Հիշել նախագիծը

Լրամշակման փուլում է

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՍԵՊՏԵՄԲԵՐԻ 9-Ի N 1251-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

  • 1 - Կողմ

  • 85 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Ռոլանդ Ավոյան 02.04.2024 21:20:42 Փոփոխություններ և լրացումներ կատարելու մասին նախագծով նախաձեռնող մարմինը նախատեսել է նոր տեսակի՝ լատիներեն «H» տառը պարունակող կարմիր հիմնագույնի համարանիշեր՝ «պատվավոր հյուպատոսների տրանսպորտային միջոցների համար»։ Մինչդեռ, հաշվի չի առնվել այն հանգամանքը, որ տրանսպորտային միջոցները պատկանում են ոչ թե «պատվավոր հյուպատոսին» որպես ֆիզիկական անձի, այլ վերջինիս կողմից ղեկավարվող «հյուպատոսական հիմնարկին», ուստի նախագծում իրավահարաբերության «սուբյեկտի» վերաբերյալ տեղ գտած ձևակերպումները՝ չեն համապատասխանում «Հյուպատոսական կապերի մասին» 1963 թվականի ապրիլի 24-ի Վիեննայի Կոնվենցիոնալ հասկացություններին, ըստ որի՝ «պատվավոր հյուպատոսի» ինստիտուտը ըստ էության արդեն իսկ ներառված է «հյուպատոսական հիմնարկ» հասկացության մեջ, ինչպիսի ձևակերպումն արդեն իսկ առկա է գործող իրավական ակտի շարադրանքում, հետևաբար նախագծում տեղ գտած՝ «հյուպատոսական հիմնարկների և պատվավոր հյուպատոսների» ձևակերպումները արհեստականորեն տարաջատում են պատվավոր հյուպատոսների կողմից ղեկավարվող հյուպատոսական հիմնարկները՝ հաստիքային հյուպատոսների կողմից ղեկավարվող հյուպատոսական հիմնարկներից, մինչդեռ՝ Կոնվենցիան որևէ կերպ չի տարանջատում «պատվավոր հյուպատոսի» ինստիտուտը «հյուպատոսկան հիմնարկից» (տե՛ս Կոնվենցիայի 1-ին հոդվածի 2-րդ մասը և Կոնվենցիայի 3-րդ գլուխը)։ Այսինքն, նախագծով արհեստականորեն տարանջատվել է «հյուպատոսական հիմնարկ» և «պատվավոր հյուպատոս» եզրույթները, քանզի պատվավոր հյուպատոսի կողմից ղեկավարվող հիմնարկը Կոնվենցիայի իմաստով ևս «հյուպատոսական հիմնարկ» է (տե՛ս Կոնվենցիայի 1-ին հոդվածի 2-րդ մասը և Կոնվենցիայի 3-րդ գլուխը)։ Այս առումով հարկ է նաև նկատել, որ պատվավոր պաշտոնատար անձի կողմից ղեկավարվող հյուպատոսական հիմնարկին սեփականության իրավունքով պատկանող գույքը, այդ թվում՝ տրանսպորտային միջոցները, չեն կարող նույնանալ որպես ֆիզիկական անձ՝ «պատվավոր պաշտոնատար անձին» կամ «պատվավոր հյուպատոսին» սեփականության իրավունքով պատկանող գույքի հետ, իսկ նախագծով առաջարկվող փոփոխությունը թերևս վերաբերելի է Կոնվենցիոնալ հաստատության՝ «պատվավոր պաշտոնատար անձի» կողմից ղեկավարվող «հյուպատոսական հիմնարկին» պատկանող տրանսպորտային միջոցների հաշվառման կարգին, և ոչ թե ֆիզիկական անձանց տրանսպորտային միջոցների հաշվառման իրավական կարգավորումներին և առանձնահատկություններին։ «Հյուպատոսական կապերի մասին» Վիեննայի 1963 թվականի ապրիլի 24-ի Կոնվենցիայի 1-ին՝ «Սահմանումներ» վերտառությամբ հոդվածի համաձայն, բացահայտվում են Կոնվենցիայում օգտագործվող սահմանումերը (2-րդ մաս)՝ «Գոյություն ունի հյուպատոսական պաշտոնատար անձանց երկու կարգ` հյուպատոսական հաստիքային պաշտոնատար անձինք և հյուպատոսական պատվավոր պաշտոնատար անձինք»: Կոնվենցիայի 2-րդ գլխի դրույթները տարածվում են այն հյուպատոսական հիմնարկների վրա, որոնք ղեկավարվում են հաստիքային հյուպատոսական պաշտոնատար անձանց կողմից, 3-րդ գլխի դրույթները տարածվում են այն հյուպատոսական հիմնարկների վրա, որոնք ղեկավարվում են պատվավոր հյուպատոսական պաշտոնական անձանց կողմից (տե՛ս Կոնվենցիայի «ՀՅՈՒՊԱՏՈՍԱԿԱՆ ՊԱՏՎԱՎՈՐ ՊԱՇՏՈՆԱՏԱՐ ԱՆՁԱՆՑ ԵՎ ՆՄԱՆ ԱՆՁԱՆՑ ԿՈՂՄԻՑ ԳԼԽԱՎՈՐՎՈՂ ՀՅՈՒՊԱՏՈՍԱԿԱՆ ՀԻՄՆԱՐԿՆԵՐԻ ՆԿԱՏՄԱՄԲ ԿԻՐԱՌՎՈՂ ՈՒԺԵՐԸ» վերտառությամբ 3-րդ գլուխը): Հիշյալ հոդվածների վերլուծությունը վկայում է այն մասին, որ պատվավոր հյուպատոսական պաշտոնատար անձինք (պատվավոր հյուպատոսները) ևս ղեկավարում են «հյուպատոսական հիմնարկ», որոնց վերաբերելի են Կոնվենցիայի 3-րդ գլխի դրույթները։