«Տրանսպորտային միջոցի հաշվառման ժամանակավոր փաստաթղթի ձևը սահմանելու մասին» ՀՀ կառավարության որոշման նախագիծ

ՏԵՂԵԿԱՆՔ - ՀԻՄՆԱՎՈՐՈՒՄ

«Տրանսպորտային միջոցի հաշվառման ժամանակավոր փաստաթղթի ձևը սահմանելու մասին» ՀՀ կառավարության որոշման նախագծի վերաբերյալ

1. Անհրաժեշտությունը

Նախագծի մշակումը պայմանավորված է «Ճանապարհային երթևեկության անվտանգության ապահովման մասին» օրենքում փոփոխություն և լրացումներ կատարելու մասին» 2019 թվականի դեկտեմբերի 9-ի ՀO-278-Ն օրենքի (այսուհետ՝ Օրենք) կիրարկումն ապահովելու անհրաժեշտությամբ:

2. Ընթացիկ իրավիճակը և խնդիրները

Նախկին խմբագրությամբ Օրենքի 18.2-րդ հոդվածի իմաստով ոստիկանը պետք է հանի տ/մ-ի հաշվառման համարանիշները և 10 օր ժամկետով հատկացնի ժամանակավոր հաշվառման համարանիշ այն տ/մ-ի վարորդին, օրինակ ով վարել է տեխնիկական վիճակը և կահավորվածությունը ՀՀ կառավարության սահմանած՝ տրանսպորտային միջոցների շահագործումն արգելող անսարքությունների և պայմանների ցանկին չհամապատասխանող տ/մ:

2019 թվականի դեկտեմբերի 9-ի ՀO-278-Ն օրենքով խմբագրված 18.2-րդ հոդվածի համաձայն՝ անսարքություն ունեցող տ/մ-ի հաշվառման համարանիշները հանելու և 10 օր ժամկետով ժամանակավոր հաշվառման համարանիշ հատկացնելու փոխարեն նույն տևողությամբ հատկացվելու է ժամանակավոր հաշվառման փաստաթուղթ։ 

3.Կարգավորման նպատակը և բնույթը

Նախագիծը նպատակ ունի ապահովել «Ճանապարհային երթևեկության անվտանգության ապահովման մասին» օրենքում փոփոխություն և լրացումներ կատարելու մասին» 2019 թվականի դեկտեմբերի 9-ի ՀO-278-Ն օրենքի կիրարկումը։

4. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ոստիկանության կողմից:

5. Ակնկալվող արդյունքը

Որոշման նախագծի ընդունմամբ կապահովվի ոստիկանության օրենսդրությամբ սահմանված լիազորությունների լիարժեք և հստակ իրականացումը։

ՀՀ ՈՍՏԻԿԱՆՈՒԹՅՈՒՆ