«Ճանապարհային երթևեկության անվտանգության ապահովման մասին» ՀՀ օրենքում փոփոխություններ և լրացումներ կատարելու մասին», «Լիցենզավորման մասին» ՀՀ օրենքում լրացում կատարելու մասին» և «Պետական տուրքի մասին» ՀՀ օրենքում լրացում կատարելու մասին» օրենքների նախագծերը

ՆԱԽԱԳԻԾ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
«ՃԱՆԱՊԱՐՀԱՅԻՆ ԵՐԹԵՎԵԿՈՒԹՅԱՆ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1.
«Ճանապարհային երթևեկության անվտանգության ապահովման մասին» 2005 թվականի հուլիսի 8-ի ՀՕ-166-Ն օրենքի (այսուհետ` Օրենք) 28-րդ հոդվածում՝
1) 1.2-րդ մասում ««A», «B» և «C» կարգերի, ինչպես նաև «A1», «B1» և «C1» ենթակարգերի» բառերը փոխարինել ««A» և «B» կարգերի, ինչպես նաև «A1» և «B1» ենթակարգերի» բառերով,
2) լրացնել հետևյալ բովանդակությամբ 1.3-րդ, 1.4-րդ, 1.5-րդ և 1.6-րդ մասերով.
«1.3. Վարորդական իրավունքի վկայական ստանալու համար դիմած անձը պետք է անցնի բժշկական հավատարմագրում, եթե վարորդական իրավունքի վկայական ստանալու գործընթացն իրականացնելու ընթացքում ակնհայտ երևում է, որ նա կարող է ունենալ սույն օրենքի 22.1-րդ հոդվածի 1-ին մասով սահմանված տրանսպորտային միջոց շահագործելու համար խոչընդոտ հանդիսացող հակացուցում:
1.4. «C», «D», «T» և «CE», «DE» կարգերի, «C1», «D1» և «C1E», «D1E» ենթակարգերի տրանսպորտային միջոցներ վարելու վարորդական իրավունքի վկայական առաջին անգամ ստանալու համար դիմած անձիք Ճանապարհային ոստիկանության կողմից տրված պահանջագրի հիման վրա անցնում են բժշկական հավատարմագրում:
1.5. Թմրաբանական բժշկական օգնության և սպասարկման ենթակա, ինչպես նաև հոգեբուժական կազմակերպություններում հաշվառված անձանց անձնական տվյալները մշակվում են էլեկտրոնային եղանակով և հարցման դեպքում առողջապահության բնագավառի լիազոր մարմնի միասնական էլեկտրոնային շտեմարանի միջոցով հասանելի են դառնում Ճանապարհային ոստիկանությանը: Էլեկտրոնային շտեմարանից հարցում կատարելու համար վարորդի թեկնածուի կողմից համաձայնություն չտալու դեպքում վարորդական իրավունքի վկայականի տրամադրումը մերժվում է:
1.6. Տրանսպորտային միջոց վարելու իրավունք ստանալու համար ուսուցման գործունեության իրականացումը ենթակա է լիցենզավորման Հայաստանի Հանրապետության կառավարության լիազորած մարմնի կողմից: Տրանսպորտային միջոց վարելու իրավունք ստանալու համար ուսուցման գործունեության իրականացման լիցենզավորման կարգը սահմանում է Հայաստանի Հանրապետության կառավարությունը:»:

Հոդված 2.
Օրենքի 29-րդ հոդվածի 1-ին մասի «բ» կետում «հոգեկան» բառից հետո լրացնել «, թմրամիջոցների և (կամ) հոգեմետ (հոգեներգործուն) նյութերի օգտագործմամբ պայմանավորված» բառերը:

Հոդված 3.
1. Սույն օրենքն ուժի մեջ է մտնում հրապարակվելու օրվանից 6 ամիս հետո:
2. Սույն օրենքի 1-ին հոդվածի 1.5-րդ մասով սահմանված էլեկտրոնային շտեմարանի ձևավորման աշխատանքներն ավարտին են հասցվում մինչև 2020 թվականի սեպտեմբերի 1-ը:

ՆԱԽԱԳԻԾ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ԼԻՑԵՆԶԱՎՈՐՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Լիցենզավորման մասին» 2001 թվականի մայիսի 30-ի ՀՕ-193-Ն օրենքի 43-րդ հոդվածի 2-րդ մասով սահմանված աղյուսակի 9-րդ` «ԿՐԹՈՒԹՅԱՆ ԲՆԱԳԱՎԱՌ» բաժինը լրացնել հետևյալ բովանդակությամբ 9-րդ կետով.

9. Տրանսպորտային միջոց վարելու իրավունք ստանալու համար ուսուցման գործունեության իրականացում ԿՄ - - - - Հ -

Հոդված 2. Սույն օրենքն ուժի մեջ է մտնում հրապարակվելու օրվանից 6 ամիս հետո:

ՆԱԽԱԳԻԾ

ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» 1997 թվականի դեկտեմբերի 27-ի ՀՕ-186-Ն օրենքի 19-րդ հոդվածի 8-րդ՝ «ԿՐԹՈՒԹՅԱՆ ԲՆԱԳԱՎԱՌ» բաժինը լրացնել հետևյալ բովանդակությամբ 8.5.6-րդ կետով.
«8.5.6. Տրանսպորտային միջոց վարելու իրավունք ստանալու համար ուսուցման գործունեության իրականացման համար՝ տարեկան բազային տուրքի 150-ապատիկի չափով»:
Հոդված 2. Սույն օրենքն ուժի մեջ է մտնում հրապարակվելու օրվանից 6 ամիս հետո: