Ն Ա Խ Ա Գ Ի Ծ

                                                                                                                   

 

        ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

«____»___________ 2024թ. №       -Ն

 

 

ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ  ՓՈԽԱԴՐՈՒՄՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ ԵՎ ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ  ՓՈԽԱԴՐՄԱՆ ԹՈՒՅԼՏՎՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

 «Ավտոմոբիլային տրանսպորտով վտանգավոր բեռներ և չվնասազերծված տարաներ փոխադրելու մասին» Հայաստանի Հանրապետության օրենքի 7-րդ հոդվածի 1-ին մասի 2-րդ և 3-րդ կետերին համապատասխան` Հայաստանի Հանրապետության կառավարությունը ո ր ո շ ու մ  է.

1. Սահմանել`

1) ավտոմոբիլային տրանսպորտով վտանգավոր բեռների փոխադրումներին ներկայացվող պահանջները՝ համաձայն հավելվածի 1-ի:

2) ավտոմոբիլային տրանսպորտով վտանգավոր բեռների փոխադրման թույլտվությունների տրամադրման կարգը` համաձայն հավելվածի 2-ի:

2. 2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

  

Հայաստանի Հանրապետության վարչապետ	Ն. Փաշինյան
Երևան

 

 

 

 

 

 

     Հավելված N 1

ՀՀ կառավարության

«----»----------2024թ

№----------որոշման

 

ՊԱՀԱՆՋՆԵՐ

ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ

ՓՈԽԱԴՐՈՒՄՆԵՐԻՆ ՆԵՐԿԱՅԱՑՎՈՂ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն պահանջները սահմանում են Հայաստանի Հանրապետության տարածքում իրավաբանական անձանց կամ անհատ ձեռնարկատերերի կողմից ավտոմոբիլային տրանսպորտով ընդհանուր օգտագործման ավտոմոբիլային ճանապարհներով վտանգավոր բեռների փոխադրման պայմանները, անկախ վտանգավոր բեռի և այդ բեռը փոխադրող տրանսպորտային միջոցների պատկանելիությունից:

2․ Սույն պահանջները չեն տարածվում վտանգավոր բեռների այն փոխադրումների վրա, երբ`

1) կենցաղում օգտագործելու նպատակով ֆիզիկական անձանց կողմից իրականացվում է մանրածախ վաճառքի համար փաթեթավորված վիճակում ձեռք բերված վտանգավոր բեռի փոխադրում.

2) փոխադրվում են վտանգավոր բեռ չհանդիսացող մեքենա-սարքավորումներ, որոնք պարունակում են վտանգավոր նյութեր:

3) իրականացվում է վթարի ենթարկված վտանգավոր բեռ փոխադրող տրանսպորտային միջոցի վթարային տարհանում.

4) մարդկանց կյանքի և առողջության պահպանման կամ շրջակա միջավայրի պաշտպանության նպատակով իրականացվում է վտանգավոր նյութերի անհետաձգելի փոխադրում։

3. 3. Սույն պահանջներում օգտագործված հիմնական հասկացություններն են՝

1) տեղեկատվական քարտ` վտանգավոր բեռի վտանգի նշանը, Միավորված Ազգերի Կազմակերպության (այսուհետ` ՄԱԿ) կողմից սահմանված նյութի համարը և արտակարգ միջոցների ծածկագիրը սահմանող փաստաթուղթ․

2) տեղեկատվական աղյուսակ` տրանսպորտային միջոցների վրա տեղակայելու համար նախատեսված սահմանված ձևի և չափերի նախազգուշացնող ցուցանակ, որի վրա նշված են վտանգավոր բեռի վտանգի նշանը, վտանգի նույնականացման համարը և ՄԱԿ-ի կողմից սահմանված նյութի համարը․

3) արտակարգ միջոցների ծածկագիր (այսուհետ` ԱՄԾ)` հրդեհի կամ արտահոսքի ժամանակ ձեռնարկվելիք միջոցառումները բնորոշող տառերից և թվերից կազմված ծածկագիր:

4) վտանգի նույնականացման համար` նյութի վտանգի տեսակը (տեսակները) բնորոշող երկու կամ երեք թվանշաններից բաղկացած համար:

4․ Վտանգավոր բեռները դասակարգվում են հետևյալ դասերի՝

Դաս 1	Պայթյունավտանգ նյութեր և պատրաստվածքներ
Դաս 2	Գազեր
Դաս 3	Դյուրավառ հեղուկներ
Դաս 4	Դյուրավառ պինդ նյութեր
Դաս 5	Թթվեցնող նյութեր և օրգանական պերօքսիդներ
Դաս 6	Թունավոր նյութեր
Դաս 7	Ռադիոակտիվ նյութեր
Դաս 8	Կոռոզիոն նյութեր
Դաս 9	Այլ վտանգավոր նյութեր և պատրաստվածքներ։

 

 

2. ՎՏԱՆԳԱՎՈՐ ԲԵՌՆԵՐ ՓՈԽԱԴՐՈՒՄՆԵՐԻ ԿԱԶՄԱԿԵՐՊՈՒՄԸ

 

5. 5. Վտանգավոր բեռների փոխադրումներն իրականացվում է «Վտանգավոր բեռների միջազգային ճանապարհային փոխադրումների մասին» եվրոպական համաձայնագրի (ԱԴՌ) (այսուհետ՝ ԱԴՌ համաձայնագիր) պահանջներին համապատասխան։ Փոխադրման գործընթացն իրականացվում է բեռնափոխադրման պայմանագրի հիման վրա ապրանքատրանսպորտային բեռնագրի առկայությամբ: Փոխադրողը պետք է ապահովի վտանգավոր բեռներ փոխադրող տրանսպորտային միջոցի հաստատման վկայականի
6. 6. Փոխադրողին բեռնառաքողը բեռի հետ միասին պետք է տրամադրի վթարի մասին տեղեկատվական համակարգի վթարային քարտը (այսուհետ՝ վթարային քարտ), որը լրացվում է վտանգավոր բեռ հանդիսացող արտադրանքը արտադրողի կողմից տրամադրված տվյալներին համապատատասխան:
7. 7. Վտանգավոր բեռը փոխադրման նախապատրաստելու ժամանակ բեռնառաքողը ստուգում է տարայի կամ փաթեթավորման ամբողջականությունը և անվնաս լինելը, դրոշմակնիքի և պիտակի առկայությունը, ինչպես նաև բեռնման կետի սարքավորումների և տեխնիկական բեռնվածության համապատասխանելիությունը սույն պահանջներին:
8. 8. Վտանգավոր բեռի բեռնաթափումից հետո փոխադրողը ապահովում է տրանսպորտային միջոցի թափքի մաքրման, անհրաժեշտության դեպքում տրանսպորտային միջոցի ախտահանման և դեզակտիվացիայի աշխատանքներրի իրականացումը:
9. 9. Սույն պահանջներով սահմանված որոշակի դասի վտանգավոր բեռների փոխադրման դեպքում փոխադրողը պետք է ապահովի տրանսպորտային միջոցի համապատասխան լրասարքավորումը:
10. Փոխադրողը պետք է ապահովի փոխադրման ժամանակ հատուկ վտանգավոր բեռների ֆիզիկական պաշտպանությունը, պահպանումը և ուղեկցումը՝ իրականացնելով ուղեկցող անձնակազմի ընտրությունը և հրահանգավորումը: Անվտանգ երթևեկությունն ապահովելու նպատակով հատուկ վտանգավոր բեռի ուղեկցումը կարող է իրականացնել Հայաստանի Հանրապետության ներքին գործերի նախարարությունը՝ փոխադրողի գրավոր դիմումի հիման վրա։
11. Փոխադրման ընթացքում ուղեկցող անձնակազմը պետք է՝

1) ապահովի մեկնման վայրից մինչև նշանակման վայր վտանգավոր բեռի ուղեկցումը․

2) բեռնման-բեռնաթափման ժամանակ ստուգի վտանգավոր բեռի փաթեթավորման ու պիտակավորման համապատասխանությունը սույն պահանջներին․

3) հետևի բեռի բեռնման, բեռնաթափման և ամրացման աշխատանքներին․

4) ավտոմոբիլի շարժման և կայանման ընթացքում ապահովի անվտանգության կանոնների պահպանմանը․

5) վթարների առաջացման դեպքում անմիջապես տեղեկացնի լիազոր մարմնին, Հայաստանի Հանրապետության ներքին գործերի նախարարությանը և փոխադրողին․

6) նշանակման վայր հասնելուց հետո բեռը հանձնի ստացողին:

   

3. ՎՏԱՆԳԻ ՄԱՍԻՆ ՏԵՂԵԿԱՏՎԱԿԱՆ ՀԱՄԱԿԱՐԳԸ

 

12. Վտանգավոր բեռների փոխադրման ժամանակ կիրառվում է վտանգի մասին տեղեկատվական համակարգ, որի առկայությունն ապահովում է փոխադրողը: Վտանգի մասին տեղեկատվական համակարգն իր մեջ ընդգրկում է հետևյալ տարրերը.

1) վթարային քարտ՝ համաձայն Ձև N 1-ի․

2) տեղեկատվական քարտ՝ համաձայն՝ Ձև N 2-ի․

3) տեղեկատվական աղյուսակներ տրանսպորտային միջոցների նշագրման համար՝ համաձայն Ձև N 3-ի:

13. Վտանգավոր բեռի տեղեկատվական աղյուսակները բեռնառաքողի կողմից տրամադրվում են փոխադրողին, որը դրանք տեղակայում է տրանսպորտային միջոցի վրա:
14. Տրանսպորտային միջոցների վրա տեղակայվող տեղեկատվական աղյուսակները պետք է պատրաստվեն Ձև N 3-ով սահմանված նմուշին համապատասխան և բավարարեն հետևյալ պահանջներին՝

1) ընդհանուր ֆոնը` սպիտակ․

2) «ԱՄԾ» և «№ ՄԱԿ» սյունակների ֆոնը` նարնջագույն․

3) աղյուսակի շրջանակը, սյունակների բաժանման գծերը, գրառումները` սև գույնի,

4) վտանգի նշանի շրջանակը` 5 մմ-ից ոչ պակաս հաստությամբ, վտանգի նշանի սահմաններից 5 մմ հեռավորությամբ, սև գույնի․

5) «ԱՄԾ» և «№ ՄԱԿ» սյունակներում թվերի հաստությունը 15մմ է, իսկ վտանգի նշանի վրա` ոչ պակաս 3մմ․

6) աղյուսակի  շրջանակը և  բաժանման գծերը` 15 մմ հաստությամբ։

15. Վտանգավոր բեռներ փոխադրող տրանսպորտային միջոցների և կոնտեյներների կողային մակերեսների վրա տեսանելի տեղում պետք է տեղակայվեն վտանգավոր բեռների լրացուցիչ տեղեկատվական աղյուսակներ, որոնց վրա նշվում են վտանգավոր բեռի համարը և վտանգի նույնականացման համարը:
16. Տրանսպորտային միջոցների տեղեկատվական աղյուսակը պետք է բավարարի հետևյալ պահանջներին՝

1) աղյուսակի ընդհանուր ֆոնը` նարնջագույն․

2) աղյուսակի շրջանակը, սյունակների բաժանման գծերը, գրառումները` սև գույնով, 15մմ հաստությամբ․

3) վտանգի նույնականացման համարը գրվում է աղյուսակի վերևում, իսկ ՄԱԿ-ի կողմից սահմանված վտանգավոր բեռի համարը` աղյուսակի ներքևում․

4) վտանգի նույնականացման համարը բաղկացած է երկու կամ երեք թվանշաններից, որոնք ունեն հետևյալ նշանակությունը. «1»- պայթյունավտանգ, «2» - ճնշման կամ քիմիական ռեակցիայի արդյունքում գազի արտազատում, «3» - հեղուկների (գոլորշիների) և գազերի դյուրավառություն կամ ինքնաբոցավառվող հեղուկներ, «4» - պինդ նյութերի դյուրավառություն կամ պինդ նյութերի ինքնատաքացում, «5»- օքսիդացնող ազդեցություն (այրմանը խթանելու ազդեցություն), «6»- թունայնություն կամ վարակի վտանգ, «7» - ռադիոակտիվություն, «8» - կոռոզիոն ակտիվություն, «9» - ինքնակամ ուժգին ռեակցիայի վտանգ․

5) վտանգի նույնականացման համարի դիմաց պետք է գրվի լատինական այբուբենի «X» տառը, եթե նյութը ջրի հետ մտնում է վտանգավոր ռեակցիայի մեջ, իսկ վտանգի նույնականացման համարում նույն թվի կրկնությունը նշանակում է տվյալ տեսակի վտանգի ուժգնությունը: 

17. Վտանգի մասին տեղեկատվական համակարգի տեղեկատվական քարտը պետք է պատրաստվի ստվարաթղթից 130մմ/160մմ չափերով և պարունակի Ձև N 2-ով պահանջվող տեղեկատվությունը:
18. Տրանսպորտային միջոցների, ավտոցիստեռների, կցորդների և կիսակցորդների թափքերը, որոնցով իրականացվում է որոշակի տեսակի վտանգավոր բեռի փոխադրումը, պետք է ունենան տվյալ բեռի համար նախատեսված հետևյալ տարբերիչ գունավորումն ու նշագրումը՝

1) մեթանոլի փոխադրման դեպքում տրանսպորտային միջոցը պետք է լինի նարնջագույն, կողապատին` սև գծանշում, որի վրա նարնջագույնով լինի «Մեթանոլ-թույն» գրառումը․

2) ամոնիակ փոխադրող տրանսպորտային միջոցի վրա պետք է լինի «Ամոնիակային ջուր, հրավտանգ» գրառումը․

3) ջրի հետ փոխազդեցության ժամանակ ինքնաբոցավառվող գազեր արտադրող նյութեր փոխադրող տրանսպորտային միջոցը պետք է լինի կապույտ և ունենա «Հրավտանգ» գրառումը․

4) ինքնաբռնկվող նյութեր փոխադրող տրանսպոտային միջոցի ներքևի հատվածը պետք է լինի կարմիր, իսկ վերևինը` սպիտակ և ունենա սև տառերով «Հրավտանգ» գրառումը․

5) ինքնաբոցավառվող նյութեր փոխադրող տրանսպորտային միջոցը պետք է լինի նարնջագույն և ունենա «Հրավտանգ» գրառումը․

6) այրմանը նպաստող նյութեր փոխադրող տրանսպորտային միջոցը պետք է լինի դեղին և ունենա «Հրավտանգ, այրվող նյութ» գրառումը․

7) այրվող նյութեր փոխադրող տրանսպորտային միջոցը պետք է լինի դեղին, կողապատերին սև գծանշում, որի վրա դեղին գույնով լինի «Այրվող նյութ» գրառումը․

8) հեղուկացված կամ սեղմված գազ փոխադրող բալոնները պետք է ունենան հատուկ գունավորում և գրառում` համաձայն Ձև N 5-ի:

19. Վտանգավոր բեռներ փոխադրող տրանսպորտային միջոցների վրա նշագրումների տառերի և մակագրությունների բարձրությունը պետք է լինի 150մմ-ից ոչ պակաս, հիմնագույնը՝ սև:

 

4. ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՈՒՄՆԵՐԻՆ ԱՌՆՉՎՈՂ ԱՆՁԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

20. Վտանգավոր բեռների փոխադրման գործընթացում ներգրավված անձինք (փոխադրող, բեռնող, բեռնաթափող) պետք է ապահովված լինեն՝

1) անհատական պաշտպանության միջոցներով Հայաստանի Հանրապետության կառավարության 2004 թվականի նոյեմբերի 11-ի N 1631-Ն որոշման պահանջներին համապատասխան․

2) ենթարկվեն պարտադիր բժշկական զննության Հայաստանի Հանրապետության կառավարության 2004 թվականի հուլիսի 15-ի N 1089-Ն որոշմամբ սահմանված կարգով:

21. Վտանգավոր բեռների հետ աշխատանքներում մինչև 18 տարեկան անձանց, հղի և մինչև մեկ տարեկան երեխա խնամող կանանց ներգրավումը կարգավորվում է Հայաստանի Հանրապետության կառավարության 2005 թվականի դեկտեմբերի 29-ի N 2308-Ն որոշման պահանջներին համապատասխան:
22. Վտանգավոր բեռների փոխադրումներում ներգրավված վարորդները պետք է պահպանեն ԱԴՌ համաձայնագրով և սույն պահանջներով սահմանված տվյալ վտանգավոր բեռի փոխադրմանը ներկայացվող պահանջները:
23. Փոխադրողը վտանգավոր բեռը փոխադրող վարորդին հրահանգավորում է՝

1)  վտանգի մասին տեղեկատվական համակարգի վերաբերյալ․

2)  փոխադրվող վտանգավոր բեռի հատկությունների վերաբերյալ․

3)  միջադեպերի ժամանակ անհատական պաշտպանության միջոցներից օգտվելու, տուժողներին առաջին բուժօգնություն ցուցաբերելու և այլ գործողությունների վերաբերյալ։

24. Վտանգավոր բեռներ կարող են փոխադրեն այն վարորդները, ովքեր ունեն մասնագիտական վերապատրաստման վկայական։
25. Հարկադրված կանգառի դեպքում վարորդը պետք է գործի Հայաստանի Հանրապետության կառավարության 2007 թվականի հունիսի 28-ի N 955-Ն որոշման պահանջներին համապատասխան և իր հարկադրված կանգառի մասին տեղեկացնի փոխադրողին:
26. Վթարի կամ միջադեպի առաջացման դեպքում վարորդը պետք է`

1) կատարվածի մասին տեղեկացնի փոխադրողին և լիազոր մարմնին, Հայաստանի Հանրապետության ներքին գործերի նախարարությանը․

2) տուժողներին ցուցաբերի առաջին բուժօգնություն․

3) վթարային քարտի պահանջներին համապատասխան միջոցներ ձեռնարկի միջադեպի հետևանքների կանխարգելման և նվազեցման ուղղությամբ․

4) հագնի ազդանշանային ժիլետ, անհրաժեշտության դեպքում՝ մեքենայի մոտ տեղադրի նախազգուշացնող նշաններ․

5) չմտնի թափված նյութերի մեջ կամ չշփվել դրանց հետ, մնալ օդափոխվող տարածքում՝ խուսափելով գազեր, ծուխ, փոշիներ ու գոլորշիներ շնչելուց․

6) հնարավորինս կանխի պատահարի կամ վթարի վայր այլ անձանց մուտքը:

27. Վտանգավոր բեռ փոխադրող վարորդը`

1) չպետք է կտրուկ արգելակի կամ սկսի վարել տրանսպորտային միջոցը․

2) չպետք է վազանցի 30 կմ/ժ-ից ավելի արագությամբ շարժվող  տրանսպորտային միջոցներին․

3) չպետք է տրանսպորտային միջոցը վարի անջատած կցորդիչով և շարժիչով․

4) պետք է խուսափի հրդեհի բռնկման աղբյուրներից, մասնավորապես, չծխի կամ չմիացնի որևէ էլեկտրական սարքավորում․

5) չպետք է տրանսպորտային միջոցը թողնի առանց հսկողության:

28․ Փոխադրողը պետք է՝

1) վտանգավոր բեռի փոխադրումն իրականացնի սույն պահանջներով նախատեսված փաստաթղթերի առկայությամբ և ԱԴՌ համաձայնագրի պահանջներին համապատասխան․

2) վտանգավոր բեռի փոխադրումներն իրականացնի ԱԴՌ համաձայնագրով և «Ավտոմոբիլային տրանսպորտով վտանգավոր բեռներ և չվնասազերծված տարաներ փոխադրելու մասին» օրենքով պահանջվող բոլոր փաստաթղթերի առկայության դեպքում․

3) նախքան փոխադրումը համոզվի, որ վտանգավոր բեռի փաթեթավորումը համապատասխանում է ԱԴՌ համաձայնագրի և սույն որոշման պահանջներին, չունի տեսանելի դեֆեկտներ, արտահոսքեր կամ ճաքեր․

4) բացառի տրանսպորտային միջոցի գերբեռնվածությունը.

5) ապահովի սույն պահանջներով նախատեսված տրանսպորտային միջոցին ներկայացվող պահանջները, այդ թվում՝ մակնշումների և նարնջագույն թիթեղների առկայությունը.

6) ապահովի տրանսպորտային միջոցում հենակ ունեցող երկու նախազգուշական նշանի, աչքերը լվանալու հեղուկի, մեկ ազդանշանային ժիլետի և շարժական լուսավորող սարքի առկայությունը։

29․ Բեռնառաքողը պետք է

1) փոխադրողին հանձնի միայն այն վտանգավոր բեռները, որոնք թույլատրվում են փոխադրման ԱԴՌ համաձայնագրով․

2) փոխադրողին տրամադրի փոխադրման համար սույն պահանջներով և ԱԴՌ համաձայնագրով պահանջվող փաստաթղթեր․

3) ապահովի տվյալ վտանգավոր բեռի փաթեթավորումը և մակնշումը՝ ԱԴՌ համաձայնագրին և սույն պահանջներին համապատասխան.

4) ապահովի, որ դատարկ և չվնասազերծված ցիստեռները կամ դատարկ չմաքրված տրանսպորտային միջոցները և սորուն բեռների համար նախատեսված կոնտեյներներ լինեն համապատասխան մակնշումներով ու պիտակավորված։

30․ Բեռն ստացողը պետք է առանց հիմնավոր պատճառների չուշացնի վտանգավոր բեռի ընդունումը։

31․      Բեռնողը պետք է՝

1)       իրականացնի միայն անվնաս փաթեթավորմամբ վտանգավոր բեռների բեռնումը․

2) բեռնման աշխատանքների ժամանակ ապահովի վտանգավոր բեռի անվնաս բեռնումը, տեղադրումը և ամրացումը տրանսպորտային միջոցում կամ կոնտեյներում սույն պահանջներին համապատասխան․

3) ցիստեռնը լցնելուց առաջ համոզվի, որ այն և լցավորող սարքավորումները տեխնիկապես բավարար վիճակում են.

4)       ցիստեռները լցավորի միայն այն վտանգավոր բեռով, որի փոխադրումը թույլատրվում է տվյալ տեսակի ցիստեռնով.

5)         ցիստեռնը լցավորելիս չգերազանցի տվյալ վտանգավոր բեռի համար սահմանված առավելագույն թույլատրելի զանգվածը.

6)       ցիստեռնը լցավորելուց հետո ապահովի, որ բոլոր փականները լինեն փակ, չլինի որևէ արտահոսք, ցիստեռնի արտաքին մակերևույթի վրա չմնան լցավորվող վտանգավոր նյութի մնացորդներ։

 

5. ՎՏԱՆԳԱՎՈՐ ԲԵՌՆԵՐԻ ԲԵՌՆՄԱՆ-ԲԵՌՆԱԹԱՓՄԱՆ

ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

 

32. Վտանգավոր բեռների բեռնման-բեռնաթափման աշխատանքները կազմակերպում են բեռնառաքողը, կամ բեռը ստացողը, կամ փոխադրողը` համաձայն փոխադրման պայմանագրի:
33. Տրանսպորտային միջոցի բեռնումը պետք է կատարվի դրա հատակի ամբողջ մակերեսի տեղատարողությամբ, բայց ոչ ավելի տրանսպորտային միջոցի բեռնատարողությունից:
34. Վտանգավոր բեռների բեռնումը, բեռնաթափումը և ամրացումը պետք է կատարվի սույն պահանջներին համապատասխան, բացառելով մեխանիզմների և սարքավորումների կիրառմամբ վտանգավոր բեռների վրա հարվածները, ցնցումները, չափից ավելի ճնշման գործադրումը:
35. Վտանգավոր բեռների բեռնման-բեռնաթափման աշխատանքների իրականացման ժամանակ տրանսպորտային միջոցի շարժիչը պետք է լինի անջատված վիճակում, բացառությամբ այն դեպքերի, երբ բեռնման կամ բեռնաթափման մեխանիզմների աշխատանքը պետք է իրականացվի աշխատող շարժիչի միջոցով:
36. Վտանգավոր բեռների բեռնման-բեռնաթափման աշխատանքները կատարվում են դրա համար նախատեսված վայրում, որտեղ միաժամանակ կարող է կատարվել միայն մեկ տրանսպորտային միջոցի բեռնում-բեռնաթափում:
37. Բեռնման-բեռնաթափման աշխատանքները պետք է իրականացնեն հրահանգավորում անցած անձինք և բացառվի բեռնման-բեռնաթափման աշխատանքներում չներգրավված կողմնակի անձանց ներկայությունը:
38. Պայթունավտանգ և հրավտանգ բեռների բեռնման-բեռնաթափման աշխատանքները չպետք է կատարվեն ամպրոպի ժամանակ:
39. Բեռնման-բեռնաթափման ընթացքում պետք է կիրառվեն այնպիսի սարքավորումներ կամ մեխանիզմներ, որոնց միջոցով բացառվի վտանգավոր բեռի վնասման կամ վայր ընկնելու վտանգը:
40. Բեռնման-բեռնաթափման աշխատանքների ժամանակ վտանգավոր բեռներով լցված տարաների փոխադրման և պահեստավորման աշխատանքները կարող են իրականացվել միայն հատուկ կահավորված տակդիրների, ելարանների և տախտակամածերի վրայով:
41. Վտանգավոր բեռներով լցավորված ապակե տարաները (անոթները) պետք է տեղադրվեն արկղերում, զամբյուղներում կամ թմբուկներում: Արգելվում է ապակե տարաների տեղափոխությունը մեջքին կամ ուսին դրված կամ գրկած վիճակում:
42. Բեռնման-բեռնաթափման և տրանսպորտային միջոցների կայանման կետերը պետք է ընտրվեն այնպես, որ դրանք գտնվեն բնակավայրերից և արտադրական կառույցներից առնվազն 125մ, իսկ ընդհանուր օգտագործման ճանապարհներից 50մ հեռավորության վրա:
43. Ձմեռային ժամանակահատվածում պետք է բացառվի վտանգավոր բեռների բեռնման-բեռնաթափման կետերի տարածքում սառցածածկի առաջացումը:
44. Դյուրավառ կամ պայթունավտանգ նյութերով բեռնված ավտոմոբիլների լիցքավորումը պետք է կատարվի լիցքավորման կայաններից 25մ հեռավորության վրա գտնվող հատուկ սարքավորված հարթակների վրա:  

        

6. ՎՏԱՆԳԱՎՈՐ ԲԵՌՆԵՐ ՓՈԽԱԴՐՈՂ ՏՐԱՆՍՊՈՐՏԱՅԻՆ ՄԻՋՈՑՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

45. Վտանգավոր բեռները պետք է փոխադրվեն տվյալ բեռի փոխադրման համար նախատեսված կամ համապատասխան կահավորանք ունեցող տրանսպորտային միջոցներով, որոնք ունեն վտանգավոր բեռներ փոխադրող տրանսպորտային միջոցի հաստատման վկայական։

