«Հայաստանի Հանրապետության կառավարության 2016 թվականի դեկտեմբերի 22-ի N 1339-Ն որոշման մեջ փոփոխություն կատարելու մասին»

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2025 թվականի               N  -Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ԴԵԿՏԵՄԲԵՐԻ 22-Ի N 1339-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2016 թվականի դեկտեմբերի 22-ի «Պարենային և ոչ պարենային արտադրանքի գրանցում իրականացնող իրավասու մարմիններ սահմանելու մասին» N 1339-Ն որոշումը շարադրել հետևյալ նոր խմբագրությամբ՝

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ՊԱՐԵՆԱՅԻՆ ԵՎ ՈՉ ՊԱՐԵՆԱՅԻՆ ԱՐՏԱԴՐԱՆՔԻ ԳՐԱՆՑՈՒՄ ԻՐԱԿԱՆԱՑՆՈՂ ԻՐԱՎԱՍՈՒ ՄԱՐՄԻՆՆԵՐ ՍԱՀՄԱՆԵԼՈՒ ՄԱՍԻՆ

Ղեկավարվելով «Տեխնիկական կանոնակարգման մասին» Հայաստանի Հանրապետության օրենքի 7-րդ հոդվածի 2.1-ին մասով` Հայաստանի Հանրապետության կառավարությունը որոշում է՝

1. Սահմանել, որ Եվրասիական տնտեսական միության տեխնիկական կանոնակարգերով սահմանված կարգով պարենային և ոչ պարենային արտադրանքի (այսուհետ՝ արտադրանք) պետական գրանցում իրականացնում են Եվրասիական տնտեսական միության հավատարմագրված համապատասխանության գնահատման մարմինների միասնական ռեեստրում ներառված, Եվրասիական տնտեսական միության տեխնիկական կանոնակարգերի պահանջներին համապատասխան նշանակված և համապատասխանության գնահատման ոլորտում առնվազն 2 (երկու) տարի գործունեություն իրականացնող սերտիֆիկացման մարմինները (այսուհետ՝ սերտիֆիկացման մարմին)։
2. Սույն որոշման 1-ին կետով սահմանված տեխնիկական կանոնակարգերի կանոնակարգման օբյեկտ հանդիսացող արտադրանքի պետական գրանցման վկայականի (այսուհետ՝ վկայական) հերթական համար ստանալու և արտադրանքի գրանցման մասին տեղեկատվությունը Եվրասիական տնտեսական միության պետական գրանցման վկայականների միասնական ռեեստրի ազգային մասում (այսուհետ՝ ռեեստր) ներառելու նպատակով սերտիֆիկացման մարմինը «Հավատարմագրման ազգային մարմին» պետական ոչ առևտրային կազմակերպությանն է (այսուհետ՝ ԱՐՄՆԱԲ) տրամադրում․

• դիմում, որի մեջ նշվում է տվյալ արտադրանքի անվանումը, հայտատուի անվանումն ու դրա գտնվելու վայրի հասցեն (իրավաբանական անձ հանդիսացող հայտատուի դեպքում), հայտատուի ազգանունը, անունը, հայրանունը, նրա գտնվելու վայրի հասցեն, անձը հաստատող փաստաթղթի տվյալները (անհատ ձեռնարկատեր հանդիսացող հայտատուի դեպքում).
• համապատասխան տեխնիկական կանոնակարգով (տեխնիկական կանոնակարգերով) սահմանված և վկայականի տրամադրման համար հիմք հանդիսացող բոլոր փաստաթղթերը,
• տեղեկատվություն՝ համաձայն Ձևի:

3. Վկայականի տրամադրման մասին որոշումն ընդունվում է սերտիֆիկացման մարմնի կողմից՝ տեխնիկական կանոնակարգերով սահմանված համապատասխան բոլոր փաստաթղթերի փորձաքննության և տեխնիկական կանոնակարգման օբյեկտ հանդիսացող արտադրանքի անվտանգության բոլոր ցուցանիշների լաբորատոր փորձարկումների համապատասխան (դրական) արդյունքների հիման վրա՝ պահպանելով սույն որոշմամբ և Էկոնոմիկայի նախարարի 2019 թվականի հունիսի 21-ի 425-Ն հրամանով սահմանված պահանջները։

4․ Սույն որոշման 2-րդ կետով սահմանված փաստաթղթերը ոչ ամբողջական լինելու, ինչպես նաև փաստաթղթերում անճշտությունների, սխալների, վրիպակների, տեխնիկական կանոնակարգով սահմանված պահանջների անհամապատասխանության հայտնաբերման դեպքում ԱՐՄՆԱԲ-ը 10 (տաս) աշխատանքային օրվա ընթացքում գրավոր տեղեկացնում է սերտիֆիկացման մարմնին և առաջարկում 3 (երեք) աշխատանքային օրվա ընթացքում վերացնել դրանք։

5․ Սույն որոշման 4-րդ կետով սահմանված պահանջները սերտիֆիկացման մարմնի կողմից կատարվելու դեպքում ԱՐՄՆԱԲ-ը 3 աշխատանքային օրվա ընթացքում տրամադրում է վկայականի գրանցման համար և արտադրանքի գրանցման մասին տեղեկատվությունը ներառում է ռեեստրում, իսկ չկատարվելու դեպքում՝ չի տրամադրում արտադրանքի վկայականի հերթական համար և արտադրանքի պետական գրանցման մասին տեղեկատվությունը չի ներառում ռեեստրում։

6․ ԱՐՄՆԱԲ-ն արտադրանքի վկայականի հերթական համար չտրամադրելու և արտադրանքի գրանցման մասին տեղեկատվությունը ռեեստրում չներառելու դեպքում 3 աշխատանքային օրվա ընթացքում գրավոր ծանուցում է սերտիֆիկացման մարմնին։

7․ Սույն որոշման 4-րդ կետով սահմանված ժամկետը գերազանցելու դեպքում սերտիֆիկացման մարմնի կողմից ԱՐՄՆԱԲ-ին ներկայացված պետական գրանցման մասին դիմումը դիտարկվում է որպես նոր դիմում:

8. 8. Տեխնիկական կանոնակարգման օբյեկտ հանդիսացող արտադրանքի վկայականի գործողության, գործողության կասեցման կամ դադարեցման օր է համարվում միասնական ռեեստրի համապատասխան ազգային մասում տվյալ վկայականի մասին, վկայականի կասեցման կամ դադարեցման մասին տեղեկատվության ներառման օրը:

9․ Ռեեստրում ԱՐՄՆԱԲ-ի կողմից վկայականի գործողության կասեցման մասին տեղեկատվությունը ներառվում է, եթե՝

• լիազոր տեսչական մարմինը հայտնաբերել է 2-րդ կետում նշված փաստաթղթերի անհամապատասխանություն (ոչ ամբողջական, կեղծ) կամ վերահսկողական գործառույթների իրականացման շրջանակներում հայտնաբերել է օրենսդրությամբ սահմանված պահանջների խախտումներ և ներկայացրել է տվյալ արտադրանքի վկայականի կասեցման մասին միջնորդագիր.
• առկա է հայտատուի կողմից վկայականի կասեցման վերաբերյալ սերտիֆիկացման մարմնին ներկայացված դիմում․
• սերտիֆիկացման մարմինը որպես վկայականի տրամադրման հիմք կիրառել է ոչ հավաստի տեղեկատվություն․
• վկայականի տրամադրման գործընթացն իրականացվել է օրենսդրությամբ սահմանված պահանջներին անհամապատասխան։

10․ Ռեեստրում վկայականի գործողության կասեցման մասին տեղեկատվությունը ներառվելուց հետո ԱՐՄՆԱԲ-ը «Ինտերնետով հրապարակային և անհատական ծանուցման մասին» օրենքով սահմանված կարգով 3 աշխատանքային օրվա ընթացքում ծանուցում է սերտիֆիկացման մարմնին։

11. 1 Վկայականի գործողության կասեցման հիմքի վերացման համար ԱՐՄՆԱԲ-ի կողմից սերտիֆիկացման մարմնին տրամադրվում է 10 աշխատանքային օր։

12․ Սերտիֆիկացման մարմնի կողմից սույն որոշման 11-րդ կետով սահմանված ժամկետում կասեցման հիմքերի վերացման մասին հիմնավոր տեղեկատվություն ներկայացվելու դեպքում ԱՐՄՆԱԲ-ի կողմից 3 աշխատանքային օրվա ընթացքում ռեեստրում կատարվում է համապատասխան փոփոխություն։

13․ Ռեեստրում ԱՐՄՆԱԲ-ի կողմից վկայականի գործողության դադարեցման մասին տեղեկատվությունը ներառվում է, եթե՝

• վերահսկողական գործառույթների իրականացման շրջանակներում լիազոր տեսչական մարմինը հայտնաբերել է օրենսդրությամբ սահմանված պահանջների խախտումներ և ներկայացրել է տվյալ արտադրանքի վկայականի դադարեցման մասին միջնորդագիր․
• առկա է հայտատուի կողմից վկայականի դադարեցման վերաբերյալ սերտիֆիկացման մարմնին ներկայացված դիմում․
• սույն որոշման 11-րդ կետով սահմանված ժամկետում կասեցման հիմքերը չվերացնելու դեպքում:

14․ Ռեեստրում վկայականի գործողության դադարեցման մասին տեղեկատվությունը ներառվելուց հետո ԱՐՄՆԱԲ-ը «Ինտերնետով հրապարակային և անհատական ծանուցման մասին» օրենքով սահմանված կարգով 3 աշխատանքային օրվա ընթացքում ծանուցում է սերտիֆիկացման մարմնին։

15. Վերահսկողական գործառույթներ իրականացնող տեսչական մարմնին կարող է տրամադրվել ռեեստրում գրանցված վկայականի և վկայականի գրանցման համար հիմք հանդիսացող բոլոր փաստաթղթերի վերաբերյալ տեղեկատվություն՝ վերահսկողական գործառույթների իրականացման շրջանակներում առաջացած անհրաժեշտության դեպքում:

Ձև

Տ Ե Ղ Ե Կ Ա Տ Վ ՈՒ Թ Յ ՈՒ Ն

1. Վկայականի համարը և ամսաթիվը_________________________________________
2. Վկայականի ձևաթղթի տպագրական համարը ___________________________
3. Արտադրանքը   __________________________________________________________
4. Արտադրված է՝ _________________________________________________________

________________________________________________________________________

________________________________________փաստաթղթերին համապատասխան

5. Արտադրողը   __________________________________________________________
6. Ստացողը   _____________________________________________________________
7. Արտադրանքը համապատասխանում է _____________________________________

_______________________________________________________________________

_______________________________________________________________________

8. Կիրառման ոլորտը ______________________________________________________
9. Փորձարկման արձանագրությունները (պատճենները կցվում են) _______________

       _______________________________________________________________________

10. Պիտակը (արտադրանքի անվանումը, արտադրողը, երկիրը, հասցեն, հեռախոսահամարը, նորմատիվ փաստաթղթերի համարը, կիրառման ոլորտը, վտանգի նկարագիրը, նախազգուշական միջոցները, պիտանիության ժամկետը, կոդը, ԵԱՏՄ ԱՏԳ ԱԱ ծածկագիրը, խմբաքանակի համարը, նետտո քաշը, պահպանման պահանջները, որոնք ապահովում են արտադրանքի պահպանումը պիտանիության ժամկետի ընթացքում (անհրաժեշտության դեպքում)

__________________________________________________________________________

2. Սույն որոշումն ուժի մեջ է մտնում 2025 թվականի օգոստոսի 1-ից: