ՀՀ դեղ արտադրողների միություն
28.02.2025
1. Նախագծի 1-ին կետի 2-րդ և 3-րդ ենթակետերով սահմանված վերնագրերը չեն պարունակում Օրենքի միայն 20.3. հոդվածի 1-ին մասի 14-րդ կետի ա, ե, զ ենթակետերը, այն է՝ ա. ընդհանուր ընթացակարգով գրանցված կամ ԵԱՏՄ կարգով միայն Հայաստանի Հանրապետությունում կիրառման նպատակով գրանցված դեղի փոփոխության փորձաքննության համար ե. սպեցիֆիկացիայում մինչև երեք ցուցանիշի փոփոխության դեպքում՝ լաբորատոր փորձաքննության համար զ. սպեցիֆիկացիայում երեքից ավելի ցուցանիշների փոփոխության դեպքում՝ լաբորատոր փորձաքննության համար 2. Հետգրանցումային փոփոխություններն ըստ էության ընդգրկված են Նախագծի 1-ին կետի 5-րդ և 6-րդ ենթակետերում, սակայն հարց է ծագում, արդյո՞ք գրանցման հայտեր ընդունելիս, եթե դրանք ներկայացվեն Օրենքի 20.3. հոդվածի 1-ին մասի 14-րդ կետի ա, ե, զ ենթակետերով, տվյալ պարագայում դրանք ևս սույն կետերի բովանդակությամբ ընդունելի կլինեն, թե անհրաժեշտ է խմբագրել տվյալ կետերի բովանդակությունը՝ ներառելով նաև 14-րդ կետի ա, ե, զ ենթակետերը: 3. Նախագծի 1-ին կետի 6-րդ ենթակետն ըստ էության բովանդակում է Օրենքի 20.3. հոդվածի 1-ին մասի 1-ին կետի Է ենթակետը, սակայն ոչ տառացի ձևակերպմամբ, ուստի եթե հայտերի ստացման պահին լրացուցիչ խնդիրներ կառաջանան՝ առաջարկում ենք այն խմբագրել Օրենքի ձևակերպմամբ, այն է՝ է. Հայաստանի Հանրապետությունում գրանցված դեղի դոսյեի՝ ԵԱՏՄ կանոններին համապատասխանեցման նպատակով միայն Հայաստանի Հանրապետությունում կիրառման համար իրականացվող փորձաքննության համար Հավելվածի 5-րդ կետում նշված 550.000 ֆինանսավորման շեմը հարկավոր է բարձրացնել, դարձնելով՝ 600.000, քանի որ զ ենթակետը նախատեսում է 1.200.000 ՀՀ դրամ պետական տուրք, որի 50%-ը 600.000 է կազմում: 4. Կարծում ենք առկա է ևս մեկ լրացում կատարելու անհրաժեշտություն 04 հուլիսի 2024 թվականի N 1034-Ն Որոշման 3-րդ կետում. 3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է նաև 2024 թվականի հունվարի 1-ից հետո կատարված՝ սույն որոշման 1-ին կետում նշված ԳՐԱՆՑՈՒՄՆԵՐԻ ԵՎ ՎԵՐԱԳՐԱՆՑՈՒՄՆԵՐԻ ՎՐԱ: Նախագծով առաջարկվում է լրացնել Որոշման 1-ին կետը՝ ընգրկելով նաև գրանցումների այլ տեսակները, ուստի անհրաժեշտություն է առաջանում համապատասխանաբար լրացնել նաև Որոշման 3-րդ կետի <<սույն որոշման 1-ին կետում նշված գրանցումների և վերագրանցումների վրա>> վերջին հատվածը՝ գրանցումներից և վերագրանցումներից բացի ներառելով նաև մնացած լրացումները կամ նշելով <<սույն որոշման 1-ին կետում նշված փորձաքննությունների վրա>>: Հաշվի առնելով, որ սույն Որոշմամբ ի սկզբանե նախատեսվել էր հետադարձ ուժ տրամադրել և այն տարածել 2024 թվականին ծագած հարաբերությունների վրա, ուստի կարևոր է, որ վերջին լրացումները ևս գործեն նույն տրամաբանությամբ, հաշվի առնելով, որ արտադրողները մեծաքանակ հայտեր կկարողանան ներկայացնել նախագծի ուժի մեջ մտնելու օրվանից սկսած: