ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՄԱՅԻՍԻ 26-Ի N 539-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

<<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՄԱՅԻՍԻ 26-Ի N 539-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ>>  ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

1. Ընթացիկ իրավիճակը և իրավական ակտի ընդունման անհրաժեշտությունը
   

Հէկերը՝ այդ թվում նաև փոքր հէկերը, որպես ջրօգտագործող չեն հանդիսանում ջրային ռեսուրս սպառող: Գետավազանում ըստ գետի երկարության հէկերը ջրառ են կատարում և նույն քանակությամբ ջուրը հետ են վերադարձնում գետ՝ պահպանելով էկոլոգիական հոսքը:

Գետի վրա մի քանի հէկերի առկայության դեպքում ջրային ռեսուրսը կարող է օգտագործվել մի քանի անգամ: Գետավազանի ներսում հէկերի կողմից ջրային ռեսուրսի մի քանի անգամ օգտագործումը համարվում է ջրային ռեսուրսի կրկնակի կամ բազմակի օգտագործում:

Ջրավազանի տարածքում շահագործվող հէկերի և փոքր հէկերի փաստացի ջրառի գումարային ծավալները մի քանի անգամ գերազանցում են ՀՀ կառավարության 2016 թվականի մայիսի 16-ի <<Հարավային  ջրավազանային  տարածքի  2016-2021 թվականների կառավարման պլանը և արդյունավետ կառավարմանն ուղղված առաջնահերթ միջոցառումները հաստատելու մասին>> N539-Ն որոշմամբ նախատեսված ջրառի ծավալները, ինչն առաջացնում է թյուր ընկալում:

     2.Առաջարկվող կարգավորման բնույթը

Նշված կարգավորմամբ նախատեսվում է հստակեցնել Հարավային ջրավազանային տարածքում ջրառաջարկի և ջրապահանջարկի միտումները: Կարգավորումով հստակ նշվում է, որ միևնույն ջրային ռեսուրսից առանց որակական և քանակական փոփոխության հաջորդաբար իրականացված ջրառի դեպքում  ՀՀ կառավարության 2016 թվականի մայիսի 16-ի  N539-Ն որոշման հավելված 1-ում նշված ջրառաջարկի և ջրապահանջարկի միտումները հաշվարկվել են տվյալ ռեսուրսից ջրառի առավելագույն ծավալով:

      3.Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

<<Հայաստանի Հանրապետության կառավարության 2016 թվականի մայիսի 26-ի N 539-Ն որոշման մեջ լրացում կատարելու մասին>>  ՀՀ կառավարության որոշման նախագիծը մշակվել է շրջակա միջավայրի նախարարության ջրային ռեսուրսների կառավարման գործակալության աշխատակիցների կողմից:

4. Ակնկալվող արդյունքը
   

<<Հայաստանի Հանրապետության կառավարության 2016 թվականի մայիսի 26-ի N 539-Ն որոշման մեջ լրացում կատարելու մասին>>  ՀՀ կառավարության որոշման նախագծի ընդունմամբ կհստակեցվի ջրօգտագործման թույլտվությունների ստացման հայտերի գնահատման գործընթացը:

ՏԵՂԵԿԱՆՔ

<<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՄԱՅԻՍԻ 26-Ի N 539-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ>>  ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ԱՅԼ ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՄԱՍԻՆ

<<Հայաստանի Հանրապետության կառավարության 2016 թվականի մայիսի 26-ի N 539-N որոշման մեջ լրացում կատարելու մասին>>  ՀՀ կառավարության որոշման նախագծի ընդունման կապակցությամբ այլ իրավական ակտերի ընդունման անհրաժեշտություն չկա:

ՏԵՂԵԿԱՆՔ

<<ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՄԱՅԻՍԻ 26-Ի N 539-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ>>  ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ՊԵՏԱԿԱՆ ԿԱՄ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄՆԻ ԲՅՈՒՋԵՈՒՄ ԾԱԽՍԵՐԻ ԵՎ ԵԿԱՄՈՒՏՆԵՐԻ ԱՎԵԼԱՑՄԱՆ ԿԱՄ ՆՎԱԶԵՑՄԱՆ ՄԱՍԻՆ

<<Հայաստանի Հանրապետության կառավարության 2016 թվականի մայիսի 26-ի N 539-N որոշման մեջ լրացում կատարելու մասին>>  ՀՀ կառավարության որոշման նախագծի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացում կամ նվազեցում չի նախատեսվում: