««Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին» օրենքի նախագիծ

ՀԻՄՆԱՎՈՐՈՒՄ

««Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին» օրենքի նախագծի վերաբերյալ

Անհրաժեշտությունը

«Պետական գույքի մասնավորեցման 2017-2020 թվականների ծրագրի մասին» ՀՀ օրենքում փոփոխություն կատարելու մասին օրենքի նախագծի (այսուհետ՝ Նախագիծ) ընդունումը պայմանավորված է մասնավորեցման ծրագրում ընդգրկված «Համո Բեկնազարյանի անվան «Հայֆիլմ» կինոստուդիա» ՓԲԸ-ի բաժնետոմսերի կառավարման լիազորությունները՝ ՀՀ կրթության, գիտության, մշակույթի և սպորտի նախարարությանը   փոխանցելու հետ։

Ընթացիկ իրավիճակը և խնդիրները

2015 թվականին «Համո Բեկնազարյանի անվան «Հայֆիլմ» կինոստուդիա» ՓԲԸ-ն, ՀՀ կառավարության 31․08․2015թ․ թիվ 1050-Ա որոշման համաձայն տեղափոխվել է Պետական գույքի կառավարման կոմիտեի ենթակայության ներքո: Գրեթե մեկ տասնամյակ կինոարդյունաբերական այդ բազմաֆունկցիոնալ կառույցը չի գործում՝ պահպանելով կայուն անկման իրավիճակ: Ներկայում՝ կինոոլորտի զարգացման և բարեփոխման ծրագրերի իրականացման, ինչպես նաև վերջին տարիներին կինոոլորտում միջազգային համագործակցության ակնհայտ աճողականությամբ պայմանավորված անհրաժեշտություն է առաջացել վերջինիս պետական սեփականություն հանդիսացող բաժնետոմսերի կառավարման լիազորությունը վերապահել Հայաստանի Հանրապետության կրթության, գիտության, մշակույթի և սպորտի նախարարությանը:

Տվյալ բնագավառում իրականացվող քաղաքականությունը

Տվյալ բնագավառում իրականացվող քաղաքականությունն ուղղված է պետական գույքի արդյունավետ կառավարմանը։

Կարգավորման նպատակը և բնույթը

«Համո Բեկնազարյանի անվան «Հայֆիլմ» կինոստուդիա» ՓԲԸ-ն հանել մասնավորեցման ծրագրից՝ հաշվի առնելով ոլորտային ծրագրերի և պետական քաղաքականության առաջնահերթությունները։

Նախագծի մշակման գործընթացում ներգրավված ինստիտուտները և անձիք

Նախագիծը մշակվել է ՀՀ պետական գույքի կառավարման կոմիտեի կողմից՝ շահագրգիռ պետական մարմինների հետ իրականացված քննարկումների արդյունքների հիման վրա։

Ակնկալվող արդյունքը

Նախագծի ընդունմամբ կվերանայվի մասնավորեցման ծրագրում ընդգրկված ընկերությունների ցանկը։

Լրացուցիչ ֆինանսական միջոցների անհրաժեշտությունը, պետական բյուջեի եկամուտներում և ծախսերում սպասվելիք փոփոխությունները

Նախագծի ընդունման կապակցությամբ լրացուցիչ ֆինանսական միջոցների անհրաժեշտություն չի առաջանա, ինչպես նաև պետական բյուջեի եկամուտներում և ծախսերում փոփոխություններ չեն նախատեսվում։

Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին տեղեկանք

Նախագծի ընդունումը այլ իրավական ակտերում փոփոխություններ կատարելու անհրաժեշտություն չի առաջացնի։

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Նախագծի ընդունումը բխում է ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշման Տարածքային կառավարման և ենթակառուցվածքների նախարարության մասով 102-րդ կետի  միջոցառման կատարումից։