Հայաստանի Հանրապետության արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խումբ
18.02.2020
1. Նախագծի 8-րդ կետը սահմանում է հետևյալը. <<Սույն կարգի 5-րդ կետով սահմանված ժամկետի ավարտից հետո հանձնաժողովի լիազորությունները համարվում են դադարած>>: Սակայն, 5-րդ կետը նման ժամկետ չի նախատեսում, միգուցե պետք է նշվի 7-րդ կետով, ոչ թե 5-րդ: 2. Նախագծի 11-րդ կետը սահմանում է հետևյալը. <<Հանձնաժողովն ունի քարտուղար, որի թեկնածությունը ներկայացնում է ՊՈԱԿ-ը: Հանձնաժողովի նախագահի դիմումի հիման վրա ՊՈԱԿ-ը դիմումի ստացման օրվանից եռօրյա ժամկետում ներկայացնում է քարտուղարի նոր թեկնածություն>>: Հստակեցված չէ, թե քարտուղարի թեկնածությունը ինչպես է հաստատվում, նախագահն է միանձնյա որոշում, թե հանձնաժողովը: Կարծում ենք պետք է հստակեցնել: 3. Նախագծի 17-րդ կետով սահմանվում են ժամկետներ հանձնաժողովի կողմից եզրակացություն տալու համար: Կարծում ենք, որ միևնույն ժամանակ պետք է քննարկել այն հարցը, որ նույնիսկ, եթե անհրաժեշտություն է առաջացել նոր հետազոտություն կատարելու, ապա այն նույնպես պետք է ժամկետ նախատեսի: Գործնականում եղել են իրավիճակներ, որ լրացուցիչ հետազոտության կատարումը տևել է ամիսներ, սակայն այն երկարել է ոչ թե հետազոտության բնույթից ելնելով, այլ պարզապես անձին ուշ են տարել հետազոտության: Նշվածից բացի, տվյալ կետում հղում է արվում Նախագծի 16-րդ կետին, գտնում ենք, որ տեխնիկական վրիպակ է, միգուցե հղումը պետք է վերաբերվի Նախագծի 21-րդ կետին: 4. 29-րդ կետում նշված է. << Սույն կարգի 17—րդ կետի 1-ին ենթակետով նախատեսված դիմումն ստանալու օրվան հաջորդող ... >>: 17-րդ կետը 1-ին ենթակետ չունի, պետք է հստակեցնել կետերը: 5. 30-րդ կետում նշված է . << Սույն կարգի 17-րդ կետի 2-րդ ենթակետով նախատեսված դեպքում ... >>: 17-րդ կետը 2-րդ ենթակետ չունի, պետք է հստակեցնել: