Հիշել նախագիծը

ԿՐԹՈՒԹՅԱՆ ԵՎ ԳԻՏՈՒԹՅԱՆ ԲՆԱԳԱՎԱՌՆԵՐՈՒՄ ՆՇԱՆԱԿԱԼԻ ՆՎԱՃՈՒՄՆԵՐ ՈՒՆԵՑՈՂ ՔԱՂԱՔԱՑԻՆԵՐԻՆ ՇԱՐՔԱՅԻՆ ԿԱԶՄԻ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ 2022 ԹՎԱԿԱՆԻ ԱՄԱՌԱՅԻՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ

  • 15 - Կողմ

  • 1 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 Գագիկ Երիցյան 28.06.2022 09:25:15 Նշված է, թե մինչև հուլիսի 25-ը ուսանող հանդիսացող քաղաքացին պետք է զինկոմիսարիատ ներկայացնի հրամանագրվելու վերաբերյալ ուս․ հաստատության կողմից տրամադրված կանք, այսինքն խոսքը արդեն պաշտոնապես գրանցումից հետո ուսանող լինելու մասին տեղականքի ստացմանն է վերաբերվում։ Սակայն այստեղ ծագում է ժամկետների ողջամտության հարց։ Կոնկրետ մեր դեպքում մինչ այսօր՝ 28․06․-ը, դպրոցի ավարտական վկայականը՝ ատեստատը, դեռ տրամադրված չէ ու նույնիսկ պատկերացում չունենք երբ է լինելու։ Իսկ ինչպես բոլորիս հայտնի է, առանց ատետսատի ներկայացման որևէ բուհ դիմորդին չի հրամանագրում։ Եթե նույնիսկ ենթադրենք, թե այս շաբաթվա ընթացքում ատետսատը տրամադրվի (ինչը քիչ հավանական է), ապա մինչև հուլիսի 25-ը ,մնում է ընդամենը14 աշխատանքային օր։ Միանշանակ նշյալ ժամկետում չի կարող անձը հասցնել նոտարական թարգմանության տալ տվյալ ատեստատը, հետո ստանալ վիզա, մեկնել արտասահմանյան տվյալ բուհ, պաշտոնական ադմինիստրատիվ գրանցում անցնել բուհում՝ հրամանագրվելով որպես ուսանող ու դրա հիմամբ ստացած տեղեկանքը ներկայացնել զին․ կոմիսարիատ։ Ավելին՝ նույնիսկ եթե տվյալ բուհում գրանցումը լինի հեռավար(որոշ բուհեր այդ տարբերակը ևս կիրառում են), ապա միևնույն է այս դեպքում էլ չի հասցնի, որովհետև քիչ հավանական է հազարավոր դիմորդների գրանցման պարագայում տվյալ դիմորդը գրանցումը հենց առաջիննների մեջ լինի ու 14 օրում հասցնեն գրանցել՝ դա ադմինիստրատիվ աշխատանք է ու պրոցեսների իրականացումը ժամանակ է պահանջում նաև բուհից։ Եվ սա մենք խոսում ենք այն մաիսն, եթե ատեստատաը այսօր-վաղը տրամադրվի, իսկ եթե ավելի ուշ տրամադրվի ?: Առաջարկում եմ ուս․ հաստատության կողմից պաշտանապես հրամանագրված լինելու մասին տեղեկանքի ներկայացման ժամկետը սահմանել մինչև սեպտեմբերի 10։ Ընդունվել է մասամբ Նախագծում հուլիսի 25-ը փոխարինվել է 27-ով, բացի այդ նախագծով նախատեված է, որ ընդունելության ավելի ուշ ժամկետների դեպքում՝ տվյալ բուհից տեղեկանք ընդունվելու ժամկետների մասին
2 Գագիկ Երիցյան 28.06.2022 10:48:32 Որպես տվյալ բուհի ուսանող հրամանագրված լինելու մասին զինկոմիսարիատ համապատասխան տեղեկանքը ներկայացնելու ժամկետի վերաբերյալ նախորդ առաջարկիս ի հավելում, կառաջարկեմ վերջնաժամկետի մասը որոշման նախագծի մեջ վերաձևակերպել մոտավոր նույն կոնտեքստում, ինչ ՀՀ կառավարության 2018 թվականի ապրիլի 12-ի N 451-Ն որոշմամբ սահմանված կարգի 11 և 12 կետերում է նշված, իհարկե ձևափոխելով/ հարմարեցնելով քննարկվող դեպքին․ 11. Ստացած տարկետման ժամկետի ընթացքում յուրաքանչյուր տարվա մինչև սեպտեմբերի 30-ը քաղաքացին կամ նրա օրինական ներկայացուցիչը կամ նրա կողմից լիազորված անձը Կրթության, գիտության, մշակույթի և սպորտի նախարարություն և քաղաքացու զինվորական հաշվառումն իրականացրած ստորաբաժանում են ներկայացնում համապատասխան ուսումնական հաստատության կողմից տրված տեղեկանքները` հաջորդ կուրս փոխադրվելու վերաբերյալ: 12. Տրված տարկետման ժամկետի ընթացքում ուսումնառությունը դադարեցվելու, ինչպես նաև սույն կարգի 11-րդ կետով նախատեսված փաստաթղթերը սահմանված ժամկետում չներկայացվելու դեպքերում Հայաստանի Հանրապետության կրթության և գիտության բնագավառի պետական լիազոր մարմինը Հայաստանի Հանրապետության կառավարություն է ներկայացնում քաղաքացուն տրված տարկետումը դադարեցնելու մասին Հայաստանի Հանրապետության կառավարության որոշման նախագիծ, որի ընդունումից հետո քաղաքացին կորցնում է տարկետման իրավունքը և ենթակա է պարտադիր զինվորական ծառայության զորակոչի՝ օրենքով սահմանված կարգով: Չի ընդունվել Նախագծով նախատեված է, որ ընդունելության ավելի ուշ ժամկետների դեպքում քաղաքացին ներկայացնում է տվյալ բուհից տեղեկանք ընդունվելու ժամկետների մասին:
3 Նանե Խաչատրյան 28.06.2022 10:33:33 Առաջարկս վերաբերվում է բուհի ուսանող լինելու մասին տեղեկանքը զինվորական կոմիսարիատ ներկայացնելու վերջնաժամկետին։ Շատ համալսարաններ պահանջում են դիմորդի անձամբ ներկայությունը արդեն որպես ուսանող գրանցվելու(հրամանագրվելու) համար։ Ինչը նշանակում է, որ սույն նախագծի տվյալ կետը ապահովելու համար երիտասարդը պետք է մեկնի տվյալ երկիր՝ բուհում գրանցումն անցնելու և դա հավաստող փաստաթղթերը ստանալու համար։ Բայց այստեղ առաջանում է լուրջ խնդիր՝ սույն նախագծում ընդգրկված շատ երիտասարդների 18 տարին արդեն լրացել է, ինչը նշանակում է որ նրանք առանց տարկետում ստանալու չեն կարող վավեր անձնագիր ունենալ արտասահման մեկնելու և բուհում գրանցումն անցնելու համար։ Սա տրվող արտոնության և գործնականում դրա կիրառման անհնարինության մասին է խոսում։ Բայց եթե նույնիսկ դա էլ չդիտարկենք՝ պատկերացնենք երիտասարդի 18 տարին աշունն է լրանալու և հիմա նա դեռ կարող է մեկնել, ապա ստացվում է երիտասարդը պետք է մինչև հուլիսի կես մեկնի արտասահման անցի բոլոր անհրաժեշտ պրոցեդուրաները, գրանցվի և ներկայացնի պահանջվող տեղեկանքը ու դրանից հետո ինչ է անելու` վերադառնա հայրենիք, որ սեպտեմբերին կրկին մեկնի դասերի, թե 1․5 ամիս հենց այնպես մնա արտասահմանում ?։ Իրականում այստեղ ոչ միայն տարատեսակ շահերի բախման պահ կա, այլ գործնականում մեծ խնդիրների առաջացման իրողություն՝ էլ չենք խոսում ռեալ անհնարինության մասին(առաջին մասում նշածս դեպքերի համար), ուստի առաջարկում եմ զինվորական կոմիսարիատ համապատասխան տեղեկանքը ներկայացնելու վերջնաժամկետը փոփոխել ավելի ուշ ժամկետով՝ գոնե սեպտեմբերի առաջին կես։ Կարելի է նույնիսկ հաջորդ կուրս տեղափոխվելու մասին անհրաժեշտ փաստաթղթերը ներկայացնելու ժամկետի մաիսն N451 որոշման 11-րդ կետով սահմանված ժամկետը սահմանել՝ ըստ դրա տարկետման ընթացքում ուսանողի հաջորդ կուրս տեղափոխվելու մասին տեղեկանքը զինվորական կոմիսարիատ պարտադիր է ներկայացնել ոչ ուշ քան մինչև սեպտեմբերի 30-ը, այս դեպքում ևս կարելի է այդ մոտեցումը ցուցաբերել։ Ընդունվել է մասամբ Նախագծում հուլիսի 25-ը փոխարինվել է 27-ով, բացի այդ նախագծով նախատեված է, որ ընդունելության ավելի ուշ ժամկետների դեպքում՝ տվյալ բուհից տեղեկանք ընդունվելու ժամկետների մասին
4 Արթուր Արզականյան 28.06.2022 14:13:49 Այս նախագծի 5-րդ կետը(զինվորական կոմիսարիատ տեղեկանք ներկայացնելու կարգն ու ժամկետը) գործնականում կիրառելի չէ ու պարզապես սահմանափակում է նախագծի իրականալիության հնարավորությունը։ Նախ եթե դիտարկենք կարգի տեսանկյունից, ապա խելամիտ հերթականության պահպանման մոտեցման պարագայում անձը պետք է սպասի մինչ սույն նախագիծը վերջնականապես հաստատվի՝ դառնա կառավարության որոշում, ինչը միանշանակ կլինի ոչ շուտ քան 15․07․2022թ․, ու դրանից հետո արդեն անցնի մյուս քայլերի կիրառմանը, որովհետև իրավական և տրամաբանական տեսանկյունից սույն նախագծի վերջնական հաստատումն է նշանակում, որ քաղաքացին իրավունք ունի օգտվելու ՀՀ օրենսդրությամբ ընձեռնվող արտոնությունից և բնականաբար կառավարության որոշմամբ պահանջվող մյուս գործողությունների համար քայլեր պետք է ձեռնարկել այդ որոշման կայացումից/հաստատումից հետո։ Քանզի նաև սույն նախագծի վերջնական հաստատումից հետո է դրանում նշված բոլոր դրույթները՝ այդ թվում նաև 5-րդ կետի պահանջը, ստանում ուժ և ենթակա պարտադիր կատարման։ Ու ինչ ենք ունենում այս դեպքում․ ենթադրվում է դրանից հետո՝ այսինքն լավագույն դեպքում ընդամենը մեկ շաբաթվա կամ հինգ աշխատանքային օրվա ընթացքում, քաղաքացին պետք է հասցնի արտասահմանյան բուհում անցնի բոլոր տեսակի ադմինիստրատիվ գրանցումները, վերջնականորեն հրամանագրվի տվյալ բուհում որպես ուսանող և այդ փաստը հաստատող տեղեկանքը ներկայացնի զինվորական կոմիսարիատ ? ։ Վստահեցնում եմ, որ եթե նույնիսկ խոսքը գնար հայկական բուհի մասին, ապա միևնույն է չէր հասցնի, էլ չենք խոսում արտասահմանյան բուհերի և բոլորին հայտնի նրանց ադմինիստրատիվ բյուրոկրատիայի մասին, այս շրջանում մեծաքանակ դիմորդների, հերթերի ու այլնի մասին։ Առավել ևս չենք խոսում այն մասին, որ որոշ բուհեր պահանջում են գրանցման ժամանակ գրանցվողի պարտադիր ներկայություն։ Խնդրի էությունը կարելի առավել դետալացնել, բայց արդեն իսկ վերոգրյալը հաշվի առնելով, կառաջարկեմ վերանայել նշված վերջնաժամկետը՝ 25․07․2022թ․-ը, որովհետև իրոք սա պրակտիկորեն որևէ կերպ չգործող ժամանակացույց է։ Ընդունվել է մասամբ Նախագծում հուլիսի 25-ը փոխարինվել է 27-ով, բացի այդ նախագծով նախատեված է, որ ընդունելության ավելի ուշ ժամկետների դեպքում՝ տվյալ բուհից տեղեկանք ընդունվելու ժամկետների մասին