46․ Վտանգավոր բեռներ փոխադրող տրանսպորտային միջոցները պետք է համապատասխանեն «Անվավոր տրանսպորտային միջոցների անվտանգության մասին» (ՄՄ ՏԿ 018/2011) Մաքսային միության տեխնիկական կանոնակարգի և ԱԴՌ համաձայնագրի պահանջներին։

47. Պայթունավտանգ կամ ինքնաբոցավառվող նյութեր պարբերաբար փոխադրող տրանսպորտային միջոցների վառելիքի բաքը պետք է հեռացված լինի մարտկոցից կամ դրանից մեկուսացված լինի անթափանց միջնորմով, պաշտպանված լինի հատակից և կողային մասերից, ինչպես նաև մեկուսացված լինի շարժիչից, էլեկտրական լարերից և խլացուցիչից։ Այն պետք է տեղակայված լինի այնպես, որ վառելիքի հոսակորստի դեպքում վառելիքը ցած թափվի և չլցվի փոխադրվող վտանգավոր բեռի վրա: Վառելիքի հոսքը դեպի շարժիչ չպետք է լինի ինքնահոս:
48. 48. 1-ին, 2-րդ, 3-րդ, 4-րդ և 5-րդ դասերի վտանգավոր բեռներ փոխադրող տրանսպորտային միջոցի խլացուցիչի վերջնամասում պետք է տեղակայված լինի կայծամարիչ, իսկ էլեկտրական սարքավորումները պետք է բավարարեն հետևյալ պահանջներին`

1) էլեկտրասարքավորումների նոմինալ լարումը չպետք է գերազանցի 24Վոլտ-ը․

2) էլեկտրական լարերը պետք է լինեն պաշտպանված և առանց կարի թաղանթով, չտաքանան և չենթարկվեն կոռոզիայի․

3) Էլեկտրական համակարգը ծանրաբեռնվածությունից պետք է պաշտպանված լինի հալվող ապահովիչների կամ ավտոմատ անջատիչների օգնությամբ․

4) Էլեկտրահաղորդալարերի համակարգը պետք է ունենա հուսալի մեկուսացում, ամրացված և տեղակայված լինի այնպես, որ տրանսպորտային միջոցի կոնստրուկտիվ մասերի հետ շփվելու ու բախվելու դեպքում չվնասվի, ինչպես նաև պաշտպանված լինի հովացման համակարգից և օգտագործված գազերի արտանետումից առաջացող ջերմությունից․

5) մարտկոցները չպետք է տեղակայվեն շարժիչի ծածկի տակ և պետք է գտնվեն մետաղից կամ համապատասխան ամրություն ունեցող այլ նյութից պատրաստված մեկուսացված խցում․

6) տրանսպորտային միջոցը պետք է ունենա մարտկոցը էլեկտրական շղթայից անջատելու երկբևեռ անջատիչ, որի ղեկավարման շարժակը (հեռակառավարվող կամ ձեռքի) պետք է տեղակայվի վարորդի խցիկում և ավտոմոբիլի վրա: Այն պետք է լինի հեշտ հասանելի և ունենա տարբերակիչ նշան: Անջատիչը պետք լինի այնպիսին, որ նրա հպակները կարողանան անջատվել աշխատող շարժիչի դեպքում՝ չառաջացնելով էլեկտրական շղթայի ծանրաբեռնման վտանգ․

7) Էլեկտրական համակարգում չեն կարող օգտագործվել պտուտակավոր լամպակոթով լամպեր․

8) բեռնախցում չպետք է լինեն բաց էլեկտրական հաղորդալարեր, իսկ բեռնախցի ներսում գտնվող լուսավորման լամպերը պետք է  ունենան մեկուսացնող ցանց:

49. 49. Վտանգավոր բեռներ փոխադրող տրանսպորտային միջոցները պետք է կահավորված լինեն մետաղական հողակցման շղթայով և մետաղական ցցաձողով` կանգառի ժամանակ ստատիկ և մթնոլորտային էլեկտրական լիցքերից պաշտպանելու համար:
50. 50. Ֆուրգոն տիպի տրանսպորտային միջոցի թափքը պետք է լինի լրիվ փակ, ամուր, առանց ճեղքերի, կահավորված լինի օդափոխիչ համակարգով: Թափքը ներսից պետք է պաստառապատված լինի կայծեր չառաջացնող նյութից, իսկ փայտյա մասերը մշակված լինեն հրակայուն նյութով: Բաց թափքով ավտոմոբիլների ծածկի բրեզենտը պետք է լինի դժվարաբռնկուն և անջրաթափանց:
51. 51. Վտանգավոր բեռ փոխադրող տրանսպորտային միջոցը հետևի մասում պետք է ունենա թափարգել: Ցիստեռնի հետին պատի և թափարգելի հետևի մասի միջև հեռավորությունը պետք է լինի 100 մմ-ից ոչ պակաս:
52. 52. Ցիստեռնի վերին մասում տեղակայված խողովակաշարերը և օժանդակ սարքավորումները պետք է պաշտպանված լինեն վնասվելուց ցիստեռնի շրջվելու դեպքում:
53. 53. Վտանգավոր բեռներ փոխադրող տրանսպորտային միջոցում պետք է առկա լինեն՝

1) տրանսպորտային միջոցի վթարային վերանորոգման համար անհրաժեշտ ձեռքի գործիքների հավաքածու․

2) հրդեհի մարման համար բահ, կրակամարիչ և փոխադրվող տվյալ բեռի հրդեհամարման համար պարկով ավազի բավարար քանակ․

3) ոչ պակաս մեկ հակագլորման հենակ, որի չափերը պետք է համապատասխանեն տրանսպորտային միջոցի տեսակին և դրա անիվների տրամագծին․

4) երկու հատ ինքնասնուցվող թարթող կամ հաստատուն նարնջագույն լույսով լուսարձակներ, որոնք վատ տեսանելիության պայմաններում տրանսպորտային միջոցի կանգառի ժամանակ պետք է տեղադրվեն տրանսպորտային միջոցի դիմաց և հետևամասում․

5) դեղատուփ և փոխադրվող վտանգավոր բեռի չեզոքացման միջոցներ:

54. 54. Հատուկ վտանգավոր բեռներ փոխադրող տրանսպորտային միջոցները պետք է սարքավորվեն վթարային, տարբերիչ և այլ նշաններով:
55. 55. Սույն պահանջների Ձև N 3-ում ներկայացված տեղեկատվական աղյուսակը պետք է տեղակայվի տրանսպորտային միջոցի առջևի և հետևի թափարգելների վրա ավտոմոբիլի երկայնական առանցքին ուղղահայաց` դուրս չգալով տրանսպորտային միջոցի չափերից և չծածկելով հաշվառման համարանիշերն ու արտաքին լուսարձակները:
56. 56. Վտանգավոր բեռներ փոխադրող տրանսպորտային միջոցները չպետք է ունենան մեկից ավելի կցորդ կամ կիսակցորդ:
57. 57. Ավտոշարասյունով վտանգավոր բեռների երթևեկության դեպքում պետք է պահպանվեն հետևյալ պահանջները՝

1) ուղիղ ճանապարհով շարժման ժամանակ տրանսպորտային միջոցների միջև հեռավորությունը պետք է լինի 50 մ-ից ոչ պակաս․

2) լեռնային պայմաններում (վերելքներ և վայրեջքներ) տրանսպորտային միջոցների միջև հեռավորությունը պետք է լինի 300մ-ից ոչ պակաս․

3) բնակլիմայական երևույթներով (մառախուղ, անձրև, ձյուն և այլն)  պայմանավորված 300 մ-ից պակաս տեսանելիության պայմաններում վտանգավոր բեռների փոխադրումը պետք է դադարեցվի․

4) փոխադրման համար ուղեկցող անձնակազմի անդամներից մեկը պետք է գտնվի առաջին ավտոմոբիլում, իսկ մյուսը՝ վերջին ավտոմոբիլում:

58. 58. Հատուկ վտանգավոր բեռների փոխադրման ժամանակ վարորդների հանգստի համար նախատեսված կանգառները չպետք է գտնվեն բնակավայրերում: Կանգառները պետք է տեղակայվեն բնակելի շենքերից և մարդկանց կուտակման կետերից ոչ պակաս քան 200մ հեռավորության վրա:
59. 59. Տրանսպորտային միջոցի կանգառի դեպքում պետք է գործարկվի կայանման ձեռքի արգելակը, իսկ թեքության վրա նաև տեղադրվեն հակագլորման հենակներ:
60. 60. Վտանգավոր բեռ փոխադրող տրանսպորտային միջոցը պետք է վառելիքի բաքի առավելագույն չափով լիցքավորվի վառելիքի պաշարով մինչև երթուղի դուրս գալը։
61. 61. Հինգ և ավելի տրանսպորտային միջոցներից կազմված շարասյունով վտանգավոր բեռների փոխադրման դեպքում շարասյան կազմում պետք է առկա լինի տվյալ տեսակի բեռի փոխադրման համար սարքավորված դատարկ տրանսպորտային միջոց, որը պետք է երթևեկի շարասյան վերջում և օգտագործվի վթարի կամ միջադեպի դեպքում վնասված տրանսպորտային միջոցի բեռը փոխադրելու համար:

 

7. 7. ՏԱՐԱՅԻՆ ԵՎ ՓԱԹԵԹԱՎՈՐՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

62. 62. Վտանգավոր բեռի փոխադրումը պետք է իրականացվի տվյալ բեռի փոխադրման համար նախատեսված տարաներում և (կամ) փաթեթավորված վիճակում:
63. 63. Վտանգավոր բեռների փաթեթավորումը պետք է ապահովի բեռների պաշտպանվածությունը բեռնման, բեռնաթափման, փոխադրման և պահպանման ժամանակ:
64. 64. Նյութը, որից պատրաստվում են տարաները և մեկուսիչ միջադիրները, պետք է ընտրվեն հաշվի առնելով փոխադրվող բեռի առանձնահատկությունները, լինեն չեզոք տվյալ բեռի նկատմամբ:
65. 65. Պլաստիկե տարան պետք է լինի անթափանց դրանում լցված նյութի նկատմամբ, ջերմաստիճանի ազդեցության դեպքում չփափկի և չդառնա փխրուն:
66. 66. Ծալքավոր և այլ ստվարաթղթե արկղերը պետք է լինեն բավարար ամուր և ջրակայուն (թրջվելու դեպքում պահպանեն մեխանիկական ամրությունը): Վտանգավոր բեռների փոխադրման ստվարաթղթե արկղերը պետք է լինեն մեկանգամյա օգտագործման:
67. 67. Ապակե տարաները (անոթները) պետք է ունենան ամուր խցաններ և տեղադրվեն արկղերում, թմբուկներում, ցանցերում կամ զամբյուղներում, որպես միջնորմ պետք է տեղադրվեն չեզոք միջադիրներ: Ապակե տարայի բուկը չպետք է դուրս գա ցանցի կամ զամբյուղի սահմաններից:
68. 68. Մետաղական տարաները, որոնք պահանջում են հերմետիկություն, պետք է զոդվեն կամ սարքավորվեն պտուտակավոր խցաններով, միջադիրներով և սևեռիչներով:
69. 69. Հեղուկների փոխադրման անոթները պետք է լցվեն տարայի ամբողջ տարողության 90%-ի չափով (ջրային ամիակի, ածխաջրածնային գազերի համար` 85%-ի չափով):
70. 70. Վտանգավոր բեռով տարան պետք է ապահով ամրացվի ավտոմոբիլի թափքում:
71. 71. Տարբեր դասերի վտանգավոր բեռների համատեղ փոխադրումը թույլատրվում է համատեղելիության շրջանակներում` համաձայն Ձև N 6-ի: Այս դեպքում ներքին տարաները հավաքական տարայում մեկը մյուսից առանձնացվում են այնպես, որ բացառվի վթարի կամ ներքին տարայի քանդվելու դեպքում այնպիսի վտանգավոր փոխազդեցությունները, ինչպիսիք են բարձր ջերմաստիճանի անջատումը, այրվելը, տարբեր խառնուրդների առաջացումը, բոցավառվող կամ թունավոր գազերի անջատումը:
72. 72. Վտանգավոր բեռներ հանդիսացող նյութերի խառնուրդները այլ նյութերի հետ համատեղ փոխադրելիս համարվում են վտանգավոր բեռներ և դրանց փոխադրումներն իրականացվում են սույն պահանջներին համապատասխան:
73. 73. Յուրաքանչյուր բեռնատեղի (փաթեթավորման) վրա արտադրողի կողմից կատարվում է վտանգավոր բեռի դասին համապատասխան վտանգի նշանով մակնշում` համաձայն ձև N 4-ի:
74. 74. Վտանգի նշանները տեղադրվում են՝

1) զուգահեռանիստի ձև ունեցող փաթեթների և կոնտեյներների վրա` կողային, ճակատային և վերին մասում․

2) տակառների վրա՝ վերին մասում և կողապատին․

3) պարկերի վերին և ներքևի մասերում․

4) փաթեթների վրա՝ կողային և դիմային մասերում․

5) այլ տեսակի տարաների վրա վտանգի նշանները պատկերվում են առավել տեսանելի  տեղերում:

75. 75. Մանիպուլյացիոն նշանները պետք է պատկերվեն վտանգի նշաններից հետո:

                                        

8. 8. ՎՏԱՆԳԱՎՈՐ ԲԵՌՆԵՐԻ ԲԵՌՆՄԱՆ-ԲԵՌՆԱԹԱՓՄԱՆ ԱՇԽԱՏԱՆՔՆԵՐՆ ԻՐԱԿԱՆԱՑՆՈՂ ՍԱՐՔԱՎՈՐՈՒՄՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

76. 76. Վտանգավոր բեռների բեռնման-բեռնաթափման աշխատանքների իրականացման համար կիրառվող բեռնաբարձ–տրանսպորտային սարքավորումները պետք է համապատասխանեն տեխնիկայի անվտանգության պահանջներին:
77. 77. Բեռնաբարձ–տրանսպորտային սարքավորումները մշտապես պետք է գտնվեն տեխնիկապես սարքին վիճակում և համապատասխանեն հակահրդեհային և տեխնիկական անվտանգության պահանջներին:
78. 78. Վտանգավոր բեռների բեռման-բեռնաթափման աշխատանքներում ներգրավված բեռնաբարձ տրանսպորտային միջոցների վրա կիրառվող Էլեկտրաշարժիչները պետք է լինեն պայթունաանվտանգ:

 

9. 9. ՎԹԱՐՆԵՐԻ ԿԱՄ ՎԹԱՐԱՅԻՆ ՄԻՋԱԴԵՊԵՐԻ ՀԵՏԵՎԱՆՔՆԵՐԻ ՎԵՐԱՑՈՒՄԸ

 

79. 79. Վտանգավոր բեռի փոխադրման ընթացքում առաջացած վթարների կամ վթարային միջադեպերի հետևանքները վերացնելու համար ձեռնարկվում են միջոցառումներ` համաձայն վթարային քարտում նշված հրահանգների, կամ վտանգի մասին տեղեկատվական համակարգի տեղեկատվական քարտի, որոնք պետք է գտնվեն վարորդի մոտ:
80. 80. Վտանգավոր բեռով տարայի անսարքության վերացման անհրաժեշտության առաջացման դեպքում այն պետք է իրականացվի այդ նպատակով նախատեսված տարածքում (շինությունում), որը նախատեսվում է վթարի կամ միջադեպի վերացման միջոցառումների ծրագրում: Վտանգավոր բեռով տարայի անսարքության վերացումը չպետք է կատարվի փոխադրող կազմակերպության կամ բեռնման վայրի տարածքում:
81. 81. Ճանապարհատրանսպորտային պատահարի դեպքում վտանգավոր բեռի փոխադրման համար պատասխանատու անձը ղեկավարում է վարորդի և ուղեկցող խմբի գործողությունները և դեպքի մասին տեղեկացնում լիազոր մարմնին, Հայաստանի Հանրապետության ներքին գործերի նախարարությանը:
82. 82. Վթարի կամ վթարային միջադեպի հետևանքների վերացման աշխատանքներում ներգրավված անձինք պետք է պահպանեն անվտանգության և անձնական պաշտպանության բոլոր կանոնները, որոնք նշված են վթարային քարտում:
83. 83. Վթարի կամ վթային միջադեպի հետևանքների վերացման գործողություններն իրենց մեջ ներառում են՝

1) վնասված տարայի կամ թափված վտանգավոր բեռի հայտնաբերում ու հետևանքների վերացում․

2) տուժողներին առաջին բուժօգնության ցուցաբերում․

3) ախտահանում և դիզակտիվացում․

4) հագուստի և անձնական պաշտպանության պարագաների վնասազերծում․

5) բեռնառաքողին և բեռը ստացողին կատարված վթարի մասին իրազեկում:

 

10. 10. ԱՌԱՆՁԻՆ ԴԱՍԵՐԻ ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՄԱՆ ԿԱԶՄԱԿԵՐՊՄԱՆ ԵՎ ՏԵԽՆԻԿԱԿԱՆ ԱՊԱՀՈՎՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

 

84. 84. Վտանգավոր բեռներն ըստ իրենց բնութագրի և վտանգի աստիճանի դասակարգվում են դասերի և ենթադասերի` համաձայն Ձև N 7-ի:
85. 85. Առանձին դասերի վտանգավոր բեռների փոխադրումների կազմակերպումը իրականացվում է ելնելով դրանց հատկություններից, վտանգավորության աստիճանից և տեսակից:
86. 86. Պայթուցիկ նյութերի փոխադրումների կազմակերպման առանձնահատկություններն են.

1) պայթուցիկ նյութերի բեռնման հաջորդականությունը պետք է իրականացվի այնպես, որ դրանց բեռնաթափումը հնարավոր լինի իրականացնել առանց լրացուցիչ տեղաշարժերի․

2) պայթուցիկ նյութերով տակառները փոխադրվում են տրանսպորտային միջոցի  երկայնական սռնիի ուղղությամբ պառկեցված դիրքով․

3) պայթուցիկ նյութերի փոխադրումն իրականացվում է բեռի փոխադրման համար պատասխանատու անձի ուղեկցությամբ, որը պետք է գտնվի ավտոմոբիլի խցիկում, իսկ շարասյունով շարժման դեպքում` առաջին ավտոմոբիլում․

4) պայթուցիկ նյութերն արգելվում է փոխադրել կցորդներով․

5) հեղուկ նիտրոեթեր պարունակող պայթուցիկ նյութերի կարծրացման ջերմաստիճանից ցածր ջերմաստիճանի պայմաններում մեկ ժամից ավելի տևողությամբ փոխադրումը պետք է իրականացվի ջերմամեկուսիչ թափքով տրանսպորտային միջոցով․

6) վառոդով կամ ականներով արկղերը փոխադրման ժամանակ պետք է տեղադրվեն իրարից 50 մմ հեռավորության վրա և ամրացվեն այնպես, որ բացառվի դրանց տեղաշարժը․

7) Արգելվում է պայթուցիկ նյութերով բեռնված տրանսպորտային միջոցների երթևեկությունը հրդեհի աղբյուրից 300մ-ից պակաս հեռավորության վրա․

8) Կայծակի դեպքում վտանգավոր բեռներով տրանսպորտային միջոցի կանգառը պետք է իրականացվի բնակավայրերից և անտառներից 200 մ, այլ տրանսպորտային միջոցներից՝ ոչ պակաս 50 մ հեռավորության վրա, իսկ տրանսպորտային միջոցի անձնակազմը պետք է գտնվի դրանից 200 մ հեռավորության վրա:

87. 87. Ճնշման տակ սեղմված, հեղուկացված և լուծված գազերի փոխադրումների կազմակերպման առանձնահատկություններն են.

1) սեղմված և հեղուկացված գազով բալոնների փոխադրումը պետք է իրականացվի բալոնների և խցանների սարքին վիճակում, ապահովիչ փականի առկայությամբ, ինչպես նաև բալոնների վրա որոշակի գունավորմամբ հստակ նշագրումներով` համաձայն Ձև N 4-ի․

2) կողավոր ավտոմոբիլներով սեղմված և հեղուկացված գազով բալոնները պետք է փոխադրվեն՝

ա. հորիզոնական դիրքով` բալոնների տրամագծի չափով կտրվածքով փայտե տակդիրներով, բալոնի փականները դեպի ներս․

բ. ուղղահայաց դիրքով` հարվածներից բալոնները պաշտպանելու նպատակով դրանց վրա տեղակայված 25մմ-ից ոչ պակաս տրամագծով ռեզինից կամ պարանից օղակներով․

3) ամառային ժամանակահատվածում արևի ճառագայթներից պաշպանելու համար գազով լցավորված բալոնները փոխադրելիս պետք է ծածկվեն բրեզենտով: Գազով բալոններ փոխադրող կողավոր ավտոմոբիլը պետք է կահավորված լինի երկու կրակմարիչներով, իսկ առջևի ձախ կողմում տեղակայվի կարմիր փոքր դրոշակ․

4) հեղուկացված, սեղմված և լուծված գազերի փոխադրման համար նախատեսված ավտոմոբիլ-ցիստեռների վրա պետք է լինի հետևյալ տեղեկությունները`  

ա. արտադրող գործարանի անվանումը․

բ. ցիստեռնի համարը․

գ. արտադրման տարին և փորձարկման (զննման) ժամկետը․

դ. ընդհանուր զանգվածը տոննաներով․

ե. ծավալը մ³-ով․

զ. աշխատանքային և փորձարկման ճնշման մեծությունը կգ/սմ³․

5)  ավտոմոբիլ-ցիստեռները պետք է կահավորված լինեն՝

ա. բեռի լցման և բաց թողնման փականով․

բ. բեռի գոլորշիները կլանելու փականով․

գ. ճնշման կարգավորման և ցիստեռնի վերին մասում գոլորշիների դուրս թողնման փականով․

դ. երկու ապահովիչ փականով․

ե. մանոմետրով․

զ. հեղուկի մակարդակի հսկման սարքով․

է. գազի վթարային արտահոսքից ավտոմատ պաշտպանիչ սարքով․

6) գազանետման անհրաժեշտության դեպքում այն պետք է իրականացվի ապահովելով  հետևյալ պայմանները՝

ա. բացառվի գազանետման տարածքում 50 մ շառավղով կողմնակի անձանց ներկայությունը․

բ. թունավոր նյութերի գազանետումը պետք է իրականացվի այդ նպատակի համար նախատեսված վայրերում․

գ. տրանսպորտային միջոցի շարժիչը պետք է լինի անջատված, իսկ տրանսպորտային միջոցը և գազանետման խողովակները` հողանցված․

դ. արտանետման ճնշումը չպետք է գերազանցի ցիստեռնի աշխատանքային ճնշման 10%-ը․

ե. ցիստեռնում ճնշման իջեցման արագությունը չպետք է գերազանցի 1 րոպեում 0.1 կգ/սմ²-ը․

զ. գազերի արտանետումը պետք է կատարվի քամու ուղղությամբ, տրանսպորտային միջոցի, բնակավայրերի և շինությունների` հակառակ ուղղությամբ։

88. 88. Դյուրավառ հեղուկների և պինդ նյութերի փոխադրումների կազմակերպման առանձնահատկություններն են.

1) ինքնաբոցավառվող նյութերը պետք է փոխադրվեն հերմետիկ տարաներում փակ թափքերով տրանսպորտային միջոցներով․

2) ինքնաբոցավառվող նյութերի փոխադրումը պետք է իրականացվի`

ա. մինչև 10 կգ մետաղական նատրիումը և այլ հիմնային մետաղները պետք է փոխադրվեն սակավամածուցիկ միներալային յուղով կամ կերոսինով լցված հերմետիկ խցանով երկաթյա անոթներում, իսկ մինչև 100 կգ-ը` երկաթյա տակառներում․

բ. սպիտակ և դեղին ֆոսֆորը պետք է փոխադրվեն ջրի մեջ տեղակայված զոդված մետաղական տարաներում, որոնք էլ իրենց հերթին պետք է տեղակայվեն փայտե արկղերում․

գ. կարմիր ֆոսֆորը պետք է փաթեթավորվի հերմետիկ մետաղական տարաներում: Հերմետիկությունն ապահովում են միջադիրների կիրառմամբ, իսկ տարաները արտաքինից պետք է պատվեն հակակոռոոզիոն ծածկույթով: Փոխադրման համար տարաները պետք է տեղակայվեն փայտյա արկղերում, որոնց մեկ բեռնատեղի քաշը չպետք է գերազանցի 95կգ-ը․

դ. կինոժապավենները, ռենտգենյան ժապավենները և նույն ենթադասի այլ բեռները պետք է փոխադրվեն մետաղական տարաներում, որոնք տեղակայվում են մետաղական արկղերում (ընդհանուր քաշը  մինչև 50կգ)․

ե. կալցիումի կարբիտը և նույն ենթադասի այլ նյութերը պետք է փոխադրվեն երկաթյա թմբուկներում` ոչ ավել քան 100կգ քաշով․

զ. ամոնային նիտրատը, նիկրինային թթուն, ազոտաթթվային միզանյութը,  տրինիտրոբենզոլը, տրինիտրոբենզոլային թթուն, ոչ պակաս 10% ջրի պարունակությամբ տրինիտրատոլաոլը կամ ոչ պակաս 20% ջրի պարունակությամբ ցիրկորիայի պիկրոմատը պետք է փոխադրվեն ապակե անոթներում, որոնց քաշը չպետք է գերազանցի 1կգ-ը: Փոխադրման ժամանակ ապակե անոթները տեղակայվում են փայտյա տարաներում․

3) հալված ծծումբն ու նավթալինը պետք է փոխադրվեն ավտոմոբիլ-ցիստեռնում, որը պետք է պատրաստվի 6մմ-ից ոչ պակաս հաստությամբ պողպատաթերթից կամ նույն մեխանիկական ամրությունն ունեցող ալյումինի համաձուլվածքներից։ Ցիստեռները պետք է ունենան ջերմամեկուսացում, որը ցիստեռնի ներսում պատերի մոտ ջերմաստիճանը պահպանի 70^օC-ից ոչ պակաս և 0,2-0,3 կգ/սմ³  ճնշման տակ դեպի ներս կամ դուրս բացվող փական: Եթե ցիստեռնը նախատեսված է 2կգ/սմ³ աշխատանքային ճնշման համար, ապա փականներ կարող են չլինել:

89. 89. Օքսիդացնող նյութերի և օրգանական պերօքսիդների փոխադրումների կազմակերպման առանձնահատկություններն են.

1) օքսիդացնող նյութերի և օրգանական պերօքսիդների փոխադրման ժամանակ ինքնաբռնկումից, հրդեհից կամ պայթունից խուսափելու համար անհրաժեշտ է դրանք պահպանել աղտոտումից կամ փայտյա սղոցների, ածուխի, տորֆի, ալյուրի փոշու և այլ օրգանական նյութերի հետ խառնվելուց․

2) հեշտ քայքայվող պերօքսիդների բեռնման, բեռնաթափման և փոխադրման ժամանակ պետք է պահպանվեն հետևյալ ջերմաստիճանային ռեժիմները՝

ա. դիօկտանոլի և դիկապրիլի տեխնիկական մաքուր պերօքսիդներ` + 10^o C-ից ոչ բարձր․

բ. ացետիլ–ցիկլոհեքսանսուլֆոնիլի պերօքսիդ` -10^օ C․

գ. դիիզոպրոպիլի պերօքսիդկարբոնատ` +20^օ C․

դ. տրետբուտիլի պերպիվալտ` -10^օ C․

ե. ֆլեգմատիզատորով նյութեր` +2^օ C․

զ. լուծիչով նյութեր` -5^օ C․

է. 3,5; 5- տրիմեթիլհենսանոիլի պերօքսիդը դանդաղացուցիչի հետ լուծույթում (20%)` 0 ^օ C․

ը. բիս-դեկանոյնի տեխնիկապես մաքուր պերօքսիդ` + 20^օ C․

թ. դիպերլարգոնիլի տեխնիկապես մաքուր պերօքսիդ` 0^o C․

ժ. բութիլի տեխնիկապես մաքուր պեր-2-էթիլհենսանոատ`+20^օ C․

ժա. բիս-էթիլ-2-հենսիլի պերօքսիդկարբոնատ դանդաղեցուցիչի կամ լուծիչի հետ (55%)` – 10^o C․

ժբ. երրորդական բութիլի պերիզոնիտրատը լուծիչի հետ (25%)`+10^o C․

3) իզոթերմիկ ֆուրգոն թափքով ավտոմոբիլները, որոնք իրականացնում են օրգանական պերօքսիդների փոխադրում, պետք է բավարարեն հետևյալ պահանջներին`  

ա. վարորդի խցիկը պետք է պաշտպանված լինի փոխադրվող պերօքսիդների գոլորշիների ներթափանցումից․

բ.  վարորդի խցիկից հնարավոր լինի վերահսկել փոխադրվող բեռի ջերմաստիճանը․

գ. անհրաժեշտ ջերմաստիճանային ռեժիմը պահպանելու համար պետք է ունենա համապատասխան օդափոխիչ համակարգ․

դ. հովացնող նյութերը պետք է բռնկվող չլինեն․

4) օրգանական պերօքսիդների փոխադրման համար սառնարան-ավտոմոբիլների սառեցնող սարքավորումները պետք է աշխատեն ավտոմոբիլի շարժիչից անկախ, իսկ հովացման համակարգում չպետք է օգտագործվի հեղուկ թթվածին կամ օդ․

5) օքսիդացնող նյութերի և օրգանական պերօքսիդների բեռնելուց առաջ տրանսպորտային միջոցի թափքերը մանրազննին պետք է մաքրվեն փոշուց և նախկինում փոխադրված բեռների մնացորդներից:

90. 90. Կծու և (կամ) կոռոզիոն նյութերի փոխադրումների կազմակերպման առանձնահատկություններն են.

1) ծծմբաթթու պարունակող կապարի խարամի փոխադրման ժամանակ տրանսպորտային միջոցի թափքը ներսից պետք է ծածկվի պարաֆինով հագեցած կամ ձյութապատված հաստ ստվարաթղթե շերտով․

2) այրիչ և կոռոզիոն նյութերի փոխադրում իրականացնող տրանսպորտային միջոցները փոխադրումից հետո պետք  է մաքրվեն դյուրավառ նյութերի մնացորդներից․

3) թթուների բեռնման-բեռնաթափման աշխատանքներն իրականացնող անձինք, որպես պաշտպանիչ միջոցներ, պետք է ունենա հակաթթվային գոգնոց, մահուդե հագուստ, ռեզինե ձեռնոցներ, ակնոցներ և դիմակ:

         

 

 

 

 

 

Ձև N 1

Նմուշի դիմերեսը

 

ՎԹԱՐԱՅԻՆ ՔԱՐՏ

 

ՎՏԱՆԳԻ ՄԱՍԻՆ ՏԵՂԵԿԱՏՎԱԿԱՆ ՀԱՄԱԿԱՐԳԻ

 

 

Վտանգավոր բեռի				Արտակարգ միջոցառումների ծածկագիր
անվանումը	դասը		նույնականացման համարը
Հոմանիշները
Վտանգավոր բեռի ֆիզիկական հատկությունները		Վտանգի նշաններ
եռման ջերմաստիճան, օC
հալման ջերմաստիճան, օC
ցնդելիությունը (գոլորշու հագեցվածություն)
գոլորշու խտությունը (ըստ օդի)
խտությունը (ըստ ջրի)
ջրում լուծելիությունը

 

 

 

Հրդեհա-պայթյունավտանգություն

 

Բռնկման ջերմաստիճանը, (բոցավառման), օC	Ինքնաբոցավառման ջերմաստիճանը, օC	Գոլորշիների բոցավառումը	Բոցավառման սահմանները, օC
			վերին	ստորին

                                              

Մարդու համար վտանգը

 

Սահմանային թույլատրելի խտությունը, մգ/մ3	Մահացու բաժնաչափը ՄԴ50, մգ/կգ (ներթափանցելու դեպքում)	Մահացու բաժնաչափը ՄԴ50,մգ/մ3 (մաշկի միջոցով)	ՄՇ 50 մլ/մ3
Օրգանիզմ ներթափանցելու ուղիները
Թունավոր ազդեցությունը
Մաշկի և լորձաթաղանթի վրա ազդեցությունը
Էկոլոգիական  անվտանգություն

                                          

Նմուշի դարձերեսը

 

ԿՐԱԿՄԱՐԻՉ  ՄԻՋՈՑՆԵՐԸ

 

Երաշխավորվող		Արգելվող
հրդեհի ժամանակ	բռնկման  ժամանակ

 

 

ԱՌԱՋԻՆ  ՕԳՆՈՒԹՅԱՆ  ՄԻՋՈՑԱՌՈՒՄՆԵՐ

 

Շնչահեղձության դեպքում
Ներշնչելու դեպքում
Աչքերի մեջ,մաշկի վրա ներթափանցելու դեպքում
Կուլ տալու դեպքում

 

 

ԱՆՀԱՏԱԿԱՆ ՊԱՇՏՊԱՆՈՒԹՅԱՆ ՄԻՋՈՑՆԵՐ

 

Շնչառական  օրգաններ
Աչքեր
Մաշկ

 

 

ՎՆԱՍԱԶԵՐԾՄԱՆ  ՄԻՋՈՑՆԵՐՆ ՈՒ ԵՂԱՆԱԿՆԵՐԸ

 

 

 

_________________________       ____________________________

          Փոխադրող                                         ստորագրություն 

                                                                                                                            

                                                                                        <<_____>>_______  20____թ

         

 

 

Ձև N 2

 

ՏԵՂԵԿԱՏՎԱԿԱՆ ՔԱՐՏ

 

ՎՏԱՆԳԻ  ՄԱՍԻՆ   ՏԵՂԵԿԱՏՎԱԿԱՆ  ՀԱՄԱԿԱՐԳԻ

 

 

Քարտի դիմերեսը

 

ՀԱՅԱՍՏԱՆԻ  ՀԱՆՐԱՊԵՏՈՒԹՅՈՒՆ ՎՏԱՆԳԱՎՈՐ  ԲԵՌՆԵՐԻ  ՓՈԽԱԴՐՈՒՄ ՎՏԱՆԳԻ  ՄԱՍԻՆ  ՏԵՂԵԿԱՏՎԱԿԱՆ  ՀԱՄԱԿԱՐԳ
*  * *   *  *   *   Տրանսպորտային միջոցների նշագրումը
1	Օգտագործել  չոր  նյութեր; Ջուր  չօգտագործել
2	Օգտագործել  ջրի  շիթեր
3	Օգտագործել  փոշիացված  ջուր  կամ  ջրի բարակ  շիթեր
4	Օգտագործել  փրփուր
5	Կանխել  նյութերի  խառնվելը հոսող  ջրերի  հետ
6	Փրփուր չօգտագործել
7	Կենցաղային փոշի չօգտագործել
8	Ֆրեոն, ածխաթթու չօգտագործել
Շ	Շնչառական  սարք  և  պաշտպանիչ  ձեռնոցներ
Հ	Շնչառական  սարք և պաշտպանիչ  ձեռնոցներ  միայն  հրդեհի  դեպքում
ԱՀ	Պաշտպանիչ հագուստի ամբողջական հավաքածու և շնչառական սարք
Տ	Անհրաժեշտ է մարդկանց տարհանել
*         հրդեհի  կամ  արտահոսքի  ժամանակ  արտակարգ միջոցների  ծածկագիր *  *       վտանգի  նշան    *  *   * նույնականացման N

 

 

 

 

 

 

 

 

 

 

 

 

 

Քարտի դարձերեսը

 

ՎՏԱՆԳԻ  ՆՇԱՆՆԵՐԸ

 

 

 

 

 

 

 

 

 

 

 

 

 

 

 

 

Ձև N 3

 

ՏԵՂԵԿԱՏՎԱԿԱՆ  ԱՂՅՈՒՍԱԿ

 

ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՎՐԱ ՏԵՂԱԿԱՅԵԼՈՒ ՀԱՄԱՐ

 

 

 

 

 

190

15

80

 

 

 

1381

ՎՆՀ

15

400

690

 

 

 

 

 

 

 

 

 

 

 

N ՄԱԿ ՄԱԿ

 

 

 

 

 

 

 

 

 

 

 

 

 

 

 

 

 

 

 

 

Ձև N 4

 

ԱՂՅՈՒՍԱԿ

ՎՏԱՆԳԻ ՆՇԱՆՆԵՐԻ  ԼՐԱՑՄԱՆ  ԵՎ ՆԿԱՐԱԳՐՈՒԹՅԱՆ

 

Դաս և ենթադաս	Վտանգի նշանը	Վտանգի նշանի վրա նշվող բեռի վտանգը և դասը բնութագրող գրվածքը	Վտանգը բնութագրող պատկերի նկարագրությունը, գույնը	Վտանգի նշանի ֆոնը
1	2	3	4	5
Դաս 1 Ենթադաս 1.1, 1.2, 1.3		Պայթում է; 1	Ականի պայթյուն, սև գույն	Նարնջագույն
Դաս 1 Ենթադաս 1.4		Պայթում է; 1	Սև գույնով նշվում են 1.4 թվերը	Նարնջագույն
Դաս 1 Ենթադաս 1.5		Պայթում է;1	Սև գույնով նշվում են 1.5 թվերը	Նարնջագույն
Դաս 1 Ենթադաս 1.5		Պայթում է;1	Սև գույնով նշվում են 1.6 թվերը	Նարնջագույն
Դաս 2 Ենթադաս 2.1		Չբռնկվող գազ; 2	Սև գույնի բոց	Կարմիր
Դաս 2 Ենթադաս 2.2		Թունավոր գազ; 2	Սև գույնի գազի բալոն	Կանաչ
Դաս 2 Ենթադաս 2.3		Դյուրավառ գազ; 2	Սև գույնի գանգ-ոսկորներ	Սպիտակ
Դաս 2 Ենթադաս 2.4		Դյուրավառ գազ;	Սև գույնի գազի բալոն	Կանաչ
		Թունավոր գազ; 2	Սև գույնի գանգ-ոսկորներ	Սպիտակ
Դաս 3		Դյուրավառ հեղուկ; 3	Սև գույնի բոց	Կարմիր
Դաս 4 Ենթադաս 4.1		Բռնկվում է; 4	Սև գույնի բոց	Հաջորդական կարմիր և սպիտակ գծեր
Դաս 4 Ենթադաս 4.2		Ինքնաբռնկվում է;4	Սև գույնի բոց	Վերևի կեսը` սպիտակ, ներքևի կեսը` կարմիր
Դաս 4 Ենթադաս 4.3		Բռնկվում է ջրից; 4	Սև գույնի բոց	Կապույտ
Դաս 5 Ենթադաս 5.1		Օքսիդիչ; 5.1	Սև գույնի շրջանակի վրա բոց	Դեղին
Դաս 5 Ենթադաս 5.2		Օրգանական պերօքսիդ; 5.2	Սև գույնի շրջանակի վրա բոց	Դեղին
Դաս 6 Ենթադաս 6.1		Թույն; 6	Սև գույնի գանգ-ոսկորներ	Սպիտակ
Դաս 6 Ենթադաս 6.2		Վարակիչ նյութ; 6	Սև գույնի երեք մանգաղաձև նշաններ տեղադրված շրջանի վրա	Սպիտակ
Դաս 7 Փաթեթավորման կարգը I		Ռադիոակտիվ Պարունակությունը… Ակտիվությունը…	Երեքնուկ (ներքևի եռանկյան վրա ուղղահայաց մեկ կարմիր գծիկ)	Սպիտակ
Դաս 7 Փաթեթավորման կարգը II		Ռադիոակտիվ Պարունակությունը… Ակտիվությունը… Տրանսպորտային ինդեքս…	Երեքնուկ (ներքևի եռանկյան վրա երկու կարմիր շերտ)	Վերևի կեսը` դեղին, ներքևի կեսը` սպիտակ
Դաս 7 Փաթեթավորման կարգը III		Ռադիոակտիվ Բաղադրությունը… Ակտիվությունը… Տրանսպորտային ինդեքս…	Երեքնուկ (ներքևի եռանկյան վրա երեք կարմիր շերտ)	Վերևի կեսը` դեղին, ներքևի կեսը` սպիտակ
Դաս 8		Այրիչ/կոռոզիոն; 8	Երկու անոթներից հոսող նյութ, որը քայքայում է մետաղը և ձեռքը	Վերևի կեսը` սպիտակ, ներքևի կեսը` սև
Դաս 9		Այլ վտանգավոր նյութ, որոնք փոխադրման ընթացքում այլ դասերում չնկարագրված վտանգ են պարունակում; 9	Պատկեր չկա	Վերևի կեսը` սպիտակ և սև հավասար գծեր, ներքևի կեսը` սպիտակ

 

Ձև N 5

 

ՑԱՆԿ

ՀԵՂՈՒԿԱՑՎԱԾ ԵՎ ՍԵՂՄՎԱԾ ԳԱԶՈՎ ԲԱԼՈՆՆԵՐԻ ԳՈՒՆԱՎՈՐՄԱՆ ԵՎ ԳՐԱՌՄԱՆ

 

Բալոնների նշանակությունը	Բալոնի գույնը	Բալոնի վրա արվող գրառումը	Գրառման գույնը	Բալոնի շերտագծի գույնը
1	2	3	4	5
Ազոտի համար	Սև	Ազոտ	Դեղին	Շագանակագույն
Ամիակի համար	Դեղին	Ամիակ	Սև	-
Մաքրված արգոնի համար	Սև	Արգոն	Կապույտ	Սպիտակ
Չմշակված արգոնի համար	Վերևի կեսը` դեղին, ներքևինը` սև	Չմշակված արգոն	Սև	Սպիտակ
Ացետիլենի համար	Սպիտակ	Ացետիլեն	Կարմիր	-
Ջրածնի համար	Մուգ կանաչ	Ջրածին	Կարմիր	-
Ծծմբաջրածնի համար	Սպիտակ	Ծծմբաջրածին	Կարմիր	Կարմիր
Օդի համար	Սև	Սեղմված գազ	Սպիտակ	-
Ծծմբական անհիդրիդի համար	Սև	Ծծմբական անհիդրիդ	Սպիտակ	Դեղին
Հելիումի համար	Շագանակագույն	Հելիում	Սպիտակ	-
Ածխաթթվի համար	Սև	Ածխաթթու	Դեղին	-
Թթվածնի համար	Երկնագույն	Թթվածին	Սև	-
Քլորի համար	Պաշտպանական	-	-	Կանաչ
Ֆոսգենի համար	Պաշտպանական	-	-	Կարմիր
Մնացած չայրվող գազերի համար	Սև	Գազի անվանումը	Դեղին	-
Մնացած այրվող գազերի համար	Կարմիր	Գազի անվանումը	Սպիտակ	-

 

Ձև N 6

Ա Ղ Յ ՈՒ Ս Ա Կ

ՏԱՐԲԵՐ ԴԱՍԵՐԻ ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՄԱՆ ԺԱՄԱՆԱԿ ՀԱՄԱՏԵՂԵԼԻՈՒԹՅԱՆ

                                                                   

Դաս N	Ստորադասի նկարագրությունը		Ենթադաս N	1.1	1.2	1.3	1.4	1.5	1.6	2.1	2.2	2.3	2.4	3.1	3.2	3.3	4.1	4.2	4.3	5.1	5.2	6.1	6.2	7	8	9.1	9.2	9.3	9.4
1.Պայ թուցիկ նյութեր	Ծավալային պայթյունի վտանգ (լրիվ բեռ)		1.1	+	-	-	-	-	-	-	-	-	-	-	-	-	-	-	-	-	-	-	-	-	-	-	-	-	-
	ոչ ծավալային պայթող		1.2	-	+	-	-	-	-	-	-	-	-	-	-	-	-	-	-	-	-	-	-	-	-	-	-	-	-
	աննշան պայթուցիկ ազդեցությամբ հրդեհի վտանգ		1.3	-	-	+	+	+	+	-	-	-	-	-	-	-	-	-	-	-	-	-	-	-	-	-	-	-	-
	փաթեթը չի վնասում		1.4	-	-	+	+	+	+	+	+	-	-	-	-	-	-	-	-	+	+	+	+	-	+	+	+	+	+
	ծավալային պայթուցիկ,դետոնացիայի նկատմամբ ոչ զգայուն		1.5	-	-	+	+	+	+	+	+	-	-	-	-	-	-	-	-	+	+	+	+	-	+	+	+	+	+
	ոչ ծավալային պայթուցիկ,դետոնացիայի նկատմամբ ոչ զգայուն		1.6	-	-	+	+	+	+	+	+	-	-	-	-	-	-	-	-	+	+	+	+	-	+	+	+	+	+
2. Ճնշման տակ սեղմված, հեղուկացված և լուծված գազեր	չբռնկվող, ոչ թունավոր		2.1	-	-	-	+	+	+	+	+	+	+	+	+	+	+	+	+	+	+	+	+	+	+	+	+	+	+
	թունավոր		2.2	-	-	-	+	+	+	+	+	-	-	-	-	+	-	-	-	+	+	+	+	-	+	-	+	+	+
	դյուրավառ		2.3	-	-	-	-	-	-	+	-	+	-	-	-	+	-	-	-	+	+	-	-	-	+	-	+	+	-
	դյուրավառ, թունավոր		2.4	-	-	-	-	-	-	+	-	-	+	-	-	-	-	-	-	-	-	-	-	-	-	-	-	-	-
3.Դյուրա վառ հեղուկներ	ջերմաս-տիճանը բռնկման անոթում (tբռն)	-180 C–ից ցածր	3.1	-	-	-	-	-	-	+	-	-	-	+	-	-	-	-	-	-	-	-	-	-	-	-	-	-	-
		-180 C–ից +230 C	3.2	-	-	-	-	-	-	+	-	-	-	-	+	+	-	-	-	-	-	+	+	-	+	+	+	+	+
		+230 C-ից +610 C	3.3	-	-	-	-	-	-	+	+	+	-	-	-	+	+	-	+	+	+	+	+	+	+	+	+	+	+
4.Դյուրա վառ պինդ նյութեր	պինդ		4.1	-	-	-	-	-	-	+	-	-	-	-	-	+	+	-	-	-	-	-	-	-	-	-	-	-	-
	ինքնաբռնկվող		4.2	-	-	-	-	-	-	+	-	-	-	-	-	-	-	+	-	-	-	-	-	-	-	-	-	-	-
	ջրի հետ փոխազդե-ցության ժամանակ անջատում է դյուրավառ գազեր		4.3	-	-	-	-	-	-	+	-	-	-	-	-	+	-	-	+	-	-	-	-	-	-	+	+	+	+
5 Օքսի-դացնող նյութեր և օրգանական պեր-օքսիդներ	Օքսիդացնող նյութեր, որոնք նպաստում են այրմանը		5.1	-	-	-	+	+	+	+	+	+	-	-	-	+	-	-	-	+	+	+	+	-	+	+	+	+	+
	Օրգանական պերօքսիդներ, որոնք այրվող են		5.2	-	-	-	+	+	+	+	+	+	-	-	-	+	-	-	-	+	+	+	+	-	+	+	+	+	+
6 Թունա-վոր և վարակիչ նյութեր	Թունավոր նյութեր		6.1	-	-	-	+	+	+	+	+	-	-	-	+	+	-	-	-	+	+	+	+	-	+	+	+	+	+
	Վարակիչ նյութեր		6.2	-	-	-	+	+	+	+	+	-	-	-	+	+	-	-	-	+	+	+	+	-	+	+	+	+	+
7 Ռադի-ոակտիվ նյութեր	Ռադիոակտիվ նյութեր 70 կԲկ/կգ  (նկի/գ) ավելի տեսակարար ակտիվությամբ		7	-	-	-	-	-	-	-	-	-	-	-	-	-	-	-	-	-	-	-	-	+	-	-	-	-	-
8 .Կծու և (կամ) կոռոզիոն նյութեր	Այրիչ և կոռոզիոն նյութեր		8	-	-	-	+	+	+	+	+	+	-	-	+	+	-	-	-	+	+	+	+	-	+	+	+	+	-
9.Այլ վտանգավոր նյութեր	պինդ և հեղուկ:բռնկ +610C-ից +1000C		9.1	-	-	+	+	+	+	+	-	-	-	-	+	+	-	-	+	+	+	+	+	-	+	+	+	+	+
	որոշակի պայմաններում այրիչ և կոռոզիոն		9.2	-	-	-	+	+	+	+	+	+	-	-	+	+	-	-	+	+	+	+	+	-	+	+	+	+	+
	թույլ թունավոր բորբոքիչներ		9.3	-	-	-	+	+	+	+	+	+	-	-	+	+	-	-	+	+	+	+	+	-	+	+	+	+	+
	փաթեթում բարձր ճնշում ունեցող		9.4	-	-	-	+	+	+	+	+	+	-	-	+	+	-	-	+	+	+	+	+	-	+	+	+	+	+

 

 “+” – համատեղ փոխադումը թույլատրվում է

 “-” – համատեղ փոխադրումն արգելվում է

 

Ձև N 7

 

ՎՏԱՆԳԱՎՈՐ ԲԵՌՆԵՐԻ ԴԱՍԵՐԸ ԵՎ ԵՆԹԱԴԱՍԵՐԸ

ԸՍՏ ԲՆՈՒԹԱԳՐԻ ԵՎ ՎՏԱՆԳԻ ԱՍՏԻՃԱՆԻ

 

Դաս 1. Պայթուցիկ նյութեր, որոնք իրենց հատկությունների շնորհիվ կարող են պայթել, պայթյունի գործողությամբ հրդեհ առաջացնել, ինչպես նաև հարմարանքներ, որոնք պարունակում են պայթուցիկ նյութեր և պայթյունի միջոցներ` նախատեսված հրատեխնիկական էֆֆեկտ ստեղծելու համար:

ենթադաս 1.1 - պայթուցիկ և հրատեխնիկական նյութեր ու արտադրանք այնպիսի զանգվածով պայթունի առաջացման վտանգով, որի դեպքում պայթյունն անմիջապես կլանում է բեռն ամբողջությամբ․

ենթադաս 1.2 – ոչ պայթուցիկ զանգվածով պայթուցիկ և հրատեխնիկական նյութեր ու արտադրանք․

ենթադաս 1.3 – չնչին պայթյունի գործողությամբ կամ առանց դրա բռնկվելու վտանգով պայթուցիկ և հրատեխնիկական նյութեր ու արտադրանք․

ենթադաս 1.4 - պայթուցիկ և հրատեխնիկական նյութեր ու արտադրանք, որոնք փոխադրման ժամանակ չնչին պայթունի վտանգ են ներկայացնում միայն բռնկման պայմաններում, որը սարքավորման և փաթեթավորման քայքայում չի առաջացնում․

ենթադաս 1.5 - պայթունի վտանգի զանգվածով պայթուցիկ նյութեր, որոնք այնքան զգայուն չեն, որ փոխադրման ժամանակ բռնկման կամ այրվելուց դետոնացիայի անցման հավանականությունը շատ քիչ է․

ենթադաս 1.6 - արտադրանք, որը պարունակում է դետոնացիայի նկատմամբ բացառապես անզգա նյութեր, զանգվածի չպայթող քանակով և պատահական բռնկման փոքր հավանականությամբ:

Դաս 2. Ճնշման տակ սեղմված, հեղուկացված և լուծված գազեր, որոնք համապատասխանում են հետևյալ պահանջներից որևէ մեկին.

