ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ «ՏԱՎՈՒՇԻ ՏԱՐԱԾԱՇՐՋԱՆԱՅԻՆ ՊԵՏԱԿԱՆ ՔՈԼԵՋ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ «ՏԱՎՈՒՇԻ ՊԱՏՐԻԿ ՏԷՎԷՃԵԱՆԻ ՏԱՐԱԾԱՇՐՋԱՆԱՅԻՆ ՔՈԼԵՋ» ՀԻՄՆԱԴՐԱՄԻ ՎԵՐԱԿԱԶՄԱՎՈՐԵԼՈՒ ՄԱՍԻՆ

1 - За
0 - Против

Տ Ե Ղ Ե Կ Ա Ն Ք Հ Ի Մ Ն Ա Վ Ո Ր Ո Ւ Մ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆ «ՏԱՎՈՒՇԻ ՏԱՐԱԾԱՇՐՋԱՆԱՅԻՆ ՊԵՏԱԿԱՆ ՔՈԼԵՋ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ «ՏԱՎՈՒՇԻ ՊԱՏՐԻԿ ՏԷՎԷՃԵԱՆ ՏԱՐԱԾԱՇՐՋԱՆԱՅԻՆ ՔՈԼԵՋ» ՀԻՄՆԱԴՐԱՄԻ

ՎԵՐԱԿԱԶՄԱՎՈՐԵԼՈՒ ՄԱՍԻՆ

Անհրաժեշտությունը

«Հայաստանի Հանրապետության կրթության, գիտության, մշակույթի և սպորտի նախարարության «Տավուշի տարածաշրջանային պետական քոլեջ» պետական ոչ առևտրային կազմակերպությունը «Տավուշի Պատրիկ Տէվէճեան տարածաշրջանային քոլեջ» հիմնադրամի վերակազմավորելու մասին» Հայաստանի Հանրապետության կառավարության որոշման նախագիծը մշակվել է հիմք ընդունելով ՀՀ կառավարության 2021թ. օգոստոսի 18-ի N 1363-Ա որոշմամբ հաստատված ՀՀ կառավարության 2021-2026 թվականների ծրագրի 4-րդ գլխի ընդհանուր գաղափարախոսությունից, ըստ որի ներդրվելու և փորձարկվելու է հաստատությունների կառավարման նոր մոդելներ՝ հիմնված պետական-մասնավոր համագործակցության վրա, ինչը կնպաստի համակարգի արդյունավետության բարձրացմանը, ինչպես նաև կրթական ծրագրերի արդիականացում, նոր մասնագիտությունների ներդրում:

Վերջին տարիներին Հայաստանի Հանրապետությունում ընթացող կրթական համակարգի բարեփոխումների շրջանակներում կարևորվում է մասնագիտական կրթության զարգացումը, որը համահունչ է երկրում իրականացվող կրթական քաղաքականությանը, սոցիալ-տնտեսական ոլորտի զարգացման ծրագրերին և գերակայություններին: Իրականացված միջոցառումների շնորհիվ զգալի ավելացել է երիտասարդների հոսքը դեպի միջին մասնագիտական կրթական հաստատություններ, ինչը հանրապետությունում կփոխի միջին և բարձրագույն մասնագիտական կրթությամբ շրջանավարտների հարաբերակցությունը հօգուտ առաջինի:

Ընթացիկ իրավիճակը և խնդիրները

ՀՀ Տավուշի մարզի Իջևան քաղաքում գործում է Հայաստանի Հանրապետության կրթության, գիտության, մշակույթի և սպորտի նախարարության «Տավուշի տարածաշրջանային պետական քոլեջ» պետական ոչ առևտրային կազմակերպությունը, որտեղ ուսուցնվում են մարզին անհրաժեշտ նախնական և միջին մասնագիտական կրթությամբ կադրեր: ՀՀ Տավուշի մարզը հանդիսանալով նաև գյուղատնտեսության ոլորտի զարգացման մեծ հնարավորություններ ունեցող մարզ՝ ֆրանսիական մոդելով գյուղատնտեսական ուղվածությամբ հիմնադրամի բացման անհրաժեշտությունը ծագել է ժամանակակից գյուղատնտեսության ոլորտում մեծ պահանջարկ ունեցող նախնական և միջին մասնագիտական կրթությամբ արհեստավարժ մասնագետների պակասը հաշվի առնելով:

Կարգավորման նպատակը

Նոր հիմնադրամի ստեղծման համար շարժառիթ է հանդիսացել նաև Ֆրանսիայի հայկական հիմնադրամի և իր ֆրանսիացի գործընկերների պատրաստակամությունը՝ աջակցելու հիմնադրամի բացման, կայացման և զարգացման ծրագրերում։

Հիմնադրամի ստեղծման վայրը ընտրվել է հաշվի առնելով Ֆրանսիայի հայկական հիմնադրամի առաջարկը, այն է՝ օգտագործել Իջևան քաղաքում գտնվող Տավուշի տարածաշրջանային քոլեջի շենքային պայմանները և Լուսաձոր համայնքում գտնվող «Հիմնատավուշ» զարգացման հիմնադրամի առկայությունը, որը որոշ մասնագիտությունների համար կծառայի որպես ուսումնական բազա:

Գյուղատնտեսական կրթահամալիրի բացումը նախատեսվում է իրականացնել 2022 թ. սեպտեմբերին՝ 1 մասնագիտությամբ (Գյուղացիական (ֆերմերային) տնտեսության կազմակերպում), նախնական և միջին մասնագիտական կրթական ծրագրերով:

Հիմնադրամում դասավանդելու են ֆրանսիայում վերապատրաստում անցած մասնագետները, ուսումնական գործընթացում կներգրավվեն նաև ֆրանսիացի դասախոսներ:

Կրթահամալիրում ուսուցումը իրականացվելու է համապատասխան ՀՀ-ում գործող կրթական չափորոշիչների, կտեղայնացվեն նաև ֆրանսիական կրթական չափորոշիչներ և ֆրանսիական մանկավարժական մեթոդներ:

Ֆրանսիայի հայկական հիմնադրամը նախատեսում է կատարել ներդրումներ ստորև նշված նպատակներով․

դասախոսական անձնակազմի վերապատրաստում մասնագիտական և մանկավարժական ծրագրերով
ուսումնամեթոդական և նյութատեխնիկական բազայի մասնակի համալրում
շենքային պայմանների որոշակի բարելավում
շենքի մշտական ջրամատակարարման ապահովում, խմելու ջրի ռեզերվուարների տեղադրմամբ
ճաշարանի կազմակերպում՝ տարածքի վերանորոգման և կահավորման ընդգրկմամբ
հանրակացարանի կահավորում, սանհանգույցների վերափոխում և կապիտալ վերանորոգում
քիմիայի և կենսաբանության, ֆիզիկայի ժամանակակից լաբորատորիաների ստեղծում
ագրոգործիքների արհեստանոցի ստեղծում
25 տեղանոց ուսանողական ավտոբուսի ձեռքբերում
մարզասրահի և ուսանողների ժամանցի սրահի ստեղծում:

«Տավուշի տարածաշրջանային պետական քոլեջ» պետական ոչ առևտրային կազմակերպության վերակազմակերպումից և հիմնադրամ դառնալուց հետո էլ կշարունակի ուսումնական հաստատությունում ուսուցանվող մասնագիտություններով ուսուցումը՝ ելնելով աշխատաշուկայի պահանջարկից:

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ կրթության, գիտության, մշակույթի և սպորտի նախարարության կողմից:

Ակնկալվող արդյունքը

Նախագծի ընդունման դեպքում հնարավորություն կնձեռնի փորձարկել և ներդնել ուսումնական հաստատությունների կառավարման նոր մոդելներ՝ հիմնված պետական-մասնավոր համագործակցության վրա:

«Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ».

«Հայաստանի Հանրապետության կրթության, գիտության, մշակույթի և սպորտի նախարարության «Տավուշի տարածաշրջանային պետական քոլեջ» պետական ոչ առևտրային կազմակերպությունը «Տավուշի Պատրիկ Տէվէճեան տարածաշրջանային քոլեջ» հիմնադրամի վերակազմավորելու մասին» Հայաստանի Հանրապետության կառավարության որոշման նախագիծը բխում է ՀՀ կառավարության 2021թ. օգոստոսի 18-ի N 1363-Ա որոշմամբ հաստատված ՀՀ կառավարության 2021-2026 թվականների ծրագրի 4-րդ գլխի ընդհանուր գաղափարախոսությունից, ըստ որի փորձարկվելու և ներդրվելու է հաստատության կառավարման նոր մոդել՝ հիմնված պետական-մասնավոր համագործակցության վրա:

ՏԵՂԵԿԱՆՔ

Պետական կամ տեղական ինքնակառավարման մարմինների բյուջեներում ծախսերի և եկամուտների ավելացման կամ նվազեցման վերաբերյալ

Обсуждалось

11.05.2022 - 26.05.2022
Тип

Pешение
Область

Образование и наука
Министерство

Министерство образования, науки, культуры и спорта

Отправить письмо автору проекта

Ваше предложение будет опубликовано на сайте в течение 10 рабочих дней

Просмотры 4669

Принт