Գոռ Գալստյան
16.12.2024
Լավ մտահղացում է
Հիշել նախագիծը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՀՈՒԼԻՍԻ 4-Ի N 1027-Լ ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Տ Ե Ղ Ե Կ Ա Ն Ք - Հ Ի Մ Ն Ա Վ Ո Ր Ո Ւ Մ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2024 ԹՎԱԿԱՆԻ ՀՈՒԼԻՍԻ 4-Ի N 1027-Լ ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ
- Անհրաժեշտությունը
«Հայաստանի Հանրապետության կառավարության 2024 թվականի հուլիսի 4-ի N 1027-Լ որոշման մեջ լրացումներ կատարելու մասին» Հայաստանի Հանրապետության կառավարության որոշման նախագծի մշակումը պայմանավորված է Հայաստանի Հանրապետության մարզերի լողավազաններում նախատեսվածից շատ դպրոցահասակ երեխաներին լողի անվճար ուսուցման ծրագրում ընդգրկելու ցանկությամբ, ինչպես նաև մարզերում լող մարզաձևի մասնագիտական կրթություն ունեցող մարզիչ-մանկավարժների սակավությամբ:
- Ընթացիկ վիճակը և խնդիրները
Տարբեր մարզաձևերի, այդ թվում նաև լող մարզաձևի, մարզիչ-մանկավարժների համար վերապատրաստման դասընթացներն իրականացվում են ՀՀ կառավարության 2009 թվականի հունիսի 11-ի « Մանկապատանեկան մարզադպրոցներում աշխատող մարզիչ-մանկավարժների վերապատրաստման հարցերի կազմակերպման ծրագիրը հաստատելու մասին» N 657-Ն որոշման համաձայն: Նշված դասընթացներին կներգրավվեն նաև Լողի հայկական դաշնության կողմից ընտրված համապատասխան մասնագետները:
2024-2025 թվականներին փորձնական ծրագիրը նախատեսվում էր իրականացնել Հայաստանի Հանրապետությունում գործող լողավազաններից 9-ում՝ այդ թվում Կապանում և Էջմիածնում երկուական, մեկական Վանաձորում, Մեծամորում, Հրազդանում, Իջևանում և Ապարանում, սակայն 2024 թվականին նախարարության կողմից հայտարարված դրամաշնորհային մրցույթը շահել է միայն ՀՀ Արագածոտնի մարզի Արագած համայնքի լողավազանը:
- Տվյալ բնագավառում իրականացվող քաղաքականությունը
Բնակչության առողջության ամրապնդումը, անհատի ներդաշնակ զարգացումը, աշխատունակության բարձրացումն ու երկարակեցության ապահովումը, տարիքային և սոցիալական տարբեր խմբերի անձանց համար ֆիզիկական դաստիարակության անընդհատությունը և ֆիզիկական կուլտուրայով ու սպորտով զբաղվելու մատչելիությունը:
4.Կարգավորման բնույթը և նպատակը
«Հայաստանի Հանրապետության կառավարության 2024 թվականի հուլիսի 4-ի N 1027-Լ որոշման մեջ լրացումներ կատարելու մասին» Հայաստանի Հանրապետության կառավարության որոշման նախագծի ընդունմամբ յուրաքանչյուր տարի լողավազաններում լող մարզաձևով կզբաղվեն յուրաքանչյուր լողավազանում դպրոցահասակ երեխաների 2 տարիքային 3-ական խումբ՝ 1-ին տարիքային խմբում կընդգրկվեն 8-12 տարեկան երեխաները, 2-րդ տարիքային խմբում՝ 13-17 տարեկանները: 1-ին տարիքային յուրաքանչյուր խմբում պարապողների առավելագույն քանակը 12-ն է, իսկ 2-րդում՝ 10-ը: 1-ին և 2-րդ տարիքային խմբերում պարապմունքնեը կանցկացվեն շաբաթական 3 օր՝ յուրաքանչյուր պարապմունքը 1 ժամ տևողությամբ: Ծրագիը կիրականացվի 9 ամիս անընդմեջ տևողությամբ, մարզումների իրականացման ժամանակահատվածը կորոշվի լողավազանի ղեկավարության հայեցողությամբ:
Նախագծի ընդունմամբ առավել շատ դպրոցահասակ երեխաներ լողալ կսովորեն և կներգրավվեն սպորտի մեծ նվաճումների գործընթացում:
Նաև կապահովվի ՀՀ մարզերում լողի մարզիչների պահանջվող թիվը:
5.Նախագծի մշակման գործընթացում ներգրավված ինստիտուտները և անձինք
Նախագիծը մշակվել է Հայաստանի Հանրապետության կրթության, գիտության, մշակույթի և սպորտի նախարարության կողմից։
- Ակնկալվող արդյունքը
Լողով անվճար զբաղվող և լողալ իմացող հնարավորինս մեծ թվով մանուկներ և
պատանիներ, առողջ սերունդ, կյանքում անհրաժեշտ կիրառական հմտության տիրապետում, անհրաժեշտ թվով լող մարզաձևի մարզիչ-մանկավարժների ներգրավում ծրագրում:
- «Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ»
|
Որոշման նախագիծը բխում է ՀՀ կառավարության 2023 թվականի դեկտեմբերի 7-ի «Հայաստանի Հանրապետության ֆիզիկական կուլտուրայի և սպորտի ոլորտների 2024-2030 թվականների ռազմավարությունը և ռազմավարության գործողությունների պլանը հաստատելու մասին» N 2145 որոշման հավելված 1-ի 25-րդ կետի դրույթներից. Ուսումնական հաստատություններում մարզական գործունեության ապահովման համար անհրաժեշտ բաղադրիչներն են` 1) մարզադահլիճ, մարզահրապարակ, վազքուղի. 2) մարզագույք (նաև ձմեռային). 3) հրաձգարան (ելնելով դպրոցների և այնտեղ սովորող դպրոցականների քանակից՝ հնարավոր է համայնքում ունենալ մեկ կամ մի քանի հրաձգարան, որոնք տարբեր օրերի և ժամերի կսպասարկեն բոլորին, այստեղ անհրաժեշտ է համագործակցություն նախնական զինվորական պատրաստություն առարկայի շրջանակներում, ինչպես նաև պաշտպանության նախարարության հետ՝ օգտագործելով առկա հնարավոր ռեսուրսը). 4) լողավազան (կարող է գործածվել հրաձգարանների համար առաջարկվող մոդելը): Հատկապես կարևոր է դպրոցների տարրական դասարանների աշակերտների շրջանում լողի զանգվածային ուսուցում կազմակերպելու համար պայմանների ապահովումը (Հավելված 2-ի՝ մասնավոր նպատակ 1.1-ի գործողություն 5): |
2025-2027 թվականներին ՀՀ պետական բյուջեում նախատեսվող ծախսերը
2025 թվական
|
N |
Շահառուների թիվը յուրաքանչյուր լողավազանում |
Շահառուների 1 ամսվա վճարը |
Լողավազանների թիվը |
Ամիսների թիվը |
Ընդամենը |
|
1 |
66 |
12 000 |
9 |
9 |
64 152 000 |
2026 թվական
|
N |
Շահառուների թիվը յուրաքանչյուր լողավազանում |
Շահառուների 1 ամսվա վճարը |
Լողավազանների թիվը |
Ամիսները |
Ընդամենը |
|
1 |
66 |
12 000 |
18 |
9 |
128 304 000
|
2027 թվական
|
N |
Շահառուների թիվը յուրաքանչյուր լողավազանում |
Շահառուների 1 ամսվա վճարը |
Լողավազանների թիվը |
Ամիսները |
Ընդամենը |
|
1 |
66 |
12 000 |
27 |
9 |
192 456 000
|
Մեկ աշակերտի համար սահմանված գինը առաջացել է հանրապետության լողավազաններից արված գնահարցումների արդյունքում հաշվարկված միջին թվից: Սակայն հաշվի առնելով, որ կազմակերպությունների ընտրությունը նախատեսվում է իրականացնել նախարարության կողմից հայտարարված մրցութային դրամաշնորհի միջոցով, հենց դրամաշնորհային մրցույթի ընթացքում էլ հստակ կձևավորվեն գները:
2025 թվականի համար Ծրագրի իրականացման համար անհրաժեշտ գումարները կհատկացվեն ԿԳՄՍ նախարարության ընդհանուր հատկացումներից:
-
Քննարկվել է
16.12.2024 - 03.01.2025
-
Տեսակ
Որոշում
-
Ոլորտ
Սպորտ և երիտասարդություն
-
Կարգավիճակ
Դիտումներ` 2039
Տպել