Հայաստանի Հանրապետության կառավարության 2021 թվականի փետրվարի 25-ի N 252-Լ որոշման մեջ փոփոխություն և լրացում կատարելու մասին

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

__ հունվարի 2026 թվականի N ____-Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՓԵՏՐՎԱՐԻ 25-Ի N 252-Լ ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» օրենքի 12-րդ հոդվածի 1-ին և 2-րդ մասերը և «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1.   Հայաստանի Հանրապետության կառավարության 2021 թվականի փետրվարի 25-ի «Կառավարության աշխատակարգը հաստատելու մասին» N 252-Լ որոշման հավելվածում կատարել հետևյալ փոփոխությունը և լրացումը.

1)      152-րդ կետի 1-ին ենթակետը շարադրել հետևյալ խմբագրությամբ․

«1)  աստիճանակարգության վերևում դոկտրինն է՝ իր ազդեցության ցուցանիշներով։ Այն սահմանում է զարգացման երկարաժամկետ տեսլականը․»

2)  152-րդ կետի 1-ին ենթակետից հետո լրացնել հետևյալ բովանդակությամբ նոր 1.1–ին ենթակետ․

«1.1) դոկտրինից բխում են ռազմավարությունները՝ իրենց վերջնարդյունքի և միջանկյալ արդյունքի ցուցանիշներով․»։

2.  Սույն որոշումն ուժի մեջ է մտնում հրապարակմանը հաջորդող օրվանից։