«Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագիծ

Եթե նույնիսկ պայմանականորեն ընդունենք, ենթադրենք, թե այս փոփոխությունները վարչական վերահսկողության նպատակով պիտանի են և անհրաժեշտ, ապա չափավորության տեսանկյունից, գտնում եմ, որ չի դիտարկվել։ Մասնավորապես` համանման բազմաթիվ փոփոխությունների հաշվառմամբ, գտնում եմ, որ վարչարարության խստացման հետ մեկտեղ անտեսվում է հարկ վճարողների նկատմամբ սահմանվող նմանատիպ պահանջների իրագործելիության հնարավորությունը, այն ռեսուրսը, որը պիտի ծախսի հարկ վճարողը, որպեսզի հարկային մարմինն իր տեղում նստած ինքնաշխատ կարպով ստուգումներ իրականացնի։ Երբևէ չնախաձեռնվեց մի նախագիծ, որը կլուծեր այն կոնկրետ խնդիրները, որոնք հարկային մարմնի և հարկ վճարողների միջև դատական վեճի առարկա հանդիսացող խնդիրները կլուծեր։ Նման վերլուծության արդյունքները կստիպեն նման նախաձեռնությունները կատարելիս, հարցերը դիտարկել ոչ միայն հարկային մարմնին հարմար, այլ հարմար նաև հարկ վճարողներին։