«Գնումների գործընթացի կազմակերպման կարգը հաստատելու եվ Հայաստանի Հանրապետության կառավարության 2011 թվականի փետրվարի 10-ի N 168-ն որոշումն ուժը կորցրած ճանաչելու մասին» ՀՀ կառավարության որոշ­ման նախագիծ

1.

Անհրաժեշտությունը

«Գնումների գործընթացի կազմակերպման կարգը հաստատելու եվ Հայաստանի Հանրապետության կառավարության 2011 թվականի փետրվարի 10-ի N 168-ն որոշումն ուժը կորցրած ճանաչելու մասին» ՀՀ կառավարության որոշ­ման նախագծի (այսուհետ` Նախագիծ) ընդունումը պայմանավորված է «Գնումների մասին» 16.12.16թ. N ՀՀ-21-Ն ՀՀ օրենքի 5-րդ հոդվածի 1-ին մասով նախատեսված` ՀՀ տարածքից դուրս գնումների կատարման, գնումների պլանավորման, գնման առարկայի բնութագրերի հաստատման, գնումների նախնական հսկողության, պայմանագրերի կատարման, կառավարման և ֆինանսավորման, գնահատող հանձնաժողովի կազմավորման և գործունեության, օրենքով նախատեսված գնում կատարելու ընթացակարգերի կիրարկման կարգի և դրանց առանձնահատկությունների, փակ պարբերական մրցույթներով գնումների հետ կապված հարաբերությունների կարգավորման, «գնման գին» և «փոխկապակցված անձինք» հասկացությունների, փոխկապակցված անձանց կողմից գնման ընթացակարգերին մասնակցության սահմանափակման դեպքերի,  ինչպես նաև հրավերի և պայմանագրի հիմնական պայմանների սահմանման անհրաժեշտությամբ:

2.

Ընթացիկ իրավիճակը և խնդիրները

Գնումների գործընթացի կազմակերպման կարգը սահմանված է ՀՀ կառավարության 10.02.11թ. թիվ 168-Ն որոշմամբ:

ՀՀ Ազգային ժողովի կողմից 16.12.16թ.-ին ընդունվել է «Գնումների մասին» ՀՕ-21-Ն օրենքը (այսուհետ` Օրենք), որով, ի թիվս այլ փոփոխությունների, նվազեցվել են գնման ձևերը, պարզեցվել են ընթացակարգերի կազմակերպման ու դրանց մասնակցության հետ կապված պայմանները, ներառյալ բացառվել է մասնակիցներին ձևական պահանջներով ծանրաբեռնելու հնարավորությունը: Նշվածով պայմանավորված անհրաժեշտություն է առաջացել ՀՀ կառավարության կողմից հաստատել գնումների գործընթացի կազմակերպման նոր կարգը` ուժը կորցրած ճանաչելով ՀՀ կառավարության 10.02.11թ. թիվ 168-Ն որոշումը:

Նախագծով սահմանվում են`

1)     ՀՀ տարածքից դուրս գնումների կատարման կարգը (Օրենքի 5-րդ հոդվածի 1-ին մասի 1-ին կետ),

2)     գնումների պլանավորման, գնման առարկայի բնութագրերի հաստատման, գնումների նախնական հսկողության, պայմանագրերի կատարման, կառավարման և ֆինանսավորման կարգը (Օրենքի 5-րդ հոդվածի 1-ին մասի 4-րդ կետ),

3)     գնում կատարելու ընթացակարգերի կիրարկման կարգը և դրանց առանձնահատկությունները (Օրենքի 5-րդ հոդվածի 1-ին մասի 6-րդ կետ),

4)     գնահատող հանձնաժողովի կազմավորման և գործունեության կարգը (Օրենքի 5-րդ հոդվածի 1-ին մասի 7-րդ կետ)

5)     հրավերի և պայմանագրի հիմնական պայմանները (Օրենքի 5-րդ հոդվածի 1-ին մասի 8-րդ կետ)

6)     փոխկապակցված անձանց հասկացությունը և այդ անձանց կողմից գնման ընթացակարգերին մասնակցության սահմանափակման դեպքերը (Օրենքի 5-րդ հոդվածի 1-ին մասի 12-րդ կետ),

7)     բողոքարկման վճարը հետ վերադարձնելու կարգը (Օրենքի 5-րդ հոդվածի 1-ին մասի 16-րդ կետ),

8)     ըստ գնման ձևերի, հրավերով մասնակիցներն ներկայացվող հայտի և պայմանագրի ապահովման պահանջները (Օրենքի 5-րդ հոդվածի 1-ին մասի 17-րդ կետ),

9)     կենտրոնացված կարգով գնում կատարելու կարգը և կենտրոնացված եղանակով գնում կատարող լիազոր մարմինը կամ իրավաբանական անձը (Օրենքի 17-րդ հոդվածի 1-ին և 2-րդ մասեր):

Միաժամանակ Նախագծով նախատեսվում է լիազորել ՀՀ ֆինանսների նախարարին` հաստատել Օրենքի 5-րդ հոդվածի 1-ին մասի 15-րդ կետով նախատեսված փակ պարբերական մրցույթով ձեռքբերվող ապրանքների, աշխատանքների և ծառայությունների ցուցակը:

3.

Տվյալ բնագավառում իրականացվող քաղաքականությունը

Տվյալ բնագավառում իրականացվող քաղաքականության փոփոխություն չի նապատեսվում:

4.

Կարգավորման նպատակը և բնույթը

Նախագծի ընդունման նպատակն է գնումների գործընթացի կազմակերպման կարգը համապատեսխանեցնել Օրենքի պահանջներին:

5.

Նախագծի մշակման գործընթացում ներգրավված ինստիտուտները և ան­ձինք

Որոշ­ման նախագիծը մշակվել է ՀՀ ֆինանսների նախարարության աշխատակազմի կողմից:

6.

Ակնկալվող արդյունքը

Նախագծի ընդունմամբ կկարգավորվեն`

·            ՀՀ տարածքից դուրս գնումների կատարման հետ կապված հարաբերությունները,

·            գնումների պլանավորման, գնման առարկայի բնութագրերի հաստատման, գնումների նախնական հսկողության, պայմանագրերի կատարման, կառավարման և ֆինանսավորման հետ կապված հարաբերությունները,

·            գնահատող հանձնաժողովի կազմավորման և գործունեության հետ կապված հարաբերությունները,

·            Օրենքով նախատեսված գնում կատարելու ընթացակարգերի կիրարկման կարգի և դրանց առանձնահատկությունների հետ կապված հարաբերությունները,

·            փակ պարբերական մրցույթներով գնումների հետ կապված հարաբերությունները,

կսահմանվեն`

·           «փոխկապակցված անձինք» հասկացությունը և այդ անձանց կողմից գնման ընթացակարգերին մասնակցության սահմանափակման դեպքերը,  

·           հրավերի և պայմանագրի հիմնական պայմանները

·           կենտրոնացված կարգով գնում կատարելու կարգը և կենտրոնացված եղանակով գնում կատարող լիազոր մարմինը կամ իրավաբանական անձը

7.

Այլ տեղեկություններ (եթե այդպիսիք առկա են)

---