Հիշել նախագիծը

«ՇԻՆԱՐԱՐՈՒԹՅԱՆ ԳՆԱԳՈՅԱՑՄԱՆ ՄԵԹՈԴԱԲԱՆՈՒԹՅԱՆ ԱՐԴԻԱԿԱՆԱՑՄԱՆ ՀԱՅԵՑԱԿԱՐԳԸ ԵՎ ԴՐԱՆԻՑ ԲԽՈՂ ՄԻՋՈՑԱՌՈՒՄՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

  • 2 - Կողմ

  • 2 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 ,,Քաղաքաշինություն և տնտեսություն,, ՀԿ 19.11.2021 13:43:30 Ցավոք, կրկին անգամ պետք է կարծիք հայտնենք գործող գներով շինարարության արժեքի հաշվարկման մեթոդաբանության վերաբերյալ ներկայացվող իր արժեքով հերթական տեքստին, որի պատճառով այս հարթակում կարծիքը կներկայացնենք հակիրճ: Հետևանքները անդառնալի կլինեն, եթե գոյություն ունեցող կոռուպցիոն ռիսկերը վերացնելու փոխարեն այն «փաթեթավորենք» իրավական նորմերով: ՀՀ ֆինանսների նախարարության կողմից տրամադրված տեղեկատվության համաձայն գործող կարգում առկա խնդիրներից ելնելով՝ շինարարությունում ծախսերը միչև 30%-ով չհիմնավորված բարձրանում են, պետական վերահսկողու-թյան ծառայության կողմից իրականացվող միջոցառումները՝ 1միլիարդ դրամից ավել արժողությամբ շինարարության մասով, վերջին օրերի խոշոր կոռուպցիոն բացահայտումները մեկ անգամ ևս փաստում են, որ շինարարության նախահաշվային փաստաթղթերում առկա են մեծ ռիսկեր: Այդ փաստաթղթերի հիման վրա կառուցվող շինարարական աշխատանքների արժեքները հիմք ընդունելով՝ շինարարության խոշորացված արժեքների ցուցանիշների ժողովածուի կազմումը կամ թարմացումը ընդամենը օրինականության «փաթեթավորման» դեր կկատարի, ինչն էլ իր հերթին ավելի կմեծացնի այդ ռիսկերի արդեն իսկ մեծ չափերը:
2 ,,Քաղաքաշինություն և տնտեսություն,, ՀԿ 19.11.2021 13:43:30 Ներկայացվել է շինարարության գնագոյացման մեթոդաբանության հայեցակարգ որտեղ միջազգային փորձի վերաբերյալ ընդամենը նշվում է , 1. եվրոպական և ԱՊՀ երկրներում կիրառվող ժամանակակից ռեսուրսային մեթոդի համեմատությամբ տվյալ (բազիսաինդեքսային) մեթոդը համարվում է ոչ արդիական (ԿԵՏ 19) 2. պետք է ուսումնասիրել Եվրոպական միության (ԵՄ) և Անկախ Պետությունների Համագործակցության (ԱՊՀ և այդ թվում Ռուսաստանի Դաշնությունում) երկրներում գործող գնագոյացման նորմատիվատեխնիկական փաստաթղթերի մշակման ընդհանուր մեթոդաբանության առանձնահատկությունները(ԿԵՏ 38 ) Այսինքն, կարող ենք փաստել, որ առանց միջազգային փորձի ուսումնասիրության, ներկայացվել է հայեցակարգ: Այնինչ, պետք է ուսումնասիրվեր առկա միջազգային փորձը, ներկայացնելով առնվազն` առաջադեմ երկրներում, ինչպես նաև ՀՀ հետ սոցիալ-տնտեսական համադրելի մակարդակ ունեցող երկրներում բնագավառի խնդիրները, դրանց լուծման համար ձեռնարկված քայլերը և դրանց արդյունավետությունը՝ արտահայտված կոնկրետ ցուցանիշներով:
3 ,,Քաղաքաշինություն և տնտեսություն,, ՀԿ 19.11.2021 13:43:30 Առաջարկվում է ստեղծել, այսպես կոչված, մոնիթորինգային մասնագիտացված կենտրոններ, սակայն ներկայացված չեն դրանց ստեղծման և շահագործման հետ կապված առնվազն մոտավոր ֆինանսական հաշվարկները, որպեսզի պարզ դառնա ինչ բեռ է նախատեսվում ՀՀ պետական բյուջեի վրա, և արդյո՞ք նման ծախսերը կարդարացվեն՝ համեմատելով հնարավոր դրական արդյունքները: Այս կոնտեքստում պետք հաշվի առնել նոր կոռորպցիոն ռիսկերի մեծ օջախ ստեղծելու հավանականությունը, քանի որ, չունենալով գործող գներով շինարարության արժեքի հաշվարկման հստակ մեթոդաբանություն, մոնիթորինգ իրականացնողները չեն ունենալու գործիքակազմ, որով հնարավոր կլինի հաստատել հավաքագրվող տեղեկատվության հիմնավորված լինելը, որի պատճառով շատ դեպքերում կարող է ներկայացվել որոշ շրջանակների համար ցանկալի տեղեկատվություն: Չի կարելի կոմիտեի ենթակայության տակ գտնվող նոր ստորաբաժանումներ ունենալու ցանկությունը դարձնել ինքնանպատակ: ՀՀ քաղաքաշինության կոմիտեի կողմից ներկայացված հայեցակարգը որոշակիորեն հիմնավորված կլիներ միայն այն դեպքում, եթե ունենայինք գործող գներով շինարարության արժեքի հաշվարկման լրամշակված մեթոդաբանություն: Ներկայումս, թեկուզ և իրենց պատկերացրած մոնիթորինգային կենտրոնների առկայության դեպքում ՀՀ տարածքում կառուցվող շենքերի, կառուցվածքների և շինարարական աշխատանքների տեսակների արժեքի խոշորացված ցուցանիշների ժողովածուի լրամշակումը և իրենց պատկերացրած շենքի ինֆորմացիոն մոդելավորման (BIM- Building Information Modeling) տեխնոլոգիաների կիրառմամբ շինարարական ծրագրերի ինֆորմացիոն մոդելավորման համար մեթոդական ուղեցույցի մշակումը կնմանվի նրան, որ կինը և տղամարդը համարելով, որ թոռ ունենալը շատ լավ բան է ցանկանան մինգամից թոռ ունենալ:
4 ,,Քաղաքաշինություն և տնտեսություն,, ՀԿ 19.11.2021 13:43:30 Ներկայացված նախագիծը քննադատությանը չի դիմանում, քանի որ նրանում առկա տեղեկությունները ոչ միայն հակասում են մեկը մյուսին, այլև բացակայում է տրամաբանական կառուցվածքը: Թերևս կարելի է անդրադառնալ հենց 1-ին կետին, որտեղ նշվում է, որ ծախսերի գնահատման համակարգի բարեփոխման անհրաժեշտությունը պետական բյուջեի մասով պայմանավորված է միայն պետական ներդրումային ծախսերի արդյունավետ պլանավորմամբ: Պետք է հաշվի առնել, որ, բարեփոխման նպատակը ներկայացնելիս, ընդանրապես, հստակ անդրադարձ չկա պետական բյուջեի միջոցների արդյունավետ օգտագործման վերաբերյալ: Այսինքն, նման պարագայում կարող ենք եզրակացնել, որ ՀՀ պետական բյուջեի արդյունավետ օգտագործման խնդիրը չի համարվում առաջնահերթ թիրախ: Հատկանշական է նաև, որ 51-րդ կետի 5-րդ ենթակետով նախատեսվում է նորմատիվ փաստաթղթերի մշակման աշխատանքների կամ խորհրդատվական ծառայությունների ձեռքբերման մրցութային գործընթացների կազմակերպում և պետական պայմանագրի կնքում, սակայն ներկայացված հավելված 2-ի «Ֆինանսավորման աղբյուրը, ֆինանսական միջոցների չափը» սյունակում նշվում է միայն, որ«ֆինանսավորում չի պահանջում»: ՀՀ քաղաքաշինության կոմիտեին առաջարկում ենք գործող գներով շինարարության արժեքի հաշվարկման մեթոդաբանության լրամշակման նպատակով միջոցներ ձեռնարկել՝ անկախ այն բանից, որ նրանց համար շատ դժվար, միգուցե անհնար համարվող գործընթաց է: