Հայաստանի Հանրապետության կառավարության 2023 թվականի նոյեմբերի 30-ի N 2093-Ն որոշմամբ հաստատված Հայաստանի Հանրապետության կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրում ընդգրկված բնակավայրերի (բացառությամբ՝ Երևան, Գյումրի և Վանաձոր քաղաքների) տնտեսավարողների համար Հայաստանի Հանրապետության կառավարության մի շարք որոշումներով հաստատված պետական աջակցության ծրագրերի շրջանակում լրացուցիչ արտոնություններ սահմանելու միջոցառումը և բնակավայրերի ցանկը հաստատելու մասին

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
«___» _________ 2025 թվական N __ -Լ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՆՈՅԵՄԲԵՐԻ 30-Ի N 2093-Ն ՈՐՈՇՄԱՄԲ ՀԱՍՏԱՏՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ «ՄԻՆՉԵՎ 2026 ԹՎԱԿԱՆԸ ԿԱՌՈՒՑՎՈՂ, ՀԻՄՆԱՆՈՐՈԳՎՈՂ ԿԱՄ ՎԵՐԱԿԱՌՈՒՑՎՈՂ 300 ԴՊՐՈՑՆԵՐ»-Ի ԾՐԱԳՐՈՒՄ ԸՆԴԳՐԿՎԱԾ ԲՆԱԿԱՎԱՅՐԵՐԻ (ԲԱՑԱՌՈՒԹՅԱՄԲ՝ ԵՐԵՎԱՆ, ԳՅՈՒՄՐԻ ԵՎ ՎԱՆԱՁՈՐ ՔԱՂԱՔՆԵՐԻ) ՏՆՏԵՍԱՎԱՐՈՂՆԵՐԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՎ ՀԱՍՏԱՏՎԱԾ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԵՐԻ ՇՐՋԱՆԱԿՈՒՄ ԼՐԱՑՈՒՑԻՉ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ ՄԻՋՈՑԱՌՈՒՄԸ ԵՎ ԲՆԱԿԱՎԱՅՐԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Սահմանադրության 146-րդ հոդվածի 4-րդ մասը՝ Հայաստանի Հանրապետության կառավարությունը որոշում է.
1․ Հաստատել՝
1) Հայաստանի Հանրապետության կառավարության 2023 թվականի նոյեմբերի 30-ի N 2093-Ն որոշմամբ հաստատված Հայաստանի Հանրապետության կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրում ընդգրկված բնակավայրերի (բացառությամբ՝ Երևան, Գյումրի և Վանաձոր քաղաքների) տնտեսավարողների համար Հայաստանի Հանրապետության կառավարության մի շարք որոշումներով հաստատված պետական աջակցության ծրագրերի շրջանակում լրացուցիչ արտոնություններ սահմանելու միջոցառումը՝ համաձայն N 1 հավելվածի․
2) Հայաստանի Հանրապետության կառավարության 2023 թվականի նոյեմբերի 30-ի N 2093-Ն որոշմամբ հաստատված Հայաստանի Հանրապետության կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրում ընդգրկված բնակավայրերի (բացառությամբ՝ Երևան, Գյումրի և Վանաձոր քաղաքների) ցանկը՝ համաձայն N 2 հավելվածի։
2. Սույն որոշումն ուժի մեջ է մտնում հրապարակմանը հաջորդող օրվանից։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱՊԵՏ                                   ՆԻԿՈԼ ՓԱՇԻՆՅԱՆ

Հավելված N 1

ՀՀ կառավարության 2025 թվականի

-----ի N ---Լ որոշման

ՄԻՋՈՑԱՌՈՒՄ

ՀՀ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՆՈՅԵՄԲԵՐԻ 30-Ի N 2093-Ն ՈՐՈՇՄԱՄԲ ՀԱՍՏԱՏՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ «ՄԻՆՉԵՎ 2026 ԹՎԱԿԱՆԸ ԿԱՌՈՒՑՎՈՂ, ՀԻՄՆԱՆՈՐՈԳՎՈՂ ԿԱՄ ՎԵՐԱԿԱՌՈՒՑՎՈՂ 300 ԴՊՐՈՑՆԵՐ»-Ի ԾՐԱԳՐՈՒՄ ԸՆԴԳՐԿՎԱԾ ԲՆԱԿԱՎԱՅՐԵՐԻ (ԲԱՑԱՌՈՒԹՅԱՄԲ՝ ԵՐԵՎԱՆ, ԳՅՈՒՄՐԻ ԵՎ ՎԱՆԱՁՈՐ ՔԱՂԱՔՆԵՐԻ)  ՏՆՏԵՍԱՎԱՐՈՂՆԵՐԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐՈՎ ՀԱՍՏԱՏՎԱԾ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԵՐԻ ՇՐՋԱՆԱԿՈՒՄ ԼՐԱՑՈՒՑԻՉ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ

1. Հայաստանի Հանրապետության կառավարության 2023 թվականի նոյեմբերի 30-ի N 2093-Ն որոշմամբ հաստատված Հայաստանի Հանրապետության կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրում ընդգրկված բնակավայրերի (բացառությամբ՝ Երևան, Գյումրի և Վանաձոր քաղաքների) տնտեսավարողների համար Հայաստանի Հանրապետության կառավարության մի շարք որոշումներով հաստատված պետական աջակցության ծրագրերի շրջանակում լրացուցիչ արտոնություններ սահմանելու միջոցառման (այսուհետ՝ միջոցառում) իրականացումը պայմանավորված է հանրապետության մարզերում կառուցվող, հիմնանորոգվող կամ վերակառուցվող դպրոցների բնակավայրերում մշտապես բնակվող կամ գործունեություն իրականացնող տնտեսավարողների համար գյուղատնտեսության ոլորտում վարկերի կամ լիզինգի տոկոսադրույքների սուբսիդավորմամբ իրականացվող՝ Հայաստանի Հանրապետության կառավարության 2021 թվականի հունիսի 3-ի N 927-Լ, Հայաստանի Հանրապետության կառավարության 2022 թվականի հունվարի 27-ի N 105-Լ, Հայաստանի Հանրապետության կառավարության 2018 թվականի հուլիսի 19-ի N 893-Լ, Հայաստանի Հանրապետության կառավարության 2023 թվականի հուլիսի 27-ի N 1284-Լ, Հայաստանի Հանրապետության կառավարության 2019 թվականի փետրվարի 28-ի N 201-Լ որոշումներով հաստատված պետական աջակցության ծրագրերի (այսուհետ՝ ծրագրեր)  շրջանակում լրացուցիչ արտոնություններ սահմանելու անհրաժեշտությամբ։
2. Միջոցառման նպատակն է` N 2 հավելվածի ցանկում ընդգրկված բնակավայրերում (այսուհետ՝ բնակավայր) հաշվառված և մշտապես բնակվող կամ գործունեություն իրականացնող տնտեսավարողների համար միջոցառման 1-ին կետում նշված Հայաստանի Հանրապետության կառավարության որոշումների շրջանակում լրացուցիչ արտոնություններ սահմանելու միջոցով բնակավայրերում ստեղծել նպաստավոր պայմաններ ագրոպարենային ոլորտում գործունեություն իրականացնելու համար, կրճատել բնակչության արտահոսքը, նպաստել տնտեսական ակտիվությանը, ներդրումների և արտադրության ծավալների ավելացմանը, արդիական տեխնոլոգիաների ներդրմանը, գյուղատնտեսության զարգացմանն ու արտադրողականության բարձրացմանը:
3. Միջոցառման շրջանակում բնակավայրերի տնտեսավարողներին ծրագրերով սահմանված վարկը կամ լիզինգը կտրամադրվեն աղյուսակով սահմանված պայմաններով՝ միջոցառմամբ սահմանված պահանջներին համապատասխան։
4. Միջոցառմամբ նախատեսվող վարկի կամ լիզինգի տոկոսադրույքի սուբսիդավորման ընթացակարգերը պետք է համապատասխանեն ծրագրերի պայմաններին և ընթացակարգերին:
5. Միջոցառումն իրականացվելու է 2025-2026 թվականներին։
6. Միջոցառման մասնակիցներն են՝

• բնակավայրերի տնտեսավարողները՝ ֆիզիկական անձը, ով առնվազն 5 տարի հաշվառված է և մշտապես բնակվում է այդ բնակավայրում և բավարարում է սույն կետի առաջին ենթակետի «ա» պարբերության պահանջներին, ինչպես նաև իրավաբանական անձը կամ անհատ ձեռնարկատերը, որը առնվազն մեկ տարի գործունեություն է իրականացնում այդ բնակավայրում և որը՝

ա․ ունի բարվոք վարկային պատմություն, այսինքն, ըստ ԱՔՌԱ վարկային բյուրոյի տեղեկատվության, դիմումի ներկայացման օրվան նախորդող 12 ամիսների ընթացքում չի ունեցել գումարային 90 օր և ավելի ժամկետով ժամկետանց վարկային պարտավորություններ կամ չունի ձևավորված վարկային պատմություն,

բ․ ունեցել է բարվոք հարկային պատմություն, այսինքն` դիմումի ներկայացման օրվան նախորդող 365 օրերի ընթացքում չկատարված հարկային պարտավորությունները գանձելու վերաբերյալ վարչական վարույթ հարուցված չէ, կամ դիմումի ներկայացմանը նախորդող աշխատանքային օրվա դրությամբ չունի չվճարված հարկային պարտավորություններ (այսուհետ՝ շահառու)․

• ծրագրերին մասնակից առևտրային բանկերը կամ վարկային կազմակերպությունները (այսուհետ՝ ֆինանսական կառույցներ)․
• Հայաստանի Հանրապետության էկոնոմիկայի նախարարությունը (այսուհետ՝ Նախարարություն)․
• Նախարարության «Գյուղական տարածքների տնտեսական զարգացման ԾԻԳ» պետական հիմնարկի Գյուղական ֆինանսավորման կառույցը (այսուհետ` ԳՖԿ)։

7. Միջոցառումը իրականացվում է հետևյալ ընթացակարգով՝

• Շահառուները միջոցառման շրջանակում ծրագրերից որևէ մեկին մասնակցելու և միջոցառմամբ նախատեսված աջակցությունից օգտվելու համար, բացի համապատասխան ծրագրով նախատեսված փաստաթղթերից ֆինանսական կառույցին են ներկայացնում՝

ա․ անձը հաստատող փաստաթղթի պատճեն, որում հստակ նշված կլինի անձի հաշվառման (ֆիզիկական անձանց դեպքում) կամ գործունեության իրականացման հասցեն (իրավաբանական անձանց կամ անհատ ձեռնարկատերերի դեպքում),

բ․ ԱՔՌԱ վարկային բյուրոյի տեղեկատվությունը՝ վարկային դրական պատմության վերաբերյալ,

գ․պետական եկամուտների կոմիտեի կողմից տրամադրված տեղեկանք (իրավաբանական անձանց և անհատ ձեռնարկատերերի դեպքում)՝ բարվոք հարկային պատմության վերաբերյալ,

դ․ Հայաստանի Հանրապետության ներքին գործերի նախարարության միգրացիայի և քաղաքացիության ծառայության տարածքային ստորաբաժանման (անձնագրային բաժնի) կողմից տրված տեղեկանք՝ շահառուի բոլոր հաշվառումների մասին (ֆիզիկական անձանց դեպքում),

ե․ համայնքի կամ բնակավայրի ղեկավարի  կողմից տրված տեղեկանք, որ շահառուն բնակավայրի մշտական բնակիչ է և առնվազն 5 տարի փաստացի բնակվում է տվյալ բնակավայրում (ֆիզիկական անձանց դեպքում),

զ․ համայնքի կամ բնակավայրի ղեկավարի  կողմից տրված տեղեկանք, որ շահառուն առնվազն 1 տարի փաստացի գործունեություն է իրականացնում բնակավայրում (իրավաբանական անձանց և անհատ ձեռնարկատերերի դեպքում)․

• սույն կետի 1-ին ենթակետում նշված վարկային դրական պատմության վերաբերյալ զեկույցը և բարվոք հարկային պատմության վերաբերյալ տեղեկանքը պետք է տրամադրված լինեն դիմումը ֆինանսական կառույց մուտքագրելու օրվանից հաշված ոչ ուշ, քան 10 օր առաջ․
• միջոցառման շրջանակում ծրագրերը կիրականացվեն աղյուսակում նշված պայմաններին համապատասխան, վարկի կամ լիզինգի տոկոսադրույքի սուբսիդավորման մասով՝ ծրագրերի ընթացակարգերին համապատասխան։

8. Լիզինգի աջակցության ծրագրերի դեպքում կանխավճարի սուբսիդավորման գործընթացը նախաձեռնում են ֆինանսական կառույցները։ Լիզինգի կանխավճարի սուբսիդավորման գումարը ԳՖԿ-ի կողմից փոխանցվում է ֆինանսական կառույցի համապատասխան հաշվին տվյալ ֆինանսական կառույցի կանխավճարի սուբսիդավորման հայտի հիման վրա: Շահառուն ֆինանսական կառույցին է վճարում  ձեռք բերվող լիզինգի առարկայի արժեքի 20 տոկոս կանխավճարի 70 տոկոսը։ Ֆինանսական կառույցը կանխավճարի սուբսիդավորման հայտը ԳՖԿ-ին է ներկայացնում լիզինգի տոկոսադրույքի սուբսիդավորման առաջին հայտի հետ միասին։ Հայտի հետ միասին (տվյալ լիզիգառուի համար առաջին անգամ ներկայացվող) ֆինանսական կառույցը ԳՖԿ-ին է ներկայացնում նաև ծրագրի 7-րդ կետով սահմանված փաստաթղթերը,  ֆինանսական կառույցի և շահառուի միջև կնքված լիզինգի տրամադրման պայմանագրի պատճենը և շահառուի կողմից ձեռք բերվող լիզինգի առարկայի արժեքի 20 տոկոս կանխավճարի 70 տոկոս չսուբսիդավորվող արժեքի վճարումը հավաստող փաստաթուղթ։ Կանխավճարի սուբսիդավորման հայտի բովանդակությանը ներկայացվող պահանջները սահմանվում են ԳՖԿ-ի և տվյալ ֆինանսական կառույցի միջև կնքվող պայմանագրով:
9. ԳՖԿ-ն կանխավճարի սուբսիդավորման հայտը ստանալուց հետո 5 աշխատանքային օրվա ընթացքում ֆինանսական կառույցի հետ ճշգրտում է հայտերը, ստուգում է միջոցառման  պահանջներին համապատասխանությունը և լիզինգի տոկոսադրույքի սուբսիդավորման հայտի հետ միասին դրական եզրակացությամբ ներկայացնում Նախարարություն։ Նախարարությունը ԳՖԿ-ի կողմից տրված դրական եզրակացության և ԳՖԿ-ի ու Նախարարության միջև կնքված սուբսիդիայի տրամադրման պայմանագրի հիման վրա ծրագրով սահմանված ժամկետներում (ֆինանսական միջոցների առկայության դեպքում) լիզինգի կանխավճարի  և տոկոսադրույքի սուբսիդավորման գումարները փոխանցում է ԳՖԿ–ին (ֆինանսական միջոցների բացակայության դեպքում ֆինանսավորումը կատարվում է համապատասխան միջոցների ներգրավումից հետո), որն էլ փոխանցում է համապատասխան ֆինանսական կառույցի հաշվեհամարին։ Կանխավճարի սուբսիդավորման հայտը՝ ծրագրի  և միջոցառման պահանջներին չբավարարելու դեպքում ԳՖԿ-ն երեք աշխատանքային օրվա ընթացքում պարտավոր է տեղյակ պահել ֆինանսական կառույցին՝ նշելով հայտի չբավարարման հիմքերը։
10. Միջոցառման 9-րդ կետում նշված, ԳՖԿ-ի կողմից կանխավճարի սուբսիդավորման հայտի չբավարարման դեպքում, ֆինանսական կառուցը այդ մասին տեղեկացվելուց հետո երկու աշխատանքային օրվա ընթացքում ԳՖԿ-ին կարող է ներկայացնել ծրագրի  և միջոցառման պահանջներին համապատասխան նոր հայտ։
11. ԳՖԿ-ի կողմից ամսական պարբերականությամբ Նախարարությանը ներկայացվող ծրագրերի հաշվետվությունը պետք է պարունակի տեղեկատվություն միջոցառման ընթացքի, այդ թվում՝ լիզինգի ծրագրերի կանխավճարի սուբսիդավորման մասին՝ ԳՖԿ-ի ու Նախարարության միջև կնքված սուբսիդիայի տրամադրման պայմանագրով սահմանվող ձևաչափով։
12. Միջոցառման հնարավոր ռիսկեր են համարվում`
    • վարկային ռեսուրսների ոչ նպատակային օգտագործումը,
    • բնական աղետների, արտակարգ իրավիճակների հետևանքով վարկի (լիզինգի) մայր գումարի վերադարձման անհնարինությունը։
13. Միջոցառման իրականացման արդյունքում` բնակավայրերում կստեղծվեն ագրոպարենային ոլորտում գործունեություն իրականացնելու համար նպաստավոր պայմաններ, կկրճատվի բնակչության արտահոսքը, կնպաստի տնտեսական ակտիվությանը, բնակավայրերում կավելանան ներդրումների և արտադրության ծավալները, կներդրվեն արդիական տեխնոլոգիաներ, կզարգանա գյուղատնտեսությունն ու կբարձրանա արտադրողականությունը:        

                                                                                          Աղյուսակ

Հավելված N 2

ՀՀ կառավարության 2025 թվականի

-----ի N --- Լ որոշման