1․50⁰ C  ջերմաստիճանի դեպքում գոլորշիների բացարձակ ճնշումը հավասար կամ բարձր է 3կգ/սմ² (300 կՊա)․

2․կրիտիկական ջերմաստիճանը ցածր է 50⁰ C  

Ըստ ֆիզիկական վիճակի գազերը բաժանվում են`

1․սեղմված, որոնց կրիտիկական ջերմաստիճանը ցածր  է -10⁰ C-ից․

2․հեղուկացված, որոնց կրիտիկական ջերմաստիճանը հավասար կամ բարձր է -10⁰ C-ից,  բայց ոչ ցածր 70⁰ C-ը․

3․հեղուկացված, որոնց կրիտիկական ջերմաստիճանը հավասար կամ բարձր է 70⁰ C-ից․

4․ճնշման տակ լուծված․

5․գերսառեցմամբ հեղուկացված․

6․ աէրոզոլներ և սեղմված գազեր, որոնք ենթակա են հատուկ կարգադրագրերի գործողություններին:

ենթադաս 2.1 - չբռնկվող գազեր․

ենթադաս 2.2 – չբռնկվող թունավոր գազեր․

ենթադաս 2.3 - դյուրավառ գազեր․

ենթադաս 2.4 - դյուրավառ թունավոր գազեր․

ենթադաս 2.5 – քիմիական անկայուն գազեր․

ենթադաս 2.6 -  քիմիկան թունավոր անկայուն գազեր։

Դաս 3.  Դյուրավառ հեղուկներ, հեղուկների խառնուրդներ, ինչպես նաև պինդ մասնիկներ պարունակող հեղուկներ կամ կախույթներ, որոնք անջատում են դյուրավառ գոլորշիներ` փակ անոթում 61⁰ C և ցածր բռնկման ջերմաստիճանով․

ենթադաս 3.1 - բռնկման ցածր ջերմաստիճանով դյուրավառ հեղուկներ և հեղուկներ, որոնք ունեն փակ անոթում -18⁰ C-ից ցածր բռնկման ջերմաստիճան կամ այլ վտանգավոր հատկությունների հետ համատեղ ունեն բռնկման ջերմաստիճան, բացառությամբ դյուրավառությունից․

 ենթադաս 3.2 - բռնկման միջին ջերմաստիճանով դյուրավառ հեղուկներ, որոնց բռնկման ջերմաստիճանը փակ հալքանոթում կազմում է 18⁰ -23⁰ C է․

ենթադաս 3.3 - բռնկման բարձր ջերմաստիճանով դյուրավառ հեղուկներ, որոնց բռնկման ջերմաստիճանը փակ հալքանոթում կազմում է 23⁰ -61⁰ C:

Դաս 4. Դյուրավառ պինդ նյութեր (բացառությամբ՝ պայթուցիկի), որոնք ընդունակ են արտաքին այրման աղբյուրների ազդեցությունից, շփման, խոնավության կլանման, ինքնակամ քիմիական փոխակերպումների կամ տաքացման դեպքում փոխադրման ժամանակ հեշտ բռնկվել:

ենթադաս 4.1 – դյուրավառ պինդ նյութեր, որոնք բռնկման արտաքին աղբյուրների (կայծ, կրակ կամ շփում) կարճատև ազդեցությունից ընդունակ են հեշտ բռնկվել և ակտիվորեն այրվել․

ենթադաս 4.2 – ինքնաբոցավառվող նյութեր, որոնք փոխադրման սովորական պայմաններում կարող են  ինքնաբերաբար տաքանալ և բոցավառվել․

ենթադաս 4.3 – նյութեր, որոնք ջրի հետ փոխազդեցության ժամանակ այրվող գազեր են անջատում:

Դաս 5. Օքսիդացնող նյութեր և օրգանական պերօքսիդներ, որոնք ընդունակ են հեշտությամբ թթվածին անջատել, նպաստել այրմանը, ինչպես նաև համապատասխան պայմաններում կամ այլ նյութերի հետ խառնուրդներում առաջացնել ինքնայրում և պայթյուն։

ենթադաս 5.1 – օքսիդացնող նյութեր, որոնք իրենք իրենց չեն այրվում, բայց նպաստում են այլ նյութերի բռնկմանը, և այրման ժամանակ անջատում են թթվածին, դրանով մեծացնելով բոցի ինտեսիվությունը․

 ենթադաս 5.2 -  օրգանական պերօքսիդներ, որոնք հիմնականում այրվող են, կարող են գործել օքսիդացնող նյութերի պես և վտանգավոր կերպով փոխազդեցության մեջ մտնել այլ նյութերի հետ: Դրանցից շատերը դյուրավառ են և հարվածի ու շփման նկատմամբ զգայուն։

Դաս 6.  Թունավոր և վարակիչ նյութեր, որոնք օրգանիզմ ներթափանցելու կամ մաշկի և լորձաթաղանթի հետ շփվելու դեպքում կարող են առաջացնել մահ, կամ թունավորում, կամ հիվանդություն:

ենթադաս 6.1 – թունավոր նյութեր, որոնք ներշնչելիս (գոլորշի, փոշի) կամ մաշկի հետ շփման դեպքում կարող են առաջացնել թունավորում․

ենթադաս 6.2 – հիվանդածին միկրոօրգանիզմներ պարունակող նյութեր, որոնք  վտանգավոր են մարդկանց և կենդանիների համար:

Դաս 7. Ռադիոակտիվ նյութեր 70 կԲկ/կգ-ից  (նկի/գ) ավելի տեսակարար ակտիվությամբ:

Դաս 8. Կծու և (կամ) կոռոզիոն նյութեր, որոնք առաջացնում են մաշկի վնասում, աչքերի լորձաթաղանթի և շնչառական ուղիների բորբոքում, մետաղների կոռոզիա, տրանսպորտային միջոցների, շինությունների կամ բեռների վնասում, ինչպես նաև օրգանական նյութերի կամ որոշ քիմիական նյութերի հետ փոխազդեցության ժամանակ կարող են առաջացնել հրդեհ:

ենթադաս 8.1 – թթուներ․

ենթադաս 8.2 – հիմնային նյութեր․

ենթադաս 8.3 - տարբեր այրիչ և կոռոզիոն նյութեր։

Դաս 9. Այլ վտանգավոր նյութեր, որոնք ունեն հարաբերական ցածր վտանգավորության աստիճան, սակայն պահանջում  են պահպանման և փոխադրման  որոշակի պայմաններ:

ենթադաս 9.1 – պինդ և հեղուկ այրվող նյութեր, որոնք իրենց հատկություններով չեն դասվում 3-րդ և 4-րդ դասերին, բայց որոշակի պայմաններում կարող են լինել վտանգավոր հրկիզման տեսանկյունից (այրվող հեղուկներ` փակ անոթում բռնկման ջերմաստիճանը  +61⁰ C –ից մինչև + 100⁰ C, մանրաթելեր և այլ նմանատիպ նյութեր)․

ենթադաս 9.2 – նյութեր, որոնք որոշակի պայմաններում դառնում են այրիչ և կոռոզիոն:

 

 

 

 

Հայաստանի Հանրապետության վարչապետի

աշխատակազմի ղեկավար                                               Ա. Հարությունյան

 

 

 

 

 

 

 

 

 

 

 

 

 

 

 

 

 

       Հավելված N 2

ՀՀ Կառավարության

«----»----------2024թ

№---------------որոշման

 

ԿԱՐԳ

ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐԻ ՓՈԽԱԴՐՄԱՆ ԹՈՒՅԼՏՎՈՒԹՅՈՒՆՆԵՐԻ ՏՐԱՄԱԴՐՄԱՆ

 

1. 1. Սույն կարգով սահմանվում են ավտոմոբիլային տրանսպորտով վտանգավոր բեռներ փոխադրելու թույլտվություններ տրամադրելու հետ կապված հարաբերությունները։

2․ Սույն կարգի Ձև N 1-ում նշված վտանգավոր բեռների փոխադրումները Հայաստանի Հանրապետության տարածքում, այդ թվում՝ տարանցիկ, իրականացվում են տրանսպորտի բնագավառի պետական լիազոր մարմնի (այսուհետ՝ լիազոր մարմին) կողմից տրված հատուկ թույլտվության (այսուհետ՝ հատուկ թույլտվություն) հիման վրա։

3․ Հատուկ թույլտվություն ստանալու համար փոխադրողը կամ նրա ներկայացուցիչը լիազոր մարմնին ներկայացնում է հայտ՝ համաձայն Ձև N 4-ի, կցելով հետևյալ փաստաթղթերը՝

1) հայտը.

2) բեռնատար ավտոտրանսպորտային միջոցների (ավտոմոբիլ, քարշակ, կցորդ, կիսակցորդ) հաշվառման վկայագրի պատճենը, իսկ օրենքով սահմանված կարգով օգտագործման իրավունքով պատկանող տրանսպորտային միջոցի համար` համապատասխան պայմանագրի պատճենը.

3) տրանսպորտային միջոցի վտանգավոր բեռներ փոխադրելու թույլտվության վկայականի պատճենը․

4) վարորդի վտանգավոր բեռ փոխադրող ավտոտրանսպորտային միջոց վարելու վկայականի պատճենը․

5) պետական տուրքի վճարման անդորրագրի պատճենը կամ պետական վճարումների էլեկտրոնային համակարգի կողմից գեներացված անդորրագիրը կամ ծանուցման մեջ նշում է գեներացված անդորրագրի 20-նիշանոց ծածկագիրը:

4․ Վտանգավոր բեռի փոխադրման երթուղին մշակում է փոխադրողը։ Երթուղու մշակման ժամանակ սահմանվում են դրա սկզբնակետը, վերջնակետը, միջանկյալ հիմնական կետերը, որոնք կարող են լինել բնակավայրերի անվանումներ, իսկ խոշոր քաղաքներում` փողոցների անվանումներ, հնարավոր կանգառի կետերը, տրանսպորտային միջոցները վառելիքով լիցքավորման կետերը: Վտանգավոր բեռի փոխադրման երթուղին պետք է մշակվի այնպես, որ հնարավորինս բացառվի խոշոր բնակավայրերով, հանգստյան գոտիներով, ճարտարապետական հուշարձանների, արգելանոցների, սողանքային տարածքներով, ինչպես նաև խոշոր արդյունաբերական օբյեկտների և այլ կարևոր հսկվող տարածքներով վտանգավոր բեռի փոխադրումը: Խոշոր բնակավայրերով փոխադրման անհրաժեշտության դեպքում փոխադրման երթուղին չպետք է անցնի մշակութային, կրթական, նախադպրոցական և բուժհաստատությունների տարածքներով:

5․ Լիազոր մարմինը դիմումն ստանալու օրվանից 4 աշխատանքային օրվա ընթացքում վտանգավոր բեռի փոխադրման երթուղին համաձայնեցնում է Հայաստանի Հանրապետության ներքին գործերի նախարարության հետ, եթե երթուղին անցնում է Երևան քաղաքի վարչական տարածքով` այն համաձայնեցնում է նաև Երևանի քաղաքապետի հետ, իսկ  մարդու համար ախտածին` 1-ին և 2-րդ խմբերի միկրոօրգանիզմներ փոխադրելու դեպքում՝ նաև Հայաստանի Հանրապետության առողջապահության նախարարության հետ: 

6. Սույն կարգի 5-րդ կետում նշված մարմինները փոխադրման երթուղու վերաբերյալ իրենց համաձայնությունը տալիս են 3 աշխատանքային օրվա ընթացքում, իսկ համաձայնություն չտալու դեպքում` լիազոր մարմնին նույն ժամկետում գրավոր տեղեկացնում են համաձայնություն չտալու հիմնավոր պատճառների մասին, միաժամանակ ներկայացնելով այլընտրանքային երթուղի, որը պետք է լինի առկա հնարավոր երթուղիներից ամենակարճը: Համաձայնություն չտրվելու դեպքում, եթե չի ներկայացվում սույն կետի պահանջներին համապատասխան այլընտրանքային երթուղի, ապա համաձայնությունը համարվում է տրված:
7. Մարդու համար ախտածին 1-2 խմբերի միկրոօրգանիզմներ փոխադրելու դեպքում Հայաստանի Հանրապետության առողջապահության նախարարությունը 3 աշխատանքային օրվա ընթացքում տալիս է իր համաձայնությունը, կամ համաձայնություն չտալու դեպքում` հիմնավոր պատճառների և իրավական հիմքերի մասին գրավոր տեղեկացնում է լիազոր մարմնին:

8․ Սույն կարգի 4-րդ կետում նշված բոլոր մարմինների հետ փոխադրման երթուղին համաձայնեցնելուց հետո 2 աշխատանքային օրվա ընթացքում լիազոր մարմինը կայացնում է որոշում հատուկ թույլտվություն տրամադրելու կամ մերժելու վերաբերյալ և տեղեկացնում փոխադրողին։

9․ Լիազոր մարմինը մերժում է հատուկ թույլտվություն ստանալու վերաբերյալ դիմումը, եթե՝

1) փոխադրողի կողմից սույն կարգի 3-րդ կետում նշված փաստաթղթերը ներկայացվել են թերի և «Վարչարարության հիմունքների և վարչական վարույթի մասին» Հայաստանի Հանրապետության օրենքի համաձայն՝ 2 աշխատանքային օրվա ընթացքում մատնանշված թերությունները փոխադրողի կողմից չեն վերացվել․

2) վտանգավոր բեռի փոխադրումը չի համապատասխանում ԱԴՌ համաձայնագրի պահանջներին.

3) սույն կարգի 5-րդ կետով նախատեսված համաձայնեցումների արդյունքում առաջարկվել է այլ երթուղով փոխադրումն իրականացնել, որից փոխադրողը հրաժարվել է․

4) փոխադրողը չի վճարել «Պետական տուրքի մասին» Հայաստանի Հանրապետության օրենքին համապատասխան տուրքը:

10. Հատուկ թույլտվություն տրվում է վտանգավոր բեռների փոխադրման համար նախատեսված տրանսպորտային միջոցի մեկ կամ մի քանի երթևեկության համար համաձայն՝ Ձև N 3-ի, դրան կցելով փոխադրման համաձայնեցված երթուղին՝ համաձայն Ձև N 2-ի։

11․ Վտանգավոր բեռներ փոխադրող տրանսպորտային միջոցի սահմանված մշտական ​​երթուղով շարժման դեպքում թույլտվությունը տրվում է մինչև մեկ տարի ժամկետով։

12. Լիազոր մարմինը վարում է տրված թույլտվությունների գրանցամատյան՝ համաձայն Ձև N 5-ի։

 

Ձև N 1

ՑԱՆԿ

ԲԱՐՁՐ ՎՏԱՆԳԱՎՈՐՈՒԹՅԱՆ ԲԵՌՆԵՐԻ,  ՈՐՈՆՑ ՓՈԽԱԴՐՄԱՆ ՀԱՄԱՐ ՊԱՀԱՆՋՎՈՒՄ Է ԹՈՒՅԼՏՎՈՒԹՅՈՒՆ

Դաս	Խումբ	Նյութ կամ պատրաստվածք	Քանակություն
			Ցիստեռն (լ) գ	Զանգվածով/ սորուն (կգ) դ	Փաթեթներ (կգ)
1	1.1	Պայթուցիկներ	կիրառելի չէ	կիրառելի չէ	0
	1.2	Պայթուցիկներ	կիրառելի չէ	կիրառելի չէ	0
	1.3	«C» համատեղելիության խմբի պայթուցիկներ	կիրառելի չէ	կիրառելի չէ	0
	1.4	ՄԱԿ-ի նշագրման 0104, 0237, 0255, 0267, 0289, 0361, 0365, 0366, 0440, 0441, 0455, 0456 եւ 0500 համարների պայթուցիկներ	կիրառելի չէ	կիրառելի չէ	0
	1.5	Պայթուցիկներ	0	կիրառելի չէ	0
2		Դյուրավառ գազեր (ընդգրկվում են միայն F տառի տակ ներառված դասակարգման կոդերը)	3000	կիրառելի չէ	չի կիրառվում
		Թունավոր գազեր (T, TF, TC, TO, TFC կամ TOC տառերը ներառող դասակարգման կոդեր)՝ բացառությամբ աերոզոլների	0	կիրառելի չէ	0
3		I և II փաթեթավորման խմբերի դյուրավառ հեղուկներ	3000	կիրառելի չէ	չի կիրառվում
		Ապազգայունացված պայթուցիկներ	0	կիրառելի չէ	0
4.1		Ապազգայունացված պայթուցիկներ	կիրառելի չէ	կիրառելի չէ	0
4.2		Փաթեթավորման I խմբի նյութեր	3000	կիրառելի չէ	չի կիրառվում
4.3		Փաթեթավորման I խմբի նյութեր	3000	կիրառելի չէ	չի կիրառվում
5.1		Փաթեթավորման I խմբին պատկանող օքսիդացնող նյութեր	3000	կիրառելի չէ	չի կիրառվում
		Պերքլորատներ, ամոնիումի նիտրատներ, ամոնիումի նիտրատ պարարտանյութեր և ամոնիումի նիտրատ էմուլսիաներ կամ սուսպենզիաներ կամ ժելեներ	3000	3000	չի կիրառվում
6.1		Փաթեթավորման I խմբի թունավոր նյութեր	0	կիրառելի չէ	0
6.2		«A» կատեգորիայի վարակիչ նյութեր (ՄԱԿ-ի նշագրման 2814 եւ 2900 համարներ՝ բացառությամբ կենդանական ծագմամբ նյութերի)	կիրառելի չէ	0	0
8		Փաթեթավորման I խմբի կոռոզիոն նյութեր	3000	կիրառելի չէ	չի կիրառվում

 

 

Ձև N 2

Նմուշի դիմերես

 

ՎՏԱՆԳԱՎՈՐ  ԲԵՌԻ  ՓՈԽԱԴՐՄԱՆ  ԵՐԹՈՒՂՈՒ  ՁԵՎԱԹՈՒՂԹ

DANGEROUS CARGO TRANSPORTATION ROUTE FORM

 

   ՀԱՄԱՁԱՅՆԵՑՎԱԾ  Է                                                                                                        

ՀՀ ՆԳՆ «Ճանապարհային ոստիկանություն»  ծառայություն

Agreed upon

"Road Police" Service of MIA of the RA

__________________________________________       

                                                                                                          պատասխանատու անձ

                                                                                                                                          Person in charge 

__________________________________    _____________________

անուն, ազգանուն                                ստորագրություն  

                                                                         first name, last name                              signature                                                  

                                                                        «_____»____________20_____թ

 

   ՀԱՄԱՁԱՅՆԵՑՎԱԾ  Է                                                                                                        

Երևանի քաղաքապետարան (ըստ անհրաժեշտության)

Agreed upon

Yerevan Municipality (as appropriate)

                                                             __________________________________________       

                                                                                                            պատասխանատու անձ

                                                                                                                                                     Person in charge 

__________________________________    _____________________

անուն, ազգանուն                              ստորագրություն   

                                                                                                                           first name, last name                              signature                                                   

                                                                        «_____»____________20_____թ.

 

                                                                                                            

Բեռնառաքողի ներկայացուցիչ

Representative of the consignor

                                                             __________________________________________

       

                                                                        «_____»____________20_____թ

 

 

ՎՏԱՆԳԱՎՈՐ  ԲԵՌԻ  ՓՈԽԱԴՐՄԱՆ  ԵՐԹՈՒՂԻ

Dangerous Cargo Transportation Route

Վտանգավոր բեռի` Dangerous cargo	անվանումը name	դասը class	ՄԱԿ համարը number of the UN	Վտանգի նշանը danger sign
Մեկ տրանսպորտային միջոցի վրա  բեռի ընդհանուր քաշը  _______________  տոննա The total weight of the load on a vehicle                                                              ton(s) Բեռը փոխադրող տրանսպորտային միջոցների  քանակը     _______________   մեքենա Number of Cargo carrying vehicles                                                                     vehicle
Տրանսպորտային միջոցի(ների) քանակը, տեսակը, մակնիշը, մոդելը, հաշվառման համարանիշը The number, type, make, model, registration number of  Vehicle(s)
ՇԱՐԺՄԱՆ ՀԱՏՈՒԿ ՊԱՅՄԱՆՆԵՐ SPECIAL TERMS OF MOVEMENT
1. Արագությունը շարժման ընթացքում/ The speed of movement ____________________________________________ 2.Պաշտպանությունը և պահպանումը (ամբողջ երթուղում, առանձին մասերում)/ Protection and maintenance (the entire route, separate parts) __________________________________________________________________________ 3.Ուղեկցումը (ամբողջ երթուղում, առանձին մասերում)/ Escorting (the entire route, separate parts) ______________________________________________________________________________________________4. Շարժումը գիշերվա ընթացքում (թույլատրված է, արգելված է)     The movement during the night (allowed, prohibited)

 

 

Նմուշի դարձերես

        

ՓՈԽԱԴՐՄԱՆ ԵՐԹՈՒՂԻՆ` սկզբնակետը, վերջնակետը, միջանկյալ հիմնական կետերը TRANSPORTATION  ROUTE the starting point, destination, the main intermediate points
Վթարի դեպքում համապատասխան մարմինների գտնվելու վայրը և հեռախոսահամարները In case of accident, location and telephone numbers of appropriate authorities
Միջանկյալ կետերը, որտեղ  անհրաժեշտության դեպքում կարելի է հանձնել բեռը The intermediate points, where necessary, to deliver the cargo
Կանգառի կետերը Stopping points
Վառելիքով լիցքավորման կետերը Fuel charging points
Բեռնառաքողի գտնվելու վայրը և հեռախոսահամարը Address and telephone number of the consignor
Բեռը ստացողի գտնվելու վայրը և հեռախոսահամարը Address and telephone number of the consignee

 

 

  

 

 

 

 

Ձև N 3

Նմուշի դիմերես

 

ՀԱՏՈՒԿ  ԹՈՒՅԼՏՎՈՒԹՅՈՒՆ №

ՎՏԱՆԳԱՎՈՐ ԲԵՌԻ ՄԻՋՊԵՏԱԿԱՆ ԱՎՏՈՄՈԲԻԼԱՅԻՆ ՓՈԽԱԴՐՈՒՄՆԵՐԻ

SPECIAL PERMISSION   №

TO THE INTERNATIONAL AUTOMOBILE TRANSPORTATION OF A DANGEROUS FREIGHT

 

Փոխադրողի անվանումը Name of carrier
Փոխադրողի գտնվելու վայրը Locations of carrier
Փոխադրվող վտանգավոր բեռի Dangerous freight transportation	անվանումը Name			դասը     Class		ՄԱԿ համարը UN number	Նկարագրությունը description
Տրանսպորտային միջոցի տեսակը, մակնիշը, մոդելը Type, mark, model of vehicle
Հաշվառման համարանիշը` Registration number	տրանսպորտային միջոցի vehicle					կիսակցորդի semitrailer		կցորդի trailer
Թույլտվության գործողության ժամկետը The period of validity of permission					Թույլատրելի փոխադրումների քանակը Quantity of permitted trips
<<____>>_____20  մինչև/to <<____>>_____.20 թ.
Բեռը առաքողի անվանումը, գտնվելու վայրը  և հեռախոսահամարը Consignor’s name, address and phone number
Բեռը ստացողի անվանումը, գտնվելու վայրը և հեռախոսահամարը Freight recipient name, address and phone number
Փոխադրման երթուղու սկզբնակետը, վերջնակետը, միջանկյալ հիմնական կետերը The transmission route starting point, final point, the main middle points
Երթուղու միջանկյալ կետերը, վթարային ծառայության հեռախոսահամարը Addresses of enroute waypoints of transportation and emergency service phone number
Կանգառի կետերը Stals (car-park)
Վառելիքի լիցքավորման կետերը Fuel charging spots
Թույլտվությունը տրամադրող պաշտոնատար անձը, ստորագրությունը The official person issuing the permit, signature			ԿՏ «______»_________20       թ

 

 

Նմուշի դարձերես

 

 

Հատուկ թույլտվության գործողությունների առանձնահատուկ պայմաններ Of the special permission actions specific conditions	Նշումներ Marks
Սահմանափակումներ Restrictions

 

 

 

 

 

 

 

 

Ձև N 4

                             ____________________________________

____________________________________

(լիազոր մարմնի անվանումը)

   

Հ Ա Յ Տ 

 

Ավտոմոբիլային տրանսպորտով «____»______20   թ.-ից մինչև «____»______20   թ.-ը  վտանգավոր բեռ փոխադրելու համար խնդրում եմ հատկացնել թույլտվություն, որի համար ներկայացնում եմ հետևյալ տեղեկատվությունը.

1. ________________________________________________________________________

(փոխադրողի անվանումը կամ անուն ազգանունը, գտնվելու վայրը, հեռախոսահամարը)

   ________________________________________________________________________

 

2. ________________________________________________________________________

(վտանգավոր բեռի անվանումը, դասը, նույնականացման (ՄԱԿ) համարը, նկարագրությունը)

   ________________________________________________________________________

 

3. ________________________________________________________________________

(տրանսպորտային միջոցի  (կցորդի, կիսակցորդի) տեսակը, մակնիշը, մոդելը,  հաշվառման համարանիշը)

   ________________________________________________________________________

 

4. ________________________________________________________________________

(վտանգավոր բեռի փոխադրման երթուղու սկզբնակետը, վերջնակետը և միջանկյալ հիմնական կետերը)

   ________________________________________________________________________  

 

   ________________________________________________________________________

 

   ________________________________________________________________________

 

   _________________________________________________________________________

 

5. ________________________________________________________________________

(վտանգավոր բեռը  առաքողի անվանումը, գտնվելու վայրը, հեռախոսահամարը) կետը լրացվում է,

   ________________________________________________________________________

եթե բեռը չի պատկանում փոխադրողին

6. ________________________________________________________________________

(վտանգավոր բեռը  ստացողի անվանումը, գտնվելու վայրը, հեռախոսահամարը) կետը լրացվում է,

   ________________________________________________________________________

եթե բեռը ստացողը չի հանդիսանում  փոխադրողը

7. ________________________________________________________________________

(լրացուցիչ տեղեկատվություն` վառելիքով լիցքավորման կետերը, կանգառի կետերը և այլն)

  _________________________________________________________________________

 

Կից ներկայացնում եմ պահանջվող փաստաթղթերը:

Նախապես ծանոթացել եմ ավտոմոբիլային տրանսպորտով վտանգավոր բեռներ փոխադրելու պահանջներին և պարտավորվում եմ ապահովել դրանց կատարումը:

 

Ներկայացված փաստաթղթերի իսկությունը հավաստում եմ`

 

Հայտատու     __________________           ____________________________

                                       ստորագրություն                                         փոխադրողի անվանումը

                                                          «____»______20     թ.

 

 

 

 

 

 

 

 

 

 

 

 

 

Ձև N 5

 

Գ Ր Ա Ն Ց Ա Մ Ա Տ Յ Ա Ն

 

ԱՎՏՈՄՈԲԻԼԱՅԻՆ ՏՐԱՆՍՊՈՐՏՈՎ ՎՏԱՆԳԱՎՈՐ ԲԵՌՆԵՐ ՓՈԽԱԴՐԵԼՈՒ ՀԱՅՏԵՐԻ ԵՎ ՏՐՎԱԾ  ԹՈՒՅԼՏՎՈՒԹՅՈՒՆՆԵՐԻ

 

 

Հայտի գրանցման		Փոխադրողի անվանումը և գտնվելու վայրը	Տրանսպորտային միջոցի (կցորդի, կիսակցորդի)		Վտանգավոր բեռի			Թույլտվության տրման		Փոխադրման երթուղին	Թույլտվության գործողության ժամկետը	Հայտի մերժման		Թույտվությունը ստացողի
համարը	ամսա-թիվը		մակնիշը	հաշվառման համարանիշը	անվանումը	ՄԱԿ համարը	դասը	համարը	ամսաթիվը			ամսաթիվը և համարը	պատճառը	անուն, ազգանուն	ստորագրությունը, ամսաթիվը
1	2	3	4	5	6	7	8	9	10	11	12	13	14	15	16

 

 

 

Հայաստանի Հանրապետության վարչապետի

աշխատակազմի ղեկավար                                               Ա. Հարությունյան