Սույն օրենքը սահմանում է Հայաստանի Հանրապետության նախադպրոցական կրթության բնագավառում պետական քաղաքականության սկզբունքները, կազմակերպական-իրավական ու ֆինանսատնտեսական հիմքերը, կարգավորում է նախադպրոցական կրթության գործընթացին մասնակից ֆիզիկական և իրավաբանական անձանց իրավահարաբերությունները, ապահովում է Հայաստանի Հանրապետության Սահմանադրությամբ ամրագրված բոլորի համար հավասար կրթության իրավունքի, նախադպրոցական կրթության հասանելիության և մատչելիության հիմքերը:
Քննարկվել է
15.03.2019 - 31.03.2019
Տեսակ
Օրենք
Ոլորտ
Կրթություն և գիտություն
Գերատեսչություն
Կրթության, գիտության,մշակույթի և սպորտի նախարարություն
Կարգավիճակ
Դիտումներ` 25295
Տպել31.03.2019
Նախագծի 3-րդ հոդվածով սահմանված են հիմնական հասակցությունները։ Հաշվի առնելով, որ նախադպրոցական տարիք հասակցությունն արդեն ամրագրված է Նախագծում՝ առաջարկում ենք անհարկի կրկնություններից խուսափելու համար «զարգացման կենտրոն» հասկացության բացատրության մեջից հանել փակագծերում կիրառված (0-6 տարեկան) արտահայտությունը։
31.03.2019
Նախագծի 3-րդ հոդվածով սահմանվում է «ներառական կրթություն» հասկացությունը։ Ի թիվս այլնի՝ նշվում է մատչելի միջավայրի եւ խելամիտ հարմարեցումների ապահովման միջոցով կրթական գործընթացի ապահովման մասին։ Նախագծում, սակայն, ներառված չեն «մատչելի միջավայր» եւ «խելամիտ հարմարեցումներ» հասկացություններն, ինչն առաջարկում ենք ավելացնել։
31.03.2019
Իրավական տեխնիկայի տեսանկյունից՝ առաջարկում ենք Նախագծի 12-րդ հոդվածի1-ին մասի կետերի հաջորդականությունը խմբագրել, քանի որ բ) եւ գ) ենթակետերը բացակայում են եւ ա) կետից հետո դ) կետն է։
