<<Պաշտպանության մասին>>

0 - Կողմ
0 - Դեմ

ՏԵՂԵԿԱՆՔ-ՀԻՄՆԱՎՈՐՈՒՄ

<<Պաշտպանության մասին>> ՀՀ օրենքի նախագծի ընդունման

Իրավական ակտի ընդունման անհրաժեշտությունը

Օրենքի նախագծի ընդունումը պայմանավորված է ՀՀ Սահմանադրության փոփոխությունների հետ կապված գործող <<Պաշտպանության մասին>> ու <<Զորահավաքային նախապատրաստության և զորահավաքի մասին>> ՀՀ օրենքների վերանայման անհրաժեշտությամբ, որի շրջանակներում նպատակահարմար է գտնվել միավորել նշված օրենքները և դրանցով կարգավորվող հարաբերությունները սահմանել մեկ օրենքի տեսքով: Օրենքի նախագծի ներկայացմամբ ապահովվում է նաև ՀՀ կառավարության 2016թ. մարտի 10-ի թիվ 245-Ա որոշմամբ հաստատված ցանկի 36-րդ և 37-րդ կետերի կատարումը:

Ընթացիկ իրավիճակը և խնդիրները

Գործող <<Պաշտպանության մասին>> ու <<Զորահավաքային նախապատրաստության և զորահավաքի մասին>> ՀՀ օրենքներում սահմանված Հայաստանի Հանրապետության պաշտպանության և զորահավաքային նախապատրաստության ու զորահավաքի հետ կապված հարաբերությունները սահմանվել են Հայաստանի Հանրապետության կիսանախագահական կառավարման համակարգի շրջանակներում՝ համապատասխան գործընթացների կազմակերպման և ապահովման ուղղահայացը կառուցելով ՀՀ Նախագահի՝ որպես գերագույն գլխավոր հրամանատարի, իրավասությունների հիման վրա: ՀՀ Սահմանադրության փոփոխություններով պայմանավորված անհրաժեշտություն է առաջացել համապատասխան գործընթացները սահմանել խորհրդարանական կառավարման համակարգին համապատասխան: Բացի այդ, գործող օրենքներով կարգավորվող հարաբերությունները միավորվել են մեկ օրենքում` այն տրամաբանությամբ, որ զորահավաքային նախապատրաստությունը (խաղաղ ժամանակ) և զորահավաքը (պատերազմի ժամանակ) հանդիսանում են պետության պաշտպանության կազմակերպման անբաժանելի մաս, պաշտպանության կազմակերպման և պաշտպանությանը մասնակցության գործընթացում պետական և տեղական ինքնակառավարման մարմինների, անկախ կազմակերպական իրավական ձևից կազմակերպությունների, պաշտոնատար անձանց և քաղաքացիների գործունեությունը ներառում է նաև զորահավաքային նախապատրաստության և զորահավաքի շրջանակներում իրականացման ենթակա գործողությունների համալիրը:

Տվյալ բնագավառում իրականացվող քաղաքականությունը

Բնագավառում իրականացվող քաղաքականությունն ուղղված է ՀՀ Սահմանադրության պահանջներին, ինչպես նաև արդի սպառնալիքներին համահունչ սահմանել Հայաստանի Հանրապետության պաշտպանության ապահովման իրավական հիմքերը, այդ գործընթացում հստակեցնել զինված ուժերի և այլ զորքերի, պետական և տեղական ինքնակառավարման մարմինների, պաշտոնատար անձանց, անկախ կազմակերպական իրավական ձևից կազմակերպությունների և քաղաքացիների գործունեությունը:

Կարգավորման նպատակը և բնույթը

Օրենքի նախագծով սահմանվում են Հայաստանի Հանրապետության պաշտպանության կազմակերպման իրավական հիմքերը, պաշտպանության ոլորտում պետական և տեղական ինքնակառավարման մարմինների, պաշտոնատար անձանց, զինված ուժերի և այլ զորքերի, անկախ կազմակերպական իրավական ձևից կազմակերպությունների գործունեությունը, Հայաստանի Հանրապետության պաշտպանությանը մասնակցելու գործընթացում քաղաքացիների իրավունքները և պարտականությունները, ինչպես նաև զորահավաքային նախապատրաստության և զորահավաքի անցկացման հետ կապված հարաբերությունները: Միաժամանակ, հաշվի առնելով ՀՀ Սահմանադրության պահանջները, օրենքի նախագծում ներառվել են քաղաքացիների զինապարտությունը և զինվորական հաշվառումը, այդ գործընթացում պետական և տեղական ինքնակառավարման մարմինների, անկախ կազմակերպական իրավական ձևից կազմակերպությունների, դրանց պաշտոնատար անձանց և քաղաքացիների պարտականությունները, քաղաքացիների պահեստազորային կցագրման և զորահավաքային ամրագրման հետ կապված հարաբերությունները

Նախագծի մշակման գործընթացում ներգրավված ինստիտուտները և անձինք

Օրենքի նախագիծը մշակվել է ՀՀ պաշտպանության նախարարության կողմից:

Ակնկալվող արդյունքը

Օրենքի նախագծի ընդունմամբ ակնկալվում է բարձրացնել խաղաղ և պատերազմի ժամանակ Հայաստանի Հանրապետության պաշտպանության ապահովման արդյունավետությունը, նպաստել <<Ազգ-Բանակ>> գաղափարախոսության ամբողջական իրացմանը:

Այլ տեղեկություններ չկան:

ՏԵՂԵԿԱՆՔ

<<Պաշտպանության մասին>> ՀՀ օրենքի նախագծի ընդունման մասին

Պետական բյուջեում կամ տեղական ինքնակառավարման մարմինների բյուջեների վրա ազդեցությունը
Ցուցանիշներ	ընթացիկ (n-րդ) տարի		Հաջորդող 3 տարիները
	ընթացիկ (n-րդ) տարի		n +1	n +2	n +3
	Ըստ n - րդ տարվա պետական բյուջեի	փոխու-թյունը n - րդ տարվա պետական բյուջեի համեմատ	Փոփոխությունն ընթացիկ տարվա համեմատ (n)	Փոփոխությունն ընթացիկ տարվա համեմատ (n)	Փոփոխությունն ընթացիկ տարվա համեմատ (n)
1	2	3	4	5	6
1.Եկամուտներ	Չկա	-	-	-	-
1.1. պետական բյուջեի եկամուտներ
1.2. ՏԻՄ եկամուտներ
2. Ծախսեր	Չկա	-	-	-	-
2.1. պետական բյուջեի ծախսեր
2.2. ՏԻՄ բյուջեի ծախսեր
3. Ֆիսկալ ազդեցության գնահատական	Չկա	-	-	-	-
3.1. պետական բյուջե
3.3. ՏԻՄ բյուջե
4. Եկամուտների և ծախսերի հաշվարկների մանրամասն ներկայացում (անհրաժեշտության դեպքում կարող է ներկայացվել հավելվածի տեսքով):	Չկա
4.1. Եկամուտների գնահատում
4.2. Ծախսերի գնահատում
5. Այլ տեղեկություններ (եթե այդպիսիք առկա են)	Չկա

ՏԵՂԵԿԱՆՔ

<<Պաշտպանության մասին>> ՀՀ օրենքի նախագծի ընդունման կապակցությամբ այլ իրավական ակտերում փոփոխություններ և լրացումներ կատարելու վերաբերյալ

Օրենքի նախագծի ընդունման կապակցությամբ նախատեսվում է ընդունել ՀՀ կառավարության մի շարք որոշումներ և ՀՀ պաշտպանության նախարարի հրամաններ` օրենքի ուժի մեջ մտնելուց հետո 6-ամսյա ժամկետում: Ներկայացման ենթակա ակտերի ցանկը և ժամանակացույցը կներկայացվի ՀՀ կառավարության 08.04.2004թ. N 541-Ն որոշման պահանջների համաձայն:

ՏԵՂԵԿԱՆՔ

<<Պաշտպանության մասին>> ՀՀ օրենքի նախագծի հրապարակային քննարկման ներկայացնելու վերաբերյալ

Օրենքի նախագիծը տեղադրվել է իրավական ակտերի նախագծերի հանրային քննարկման համար նախատեսված միասնական կայքում:

Քննարկվել է

09.08.2017 - 25.08.2017
Տեսակ

Օրենք
Ոլորտ

Անվտանգություն
Նախարարություն

Պաշտպանության նախարարություն

Ուղարկել նամակ նախագծի հեղինակին

Ձեր ուղարկած առաջարկը կտեղադրվի կայքում 10 աշխ. օրվա ընթացքում

Դիտումներ` 9581

Տպել