«Պետական տուրքի մասին օրենքում լրացում կատարելու մասին», «Առևտրաարդյունաբերական պալատների մասին օրենքում լրացում կատարելու մասին», «Գործունեության իրականացման ծանուցման մասին օրենքում լրացում կատարելու մասին» ՀՀ օրենքի նախագծերի փաթեթը և «Ապրանքի ծագման երկրի հավաստագրի տրամադրման, փորձաքննության անցկացման կարգը հաստատելու, փորձաքննություն իրականացնող մարմիններին ներկայացվող պահանջները և փորձագետների որակավորման ու քննությոան անցկացման կարգը հաստատելու և Հայաստանի Հանրապետության կառավարության 2010 թվականի դեկտեմբերի 30-ի N 1772-Ն որոշումը ուժը կորցրած ճանաչելու մասին»

ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ

ԱՊՐԱՆՔԻ ԾԱԳՄԱՆ ԵՐԿՐԻ ՀԱՎԱՍՏԱԳՐԻ ՏՐԱՄԱԴՐՄԱՆ, ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ, ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ՄԱՐՄԻՆՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ ԵՎ ՓՈՐՁԱԳԵՏՆԵՐԻ ՈՐԱԿԱՎՈՐՄԱՆ ՈՒ ՔՆՆՈՒԹՅՈՒՆ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 30-Ի N 1772-Ն ՈՐՈՇՈՒՄԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Մաքսային կարգավորման մասին» Հայաստանի Հանրապետության օրենքի 65-րդ հոդվածի 5-րդ մասը, «Առևտրաարդյունաբերական պալատների մասին» Հայաստանի Հանրապետության օրենքի 6-րդ հոդվածի «է» ենթակետը և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասը՝ Հայաստանի Հանրապետության կառավարությունը որոշում է.
Հայստանի Հանարապետության և միջազգային պայմանագրերով նախատեսված արտոնյալ ռեժիմների համար ապրանքների ծագման հավաստագրերը (սերտեֆիկատները) տրամադրում է Հայաստանի Հանրապետության պետական եկամուտների կոմիտեն, իսկ մյուս դեպքերում Առևտրաարդյունաբերական պալատը (այսուհետ՝ Իրավասու մարմին) :
Հաստատել ապրանքի ծագման երկրի հավաստագրերի տրամադրման և փորձաքննության անցկացման կարգը՝ համաձայն N 1 հավելվածի:
Հաստատել ապրանքի ծագման երկրի փորձաքննություն իրականացնող մարմիններին ներկայացվող պահանջները և ապրանքի ծագման երկրի փորձագետների որակավորման և քննություն անցկացման կարգը համաձայն N 2 հավելվածի.
Հայաստանի Հանրապետության իրավաբանական ու ֆիզիկական անձանց և անհատ ձեռնարկատերերի կողմից արտահանվող ապրանքների համար իրավասու մարմնի կողմից ծագման երկրի հավաստագրի տրամադրման վճարի չափը սահմանել`
1) փորձաքննություն չպահանջող ապրանքների համար տրամադրված ծագման երկրի հավաստագրերի համար` 5000 դրամ` ներառյալ ավելացված արժեքի հարկը.
2) փորձաքննություն չպահանջող` Հայաստանի Հանրապետությունում արտադրված՝ մինչև 2,5 տոննա ԵԱՏՄ ԱՏԳ ԱԱ 07 (բանջարեղեն և որոշ ուտելի արմատապտուղներ և պալարապտուղներ), 08 (ուտելի մրգեր և ընկույզներ, ցիտրուսային մշակաբույսերի և սեխի կեղևներ և կճեպներ) և 10 (հատիկաբույսեր) խմբերին դասվող գյուղատնտեսական մթերքների համար տրամադրված հավաստագրերի համար` 1000 դրամ` ներառյալ ավելացված արժեքի հարկը:
Հայաստանի Հանրապետության իրավասու մարմինի կողմից ապրանքի ծագման երկրի հավաստագրի կրկնօրինակի տրամադրման համար վճարի չափը սահմանել 1000 դրամ` ներառյալ ավելացված արժեքի հարկը, իսկ դրա փոխարինման դեպքում վճարի չափը սահմանել 1000 դրամ` ներառյալ ավելացված արժեքի հարկը:
Հայաստանի Հանրապետության իրավաբանական ու ֆիզիկական անձանց և անհատ ձեռնարկատերերի կողմից արտահանվող ապրանքների համար փորձաքննության մարմնի փորձագիտական ակտի տրամադրման վճարի չափը սահմանել` փորձաքննություն պահանջող ապրանքների արտահանվող առաջին խմբաքանակին տրամադրված հավաստագրերի համար 20000 դրամ` ներառյալ ավելացված արժեքի հարկը.

Ուժը կորցրած ճանաչել Հայաստանի Հանրապետության կառավարության 2010 թվականի դեկտեմբերի 30-ի «Ապրանքի ծագման երկրի հավաստագրի տրամադրման և փորձաքննության անցկացման կարգը հաստատելու, Հայաստանի Հանրապետության կառավարության 2000 թվականի դեկտեմբերի 31-ի N 895 որոշման մեջ փոփոխություններ կատարելու և Հայաստանի Հանրապետության կառավարության 2001 թվականի դեկտեմբերի 24-ի N 1246 որոշումն ուժը կորցրած ճանաչելու մասին» N 1772 -Ն որոշումը:






























Հավելված N 1
ՀՀ կառավարության թվականի
որոշման


Կ Ա Ր Գ

ԱՊՐԱՆՔԻ ԾԱԳՄԱՆ ԵՐԿՐԻ ՀԱՎԱՍՏԱԳՐԻ ՏՐԱՄԱԴՐՄԱՆ ԵՎ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ

ԸՆԴՀԱՆՈՒՐ ԴՐՈՒՅԹՆԵՐ


Սույն կարգով կարգավորվում է ապրանքների (տեղական և օտարերկրյա) ծագման երկրի հավաստագրերիտրամադրմանև ապրանքի ծագման երկրի որոշման փորձաքննության անցկացման կարգը:
Ապրանքի ծագման երկրիհավաստագրիտրամադրումը սույն կարգին համապատասխան հավաստագրեր (սերտիֆիկատներ) տալու գործընթացն է:
Սույն կարգում օգտագործվում են հետևյալ հիմնական հասկացությունները`
Փորձաքննություն` սույն կարգին համապատասխան անցկացվող ապրանքի ծագման երկրի վերաբերյալ փորձաքննություն:
Փորձագետ` սույն կարգով սահմանված պահանջների համապատասխանող մասնագետ, որն իրականացնում է փորձաքննություն` ապրանքների ծագման բնագավառում,
Փորձաքննության ակտ` փաստաթուղթ, որում արձանագրվում են իրականացված փորձաքննության արդյունքները.
Փորձաքննության մարմին՝ իրավաբանական անձ կամ անհատ ձեռնարկատեր, որն սույն կարգով սահմանված ապրանքի ծագման երկրի հավաստագրի տրմադրման համար փորքննության մարմնի պահանջնրին համապատասխանելու դեպքում կարող է իրականացնել ապրանքի ծագման երկրի հավաստագրի փորձաքննություն:
Ապրանքի ծագման երկրի հավսատագիր՝ փաստաթուղթ, որը հավաստում է տվյալ ապրանքի տվայալ ծագում ունենալու փաստը:
Իրավասու մարմին՝ արտոնյալ ռեժիմների համար ապրանքների ծագման հավաստագրեր տրամադրող մարմին::

ԱՊՐԱՆՔԻ ԾԱԳՄԱՆ ԵՐԿՐԻ ՀԱՎԱՍՏԱԳՐԻ ՏՐԱՄԱԴՐՄԱՆ ԿԱՐԳԸ

Ապրանքի ծագման երկրի հավաստագիրը ձևակերպվում և հաստատվում է 4 օրինակից, որից 3 օրինակը տրվում է դիմողին, իսկ մեկ օրինակը պահվում է Հայաստանի Հանրապետության պետական եկամուտների կումիտում (այսուհետ՝ Իրավասու մարմին) 3 տարի ժամկետով:
ԱՊՀ անդամ պետություններ արտահանվող ապրանքների համար հավաստագրերը ձևակերպվում են «ՍՏ-1» («CT-1») ձևով` ռուսերենով համաձայն N 3 ձևի, եթե ապրանքը համապատասխանում է 2009 թվականի նոյեմբերի 20-ին Յալթայում ստորագրված «Ապրանքների ծագման երկրի որոշման կանոններիմասին» ԱՊՀ անդամ պետությունների կառավարությունների ղեկավարների խորհրդի որոշման պահանջներին:
Հայաստանի Հանրապետության արտաքին առևտրում արտոնություններ տրամադրող երկրներ արտահանվող ապրանքների համար հավաստագրերը ձևակերպվում են «Ա» («A») ձևով` անգլերենով համաձայն N 4 ձևի, այդ երկրների կողմից ապրանքների ծագման երկրի որոշման կանոններով սահմանված պահանջներին համապատասխան:
Վրաստան արտահանվող ապրանքների համար հավաստագրերը ձևակերպվում են «ՍՏ-1» («CT-1») ձևով` ռուսերենով համաձայն N 5 ձևի, եթե ապրանքը համապատասխանում է 2000 թվականի նոյեմբերի 30-ի «Ապրանքների ծագման երկրի որոշման մասին» ԱՊՀ կառավարությունների ղեկավարների Խորհրդի որոշմամբ հաստատված պայմաններին:
Վիետնամի Սոցիալիստական Հանրապետություն արտահանվող ապրանքների համար հավաստագրերը ձևակերպվում են «EAV» ձևով՝ անգլերեն համաձայն N 6 ձևի, եթե ապրանքը համապատասխանում են 2015 թվականի մայիսի 29-ի Եվրասիական տնտեսական միության և դրա անդամ պետությունների և Վիետնամի Սոցիալիստական Հանրապետության միջև «ազատ առևտրի մասին» համաձայնագիր պահանջներին:
Իրան Իսլամական Հանրապետություն արտահանվող ապրանքների համար հավաստագրերը ձևակերպվում են ՍՏ-3 («CT-3») ձևով` անգլերեն համաձայն N 7 ձևի, եթե ապրանքը համապատասխանում են 2018 թվականի մայիսի 17-ի Եվրասիական տնտեսական միության և դրա անդամ պետությունների՝ և Իրանի Իսլամական Հանրապետության՝ միջև «ազատ առևտրի գոտու ձևավորմանն ուղղված» ժամանակավոր համաձայնագրի պահանջներին:
Այլ երկրներ արտահանվող ապրանքների համար ապրանքի ծագման երկրի հավաստագրերը ձևակերպվում են ընդհանուր ձևով` անգլերենով համաձայն N 8 ձևի «Մաքսային կարգավորմանմասին» Հայաստանի Հանրապետության օրենքի պահանջներին համապատասխան:
Ապրանքի ծագման երկրիհավաստագրիգործողության ժամկետը սահմանվում է 12 ամիս` սկսած այն տալու օրվանից։
Ապրանքի ծագման երկրի հավաստագիրը կորցնելու կամ այն վնասվելու դեպքում իրավասու մարմինը, դիմողի ներկայացրած դիմումի հիման վրա, տրամադրում է դրա՝ սահմանված կարգով հաստատված կրկնօրինակը, որի գործողության ժամկետը նույնն է, ինչ կորցրած կամ վնասվածհավաստագրինը:
Հավաստագիր ստանալու համար ներկայացված փաստաթղթերում խմբագրական բնույթի փոփոխությունների կատարման կամ անճշտությունների հայտնաբերման դեպքում, արտահանողի դիմումի հիման վրա, կարող է տրամադրվել նոր հավաստագիր, որի գործողության ժամկետը նույնն է, ինչ փոխարինվածհավաստագրինը:
Ապրանքների ծագման երկրի հավաստագիր ստանալու համար, բացառությամբ սույն կետի 2-րդ և 3-րդ ենթակետերի, Հայաստանի Հանրապետության իրավաբանական, ֆիզիկական անձինք և անհատ ձեռնարկատերերը թղթային կամ էլեկտրոնային եղանակով Իրավասու մարմին են ներկայացնում`
ա. դիմում-հայտարարագիր` համաձայն N 1 ձևի,
բ. .ապրանքի ծագման երկրի փորձաքննության ակտ,
գ. վճարման անդորրագիր.
դ. հայտարարագիր համաձայն N 11 ձևի՝ մշտական անվանացանկի համար նախատեսված դեպքերում,
2) «Մաքսային կարգավորման մասին» Հայաստանի Հանրապետության օրենքի 67-րդ հոդվածով սահմանված ապրանքների համար՝ բացառությամբ ԵԱՏՄ ԱՏԳ ԱԱ 07 (բանջարեղեն և որոշ ուտելի արմատապտուղներ և պալարապտուղներ), 08 (ուտելի մրգեր և ընկույզներ, ցիտրուսային մշակաբույսերի և սեխի կեղևներ և կճեպներ) և 10 (հատիկաբույսեր) խմբերին դասվող ապրանքների՝
ա. դիմում-հայտարարագիր՝ համաձայն N 1 ձևի,
բ. հումքի արդյունահանման և վերամշակման իրավունքը հաստատող փաստաթղթի պատճենը,
գ. տեղեկանք կամ հայտարարագիր տարեկան արտադրության հզորության մասին,
դ. վճարման անդորրագիր.
3) Հայաստանի Հանրապետությունում արտադրված ԵԱՏՄ ԱՏԳ ԱԱ 07 (բանջարեղեն և որոշ ուտելի արմատապտուղներ և պալարապտուղներ), 08 (ուտելի մրգեր և ընկույզներ, ցիտրուսային մշակաբույսերի և սեխի կեղևներ և կճեպներ) և 10 (հատիկաբույսեր) խմբերին դասվող գյուղատնտեսական մթերքների համար`
ա. դիմում-հայտարարագիր՝ համաձայն N 1 ձևի,
բ. տեղեկանք կամ հայտարարագիր արտադրության մասին (նշված ապրանքներն արտադրող ֆիզիկական կամ իրավաբանական անձանց համար)` համաձայն N 9 ձևի, կամ գնմանը վերաբերող փաստաթուղթ: Նշված ապրանքները ֆիզիկական անձանցից գնելու դեպքում իրավաբանական անձինք պետք է ներկայացնեն հայտարարագիր՝ համաձայն N 10 ձևի,
գ. տեղեկատվություն ներմուծողի մասին` երկիրը և անձի անվանումը,
դ. վճարման անդորրագիր:
Հայաստանի Հանրապետությունում ամբողջությամբ արտադրված ապրանքների համար ապրանքի ծագման երկրի հավաստագիրը տրամադրվում է առանց փորձաքննության իրականացման, եթե ներառվում են 11-րդ կետի 2-րդ և 3-րդ ենթակետերով սահմանված ապրանքները.
Դիմողին ապրանքի ծագման երկրի հավաստագիրը իրավասու մարմինի կողմից տրամադրվում է դիմումի ստացման օրվանից մեկ աշխատանքային օրվա ընթացքում:
Իրավասու մարմինի կողմից ապրանքի ծագման երկրի հավաստագիր ստանալումասինդիմումը մերժվում է, եթե`
1) դիմողի կողմից չեն ներկայացվել սույն կարգով սահմանված փաստաթղթերը.
2) ներկայացված փաստաթղթերը չեն համապատասխանում Հայաստանի Հանրապետության օրենսդրության պահանջներին.
3) ապրանքը չի համապատասխանում «Մաքսային կարգավորման մասին» Հայաստանի Հանրապետության օրենքով կամ Հայաստանի Հանրապետության միջազգային պայմանագրերով սահմանված` ապրանքի ծագման երկրի պահանջներին.
4) դիմողի կողմից չի ներկայացվել համապատասխան վճարման անդորրագիրը:
Մեկ անգամ փորձաքննություն անցած և ծագման երկրի հավաստագիր ստացած ապրանքների համար կարող է իրականացվել լրացուցիչ փորձաքննություն`
1) եթե ներմուծող երկրի մաքսային կամ համապատասխան այլ մարմնի կողմից ստացվել են հիմնավոր կասկածներ որևէ խմբաքանակ ստուգելու վերաբերյալ.
2) իրավասու մարմինն կարող է իր նախաձեռնությամբ և իր միջոցների հաշվին իրականացնել առանձին ապրանքախմբի վերաբերյալ` իրավասու մարմինին ներկայացված տվյալների ստուգում և (կամ) փորձաքննություն՝ միայն ռիսկերի գնահատման համակարգի կիրառմամբ` հիմնվելով ռիսկերի վրա:
Ապրանքի ծագման երկրի հավաստագիր ստանալու վերաբերյալ դիմումի մերժմանմասին տեղեկացվում է դիմողին` նշելով մերժման պատճառը, իրավասու մարմինում դիմումը մուտքագրվելու օրվանից թղթային և էլեկտրոնային տարբերակներով ներկայացվելու դեպքում՝ մեկ աշխատանքային օրվա ընթացքում:
Մատակարարված ապրանքի փաստացի քանակությունը կարող է գերազանցել հավաստագրում նշված քանակությունը՝ ոչ ավելի, քան 5 տոկոսի չափով:
Մշտական անվանացանկի փորձաքննության արդյունքում կամ առանց փորձաքննության ծագման երկրիհ