ՀԱՆՐԱՅԻՆ ԿԼԻՄԱՅԱԿԱՆ ԾԱԽՍԵՐԻ ՆՇԱԳՐՄԱՆ ԳՈՐԾԸՆԹԱՑԸ ԲՅՈՒՋԵՏԱՅԻՆ ԳՈՐԾԸՆԹԱՑՈՒՄ ՆԵՐԿԱՌՈՒՑԵԼՈՒ ԿԱՐԳԸ ՍԱՀՄԱՆԵԼՈՒ ԵՎ ՀԱՆՐԱՅԻՆ ԿԼԻՄԱՅԱԿԱՆ ԾԱԽՍԵՐԻ ԵՎ ԻՆՍՏԻՏՈՒՑԻՈՆԱԼ ԶԵԿՈՒՅՑԻ ՄՇԱԿՄԱՆ ԱՇԽԱՏԱՆՔՆԵՐԸ ԿԱԶՄԱԿԵՐՊԵԼՈՒ ՄԱՍԻՆ

Սույն հրամանի նպատակն է ուղղորդել պետական կառավարման համակարգի մարմիններին բյուջետային գործընթացի շրջանակներում պետական բյուջեի կլիմայական ծախսերի նշագրման գործընթացում՝ սահմանելով գործընթացի յուրաքանչյուր փուլում պետական մարմինների կողմից կլիմայի փոփոխությանն (այսուհետ՝ ԿՓ) առնչվող բյուջետային ծրագրերի և միջոցառումների նույնականացման, դասակարգման և համապատասխան ծախսերի գնահատման համար անհրաժեշտ քայլերը և տրամաբանությունը:

Հրամանը չի փոխարինում ֆինանսների նախարարության կողմից պետական մարմիններին տրամադրվող ՄԺԾԾ և բյուջետային հայտերի կազմման մեթոդական ցուցումներին կամ այդ ոլորտում գործող այլ իրավական ակտերին, այլ լրացնում է դրան՝ ԿՓ առնչվող ծախսերի մասով։ Սույն կարգը կիրառելի է բյուջետային բոլոր ծրագրերի և միջոցառումների համար: