ենթակետի «3 հարկ կամ 2500 մ² և ավելի՝ ջրային ինքնաշխատ» սյունակին համապատասխանող ձևակերպումը շարադրել հետևյալ խմբագրությամբ. «հրդեհաշիջման ինքնաշխատ նրբաջրային, սպրինկլերային համակարգերը, հրդեհաշիջման հիդրանտները, ջրափրփրային կամ հրդեհի ազդանշանման կայանքները, համարժեք այլընտրանքային համակարգերը նախատեսվում և ընտրվում են ըստ օբյեկտի տեխնիկական առաջադրանքի»:

Մնաց {days} օր

0 220

30.03.2026 14.04.2026

«Հայաստանի Հանրապետության կառավարության 2021 թվականի նոյեմբերի 11-ի N 1864-Լ որոշման մեջ փոփոխություն կատարելու մասին» ՀՀ կառավարության որոշման նախագիծ Նախագծով ներկայացված փոփոխությունները և լրացումներն, ընդհանուր առմամբ հանգում են հետևյալին. Մի շարք ենթատեսակների փորձաքննությունների մասով վերանայվել են յուրաքանչյուր մեկ առանձին օբյեկտի փորձաքննության օբյեկտավորման մեթոդաբանությունները, գործնականում առավել հաճախ իրականացվող ենթատեսակների մասով դրանք փոփոխվել (նվազեցվել) և օպտիմալացվել են։ Հատկապես փոփոխվել են այն ենթատեսակների օբյեկտավորման չափանիշներն ու մեկ օբյեկտի միջին նորմատիվային ժամածախսերը, այդպիսիք կրճատելով կրկնակիից մինչև երեսունապատիկի չափով, հիմք ընդունելով այն ենթատեսակները, որոնցով գրանցվել են 2024 թվականի տարեկան և 2025 թվականի ինն ամիսների խիստ բարձր կատարողական ցուցանիշներ: Մասնավորապես՝ թմրամիջոցների, հոգեմետ (հոգեներգործուն) նյութերի, դրանց պրեկուրսորների, դեղամիջոցների, խիստ ներգործող և թունավոր նյութերի փորձաքննություն ենթատեսակով (09-09) նախ կրկնակի չափով նվազեցվել է յուրաքանչյուր մեկ առանձին օբյեկտի փորձաքննության միջին նորմատիվային ժամածախսը՝ այն 16-ից դարձնելով 8 ժամ, հետևաբար արժեքը նվացեցվելով 72000 դրամից 36000 ՀՀ դրամ, ինչպես նաև խմբավորվել են տվյալ ենթատեսակի փորձաքննության մեկ առանձին օբյեկտի գնահատման չափանիշները՝ այդպիսիք խմբավորման արդյունքում նվազեցվելով 3-ից մինչև շուրջ 17 անգամ: Նմանատիպ սկզբունքով հրազենի և դրա փամփուշտների փորձաքննություն (07-01) ենթատեսակով փոփոխվել են տվյալ ենթատեսակի փորձաքննության մեկ առանձին օբյեկտի գնահատման չափանիշները՝ այդպիսիք խմբավորման արդյունքում նվազեցվելով մինչև շուրջ 33 անգամ, օրինակ՝ գործարանային փակ՝ չբացված տուփով (տուփերով) ներկայացված հետազոտելի մինչև ներառյալ հազար միևնույն տեսակի պարկուճների ամբողջությունը կամ ոչ միևնույն տեսակի հետազոտելի մինչև ներառյալ երեսուն փամփուշտների ամբողջությունը կամ միևնույն տեսակի գործարանային ոչ փակ տուփով (տուփերով) ներկայացված հետազոտելի մինչև ներառյալ հարյուր փամփուշտների ամբողջությունը սահմանելով մեկական օբյեկտ նախկինում սահմանված յուրաքանչյուր 30 փամփուշտի փոխարեն: Նմանատիպ աշխատաժամանակ կախյալ համարժեք փոփոխությունների և խմբավորումների են ենթարկվել նաև մի շարք այլ ենթատեսակներով փորձաքննությունների յուրաքանչյուր մեկ առանձին օբյեկտի փորձաքննության միջին նորմատիվային ժամածախսերը և հետևաբար համարժեք նվազեցվել դրանց արժեքները: Առաջարվող փոփոխությունների արդյունքում 2026 թվականին պետության կողմից ձեռքբերված փորձագիտական ծառայությունների տարեկան ծավալների չափով համանման ծավալներով և տեսակներով ծառայություններ հետագայում ձեռքբերելու դեպքում, դրանց արժեքները համապատասխանեցվել են ժամանակակից պահանջներին՝ բացառելով բյուջետային համակարգի սկզբունքներին ոչ համապատաախան չափերով գերֆինանսավորման տարեկան լրացուցիչ պահանջ ներկայացնելու անհրաժեշտությունը: Նախագծի ընդունման արդյունքում կապահովվի դատական փորձաքննությունների մատուցման ծառայությունների դիմաց համարժեք ֆինանսավորման տրամադրումը և համապատասխան միջոցառումներով նախատեսված արդյունքների ապահովումը:

Մնաց {days} օր

0 277

30.03.2026 14.04.2026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2011 ԹՎԱԿԱՆԻ ՀՈՒՆԻՍԻ 13-Ի N 526-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ Սույն նախագծով նախատեսվում է ՀՀ առոջապահության նախարարության «Առողջապահական ծրագրերի իրականացման գրասենյակ» պետական հիմնարկի հաստիքները համալրել գործունեության համար անհրաժեշտ մասնագետ/աշխատակիցներով։ ՀՀ ԱՆ «ԱԾԻԳ» ՊՀ-ը գործունեությունն իրականացնում է հաստատված թվով 20 հաստիքակազմով՝ այդ թվում սպասարկող անձնակազմը։ Ներկայում ՀՀ ԱՆ «Առողջապահական ծրագրերի իրականացման գրասենյակ» պետական հիմնարկը (Այսուհետ՝ Պետական հիմնարկ) հանդիսանում է․ • Առողջապահության նախարարության գործունեության կարևորագույն ուղղություններից մեկի՝ ՀՀ կառավարության 2021-2026թթ ծրագրով սահմանված առողջապահական հաստատությունների կապիտալ շինարարական ծրագրերի համակարգող մարմինը (նախագծանախահաշվային փաստաթղթերի մշակում, շինարարական աշխատանքների վերահսկում, կարիքի գնահատում, հագեցում, ինչպես նաև նշված գործընթացների գնման գործընթացի իրականացում), • Հայաստանի Հանրապետության և Վերակառուցման և զարգացման միջազգային բանկի կողմից 25.07.2024թ ստորագրված և 30.04.2025թ ուժի մեջ մտած «Համընդհանուր առողջապահական ծածկույթի ծրագիր» վարկային համաձայնագրով սահմանված արդյունքահեն ծրագրի իրականացնող մարմին, • Հայաստանի Հանրապետության և Ասիական զարգացման բանկի միջև 28.02.2025թ ստորագրված և 04.11.2025թ ուժի մեջ մտած «Առողջապահության որակի բարելավման ծրագիր» համաձայնագրով սահմանված արդյունքահեն ծրագրի իրականացնող մարմին, • Հայաստանի Հանրապետության և Եվրոպական ներդրումային բանկի միջև «Հայաստան-դիմակայուն Սյունիք» ԿԶԵՀ+Հատուկ ներդրումային պատուհան1» ֆինանսական պայմանագրի (վավերացվել է 16.12.2025թ) շրջանակներում բժշկական հաստատությունների հագեցման գործընթացի պատասխանատու մարմին։ Ուստի՝ ներկայում անհրաժեշտություն է առաջացել համալրել Պետական հիմնարկի հաստիքները գործունեության համար անհրաժեշտ թվով 7 մասնագետ/աշխատակիցներով։ Իրավական ակտի ընդունումը կնպաստի Վարկային ծրագրերի, ինչպես նաև ՀՀ կառավարության 2021-2026թթ գործունեության միջոցառումների արդյունավետ, պատշաճ որակով իրականացմանը։

Մնաց {days} օր

0 170

30.03.2026 14.04.2026

ՖԻԹՆԵՍ ԿԵՆՏՐՈՆՆԵՐԻ ԿԱՄ ՄԱՐԶԱՍՐԱՀՆԵՐԻ (ԱՆԿԱԽ ՍԵՓԱԿԱՆՈՒԹՅԱՆ ՁԵՎԻՑ) ՄԱՐԶԻՉՆԵՐԻ ՀԱՎԱՍՏԱԳՐՄԱՆ ԿԱՐԳԸ ԵՎ ՊԱՅՄԱՆՆԵՐԸ ՍԱՀՄԱՆԵԼՈՒ ՄԱՍԻՆ Հրամանը կկարգավորի ֆիթնես մարզիչների որակային չափանիշները, ինչը մինչև այժմ գոյություն չունի և նման դասընթացներով նախատեսվում է կազմակերպել մասնագիտական ստանդարտները:

Մնաց {days} օր

0 156

30.03.2026 14.04.2026

«Ֆիթնես կենտրոններին և մարզասրահներին ներկայացվող չափորոշիչները սահմանելու վերաբերյալ» Հայաստանի Հանրապետության կառավարության որոշման նախագիծ Որոշման նախագծով սահմանվում են ֆիթնես կենտրոններին և մարզասրահներին ներկայացվող չափորոշիչները, ինչպես նաև վերը նշված չափորոշիչների սահմանման նպատակը:

Մնաց {days} օր

0 114

30.03.2026 17.04.2026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՀՈԿՏԵՄԲԵՐԻ 21-Ի N 1442-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ Նախագծի ընդունման արդյունքում հնարավորություն կընձեռնվի Հայաստանի Հանրապետության տարածք ներմուծել Վրաստանում արտադրված որոշակի ապրանքներ՝ ընդլայնելով Հայաստանի և Վրաստանի միջև առևտրաշրջանառությունը։ Սույն նախագծի ընդունմամբ ակնկալվում է նպաստել հանրապետությունում տոհմային կենդանիների տեսակարար կշռի ավելացումը, մթերատվության ցուցանիշների ավելացումը, պարեանյին անվտանգության ապահովությունը, ազգաբնակչության սննդամթերքի բազմազանությանը և կարիքների լիարժեք հագեցվածությանը, ինչպես նաև, մատուցելով պատշաճ ծառայություն, ապահովել արտերկրից ժամանած զբոսաշրջիկների սննդակարգի բավարարումը։

Մնաց {days} օր

0 337

30.03.2026 14.04.2026

«ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ 2017-2020 ԹՎԱԿԱՆՆԵՐԻ ԾՐԱԳՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ ««Պետական գույքի մասնավորեցման 2017-2020 թվականների ծրագրի մասին» ՀՀ օրենքում փոփոխություն կատարելու մասին» ՀՀ օրենքի նախագծի նպատակը «Վնասվածքաբանության և օրթոպեդիայի գիտական կենտրոն» ՓԲԸ-ն 2017-2020 թվականներին մասնավորեցման առաջարկվող ընկերությունների ցանկից հանելն է:

Մնաց {days} օր

0 312

Եվրոպական Միություն

Այս կայքը ստեղծվել և թարմացվել է Եվրոպական միության ֆինանսական աջակցությամբ: Կայքի բովանդակության համար պատասխանատվություն են կրում հեղինակները, և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի, ՄԱԿ-ի բնակչության հիմնադրամի, ՅՈՒՆԻՍԵՖ-ի և ԵԱՀԿ-ի տեսակետները: