«Հայաստանի Հանրապետության կառավարության 2006 թվականի դեկտեմբերի 21-ի N 1905-Ն որոշման մեջ լրացումներ կատարելու մասին» Հայաստանի Հանրապետության կառավարության որոշման նախագիծ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԴԵԿՏԵՄԲԵՐԻ 21-Ի N 1905-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1.

   Ընթացիկ իրավիճակը և իրավական ակտի ընդունման անհրաժեշտությունը

   Որոշման նախագծի ընդունման անհրաժեշտությունն է ապահովելու «Աշխարհագրական անվանումների մասին» ՀՀ օրենքի, Հայաստանի Հանրապետության կառավարության 2001 թվականի հունիսի 9-ի «Հաաստանի Հանրապետության աշխարհագրական անվանումների հաշվառման ու գրանցման, պետական քարտադարանի ստեղծման և վարման կարգը հաստատելու մասին»    N 502 որոշման պահանջների կատարումը:

2.

   Առաջարկվող կարգավորման բնույթը

   Կարգավորման հարաբերության ներկա վիճակը կայանում է նրանում, որ Հայաստանի Հանրապետության աշխարհագրական անվանումների պետական քարտադարանի անընդհատ թարմացման միջոցով պահպանել քարտադարանի արդիականությունը:

Ներկայացվող նախագծերի հիման վրա լրացվում է ՀՀ Վայոց ձորի մարզի աշխարհագրական օբյեկտների անվանումների ցանկը, որից կարող են օգտվել բոլոր օգտագործողները:

3.

Նախագծի մշակման գործընթացում ներգրավված ինստիտուտները և անձիք

Նախագիծը մշակվել է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից ընդգրկելով ՀՀ աշխարհագրական օբյեկտների անվանակոչումների և անվանափոխումների մասնագիտական հանձնաժողովի անդամներին:

4.

Ակնկալվող արդյունքը

Իրավական ակտի կիրառման դեպքում կթարմացվի Հայաստանի Հանրապետության աշխարհագրական անվանումների պետական քարտադարանը: