««Չափումների միասնականության ապահովման մասին» օրենքում փոփոխություններ և լրացումներ կատարելու մասին» 2025 թվականի դեկտեմբերի 1-ի ՀՕ-374-Ն օրենքի կիրարկումն ապահովող միջոցառումների ցանկը հաստատելու մասին» Հայաստանի Հանրապետության վարչապետի որոշման նախագծ

ՀԻՄՆԱՎՈՐՈՒՄ

««Չափումների միասնականության ապահովման մասին» օրենքում փոփոխություններ և լրացումներ կատարելու մասին» 2025 թվականի դեկտեմբերի 1-ի ՀՕ-374-Ն օրենքի կիրարկումն ապահովող միջոցառումների ցանկը հաստատելու մասին» Հայաստանի Հանրապետության վարչապետի որոշման նախագծի

1.   Անհրաժեշտությունը.

««Չափումների միասնականության ապահովման մասին» օրենքում փոփոխություններ և լրացումներ կատարելու մասին» 2025 թվականի դեկտեմբերի 1-ի ՀՕ-374-Ն օրենքի կիրարկումն ապահովող միջոցառումների ցանկը հաստատելու մասին» Հայաստանի Հանրապետության վարչապետի որոշման նախագծի (այսուհետ՝ Նախագիծ) անհրաժեշտությունը պայմանավորված է ««Չափումների միասնականության ապահովման մասին» օրենքում փոփոխություններ և լրացումներ կատարելու մասին» 2025 թ. դեկտեմբերի 1-ի ՀՕ-374-Ն օրենքի (այսուհետ՝ Օրենք) 12-րդ հոդվածով սահմանված պահանջների կիրարկման ապահովմամբ:

2. Ընթացիկ իրավիճակը և խնդիրները.

Օրենքի 12-րդ հոդվածով սահմանված են չափագիտության ոլորտում Կառավարությանը վերապահված լիազորությունները: 12-րդ հոդվածով սահմանված պահանջների կիրարկումն ապահովելու նպատակով անհրաժեշտություն է առաջացել  մշակել օրենքի կիրարկումն ապահովող միջոցառումների ցանկը:

3. Կարգավորման նպատակը և բնույթը.

Նախագիծը համապատասխանում է Հայաստանի Հանրապետության կառավարության 2021 թվականի փետրվարի 25-ի N 252-Լ որոշման հավելվածի 106-րդ և 107-րդ կետերի պահանջներին: Նախագծով առաջարկվում է հաստատել ժամանակացույց, ըստ որի սահմանված կարգով կմշակվեն և Վարչապետի աշխատակազմ կներկայացվեն օրենքից բխող համապատասխան իրավական ակտերի նախագծերը:

4. Նախագծի մշակման գործընթացում ներգրավված ինստիտուտները և անձինք.

Նախագիծը մշակվել է Էկոնոմիկայի նախարարության կողմից:

5. Ակնկալվող արդյունքները.

Նախագծի ընդունմամբ կմշակվեն և Վարչապետի աշխատակազմ կներկայացվեն համապատասխան իրավական ակտերի նախագծերը:

6. Այլ տեղեկություններ

Նախագծի ընդունման կապակցությամբ անհրաժեշտություն կառաջանա մշակել մի շարք նորմատիվ իրավական ակտեր:

Նախագծի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի էական ավելացում կամ նվազեցում չի նախատեսվում։

7. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ․

Նախագիծը չի բխում 2050 Հայաստանի վերափոխման ռազմավարության, և Կառավարության 2021-2026թթ. ծրագրերից: Նախագծի մշակման աշխատանքներըն իրականացվել են ղեկավարվելով Հայաստանի Հանրապետության կառավարության 2021 թվականի փետրվարի 25-ի N 252-Լ որոշման հավելվածի 106-րդ և 107-րդ կետերով: