«ԱՐՄԱՎԻՐԻ Հ. 4 ԱՎԱԳ ԴՊՐՈՑ » ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ «ԱՐՄԱՎԻՐԻ Ռ.ԵՂՈՅԱՆԻ ԱՆՎԱՆ Հ.1 ԱՎԱԳ ԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՄԻԱՑՄԱՆ ՁԵՎՈՎ ՎԵՐԱԿԱԶՄԱԿԵՐՊԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒԼԻՍԻ 25-Ի N 1392-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՄԱՅԻՍԻ 6-Ի N 575-Ն ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

«ԱՐՄԱՎԻՐԻ Հ. 4 ԱՎԱԳ ԴՊՐՈՑ »  ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ «ԱՐՄԱՎԻՐԻ Ռ.ԵՂՈՅԱՆԻ ԱՆՎԱՆ Հ.1  ԱՎԱԳ ԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՄԻԱՑՄԱՆ  ՁԵՎՈՎ ՎԵՐԱԿԱԶՄԱԿԵՐՊԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒԼԻՍԻ 25-Ի N 1392-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՄԱՅԻՍԻ 6-Ի N 575-Ն ՈՐՈՇՈՒՄՆԵՐԻ  ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ»  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ

Անհրաժեշտությունը

Հայաստանի Հանրապետության կառավարության որոշման նախագծի ընդունման անհրաժեշտությունը պայմանավորված է Հայաստանի Հանրապետության Արմավիր մարզի Արմավիր քաղաքում գործող Հայաստանի Հանրապետության կրթության, գիտության, մշակույթի և սպորտի նախարարության ենթակայության՝  2 ավագ դպրոցների՝ Արմավիրի Ռ. Եղոյանի անվան թիվ 1 ավագ և Արմավիրի թիվ 4 ավագ դպրոցների սովորողների աշակերտների թվի նվազման և ուսումնական տարածքների (շենքերի) օպտիմալ օգտագործմամբ:

Ընթացիկ իրավիճակը և կարգավորման նպատակը

Արմավիրի թիվ 1 ավագ դպրոցում 2022-2023 ուսումնական տարվա ընթացքում սովորողների թվաքանակը կազմել է  287 աշակերտ։ Շենքը նախագծային հզորությամբ նախատեսված է 1000  աշակերտի համար։ Արմավիրի թիվ 1 ավագ դպրոցում 2022-2023 ուսումնական տարում 287 աշակերտի համար կոմպլեկտավորվել է 10 դասարան՝ 4 հատ 10-րդ, 5 հատ 11-րդ և 1 հատ 12-րդ դասարան, ուսուցիչների թիվը 28 է։ Յոթ ուսուցչի շնորհվել է որակավորման առաջին աստիճանի տարակարգ, 18 ուսուցիչ հաջողությամբ մասնակցել է կամավոր ատեստավորման գործընթացին և 18-ն էլ ստանում են հավելավճար։

Արմավիրի թիվ 4 ավագ դպրոցում 2022-2023 ուսումնական տարվա ընթացքում սովորողների թվաքանակը կազմել է   244 աշակերտ։ Շենքը նախագծային հզորությամբ  նախատեսված է 680  աշակերտի համար։ Արմավիրի թիվ 4 ավագ դպրոցում 2022-2023 ուսումնական տարում 243 աշակերտի համար կոմպլեկտավորվել է 12 դասարան՝ 5 հատ 10-րդ, 3 հատ 11-րդ և 4 հատ 12-րդ դասարան, ուսուցիչների թիվը 26 է։ Երկու ուսուցչի շնորհվել է որակավորման առաջին աստիճանի տարակարգ։

     Հայաստանի Հանրապետության կրթության, գիտության, մշակույթի և սպորտի նախարարությունը  առաջարկում է Արմավիրի թիվ 4  ավագ դպրոցը միացնել Արմավիրի թիվ 1 ավագ դպրոցին՝ հաշվի առնելով այն հանգամանքը, որ Արմավիրի թիվ 1 ավագ դպրոցն ունի առավել բարենպաստ շենքային պայմաններ,  գտնվում է քաղաքի գրեթե կենտրոնական հատվածում, ունի ցանկապատված ընդարձակ տարածք, կանաչապատ  հողատարածք,  բացօթյա մարզահրապարակ, 2 մարզադահլիճ, 2 ապաստարան,  և նախագծային հզորությունը (նախատեսված 1000 աշակերտի համար) լիովին կբավարարի 2 ավագ դպրոցների բոլոր աշակերտների ուսումնական գործընթացը բնականոն կերպով կազմակերպելու համար։ Հաշվի առնելով վերոնշվածը՝ Հայաստանի Հանրապետության կրթության, գիտության, մշակույթի և սպորտի նախարարությունը մշակել է  և քննարկման է ներկայացնում     «Արմավիրի հ. 4 ավագ դպրոց»  պետական ոչ առևտրային կազմակերպությունը «Արմավիրի Ռ.Եղոյանի անվան հ.1  ավագ դպրոց» պետական ոչ առևտրային կազմակերպությանը միացման  ձևով վերակազմակերպելու, Հայաստանի Հանրապետության կառավարության 2002 թվականի հուլիսի 25-ի N 1392-Ն որոշման մեջ և Հայաստանի Հանրապետության կառավարության 2010 թվականի մայիսի 6-ի N 575-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագիծը :

Միացման արդյունքում, նոր հաստիքացուցակի հաստատմամբ հնարավոր են հաստիքների  կրճատումներ, մասնավորապես վարչական և ուսումնաօժանդակ, պայմանավորված նոր ուսումնական տարվա սկզբին արտադրական ծավալների փոփոխմամբ  / աշակերտների թվի փոփոխություն/:

4. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Հայաստանի Հանրապետության կրթության, գիտության, մշակույթի և սպորտի նախարարության կողմից։

5. Իրավական ակտի կիրառման դեպքում ակնկալվող արդյունքը

Հանրության բարձրորակ կրթության ապահովման համար ստեղծել պայմաններ, կրթական ուսումնական հաստատությունները համալրել մանկավարժական ներուժով:

6. «Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ».

Որոշման նախագիծը բխում է Կառավարության 2021-2026թթ. ծրագրի «Կրթություն բաժնում ամրագրված ծրագրերից, մասնավորապես՝  հանրակրթության  ոլորտում առկա  խնդիրների լուծման համար անհրաժեշտ հանրակրթության ամբողջական և շեշտակի փոփոխություն, որի հիմնաքարերից մեկը  մինչև 2026 թվականը հանրակրթության դպրոցներում ապահովել անհրաժեշտ գույքով և սարքավորումներով: Համապատասխան տարծքների առկայության դեպքում հնարավորություն կնձեռնվի հանրակրթական նոր չափորոշիչների ամբողջական ներդրումը դպրոցի բոլոր դասարաններում՝ ապահովելով դպրոցական արդիական ու հագեցված ենթակառուցվածքներ, ներառական ու զարգացող միջավայր:

Որոշման նախագծի ընդունման կապակցությամբ պետական կամ տեղական ինքնակառավարման մարմինների բյուջեում ծախսերի և եկամուտների էական ավելացում կամ նվազեցում չի նախատեսվում: